ꓢꓯ. ꓔꓬ, ꓠ, ꓟ ꓐꓱ ꓶ ꓟꓬꓱꓽ ꓬꓰˍ ꓟ (reflection)

ꓠꓲ, ꓠꓵˍ ꓟ ꓬꓲꓼ ꓤ ꓠꓬꓲ ꓤ ꓐꓴ‐ꓳ꓾ ꓠꓬꓲ. ꓠꓬꓲ. ꓠꓬ 5 ꓦ 1 ꓠꓬꓲ ꓥ ꓟ ꓡꓰ ꓐꓰ ꓙꓲ ꓫꓬ, ꓢꓴ ꓬꓳ‐ꓢꓷ ꓟꓬꓱꓽ ꓬꓰ ꓒ ꓑꓮꓲꓽ ꓥ ꓡꓳ꓿ ꓟꓮꓬ ꓓꓮꓬ ꓐꓰ ꓐꓯ ꓟ ꓠꓬꓲ. ꓠꓬꓲ  ꓗꓪ ꓘꓴ ꓜꓲꓼ ꓞꓳ ꓗꓪ ꓐꓰ ꓢꓲꓽ ꓫꓬ ꓢꓴ ꓬꓳ‐ꓢꓷ ꓔꓯ ꓔꓲꓺ ꓡꓴ ꓔ ꓟ ꓦꓬꓼ ꓠꓬꓲ ꓥꓳ꓿

ꓟꓬꓱꓽ ꓐꓯ ꓟ ꓟꓬꓱꓺ ꓓꓳꓽ ꓙꓳˍ ꓟ꓾ ꓞꓳ ꓤ ꓤꓶꓻ ꓗꓪ ꓟꓬꓱꓽ ꓟꓽ ꓬꓰ ꓟꓽ ꓓ ꓟ ꓣꓳꓽ ꓔꓯ ꓢꓷ. ꓡꓰ ꓝꓲˍ ꓟ ꓥꓳ꓿ ꓖꓳ ꓡꓱ ꓥˍ ꓟꓲ ꓟꓬꓱꓽ ꓠꓬ ꓙꓲ ꓫꓬ, ꓟ ꓟꓬꓱꓽ꓾ ꓪꓴ‐ꓢ ꓠꓲ, ꓡꓶ ꓙꓳˍ ꓟ  ꓟꓬꓱꓽ ꓥ ꓠ, ꓟ ꓬꓮꓳ. ꓚꓲꓽ ꓡꓳ꓿

ꓟꓬꓱꓽ ꓗꓪ ꓐꓰ ꓗꓴ. ꓙꓲ ꓙꓳ ꓢꓲ ꓠꓬꓲ ꓕꓲꓽ ꓐꓱ ꓙꓳ ꓟ ꓠꓬ ꓟꓽ ꓔꓱ, ꓟ ꓓꓵꓽ ꓙ ꓚꓱ, ꓗꓪ ꓐꓰ ꓓꓵꓽ ꓙ ꓫꓵꓽ ꓙꓳˍ ꓡꓳ꓿ ꓞꓳ ꓤ ꓠꓬ ꓢꓯ. ꓠ, ꓟ ꓐꓱ ꓶ ꓟꓬꓱꓽ ꓬꓰ ꓔꓬ, ꓫꓵꓽ ꓥꓳ꓾ ꓟꓬꓱꓽ ꓬꓰ ꓔꓬ, ꓟ ꓐꓱ ꓶ ꓢꓯ. ꓔꓬ, ꓫꓵꓽ ꓟ ꓥ꓿ ꓞꓳ ꓤ ꓐꓯ ꓟ ꓠꓬ ꓟꓬꓱꓽ ꓕꓯ ꓢꓲ ꓗꓪ ꓮ ꓟꓬ ꓒꓵꓽˍ ꓡꓳ꓿ ꓟꓬꓱꓽ ꓐꓯ ꓟ ꓠꓬ ꓞꓳ ꓤ ꓕꓯ ꓢꓲ ꓗꓪ ꓪꓴꓽ ꓫꓵꓽ ꓟ ꓥ꓿

ꓮ ꓠꓱ  ꓕꓯ ꓓꓵꓽ ꓙ ꓚꓱ, ꓕꓲꓽ ꓟ ꓙꓳˍ ꓟ ꓠꓬ ꓡ ꓞꓳ ꓐꓯ ꓟ ꓠꓬ ꓬꓲ. ꓢꓯꓼ ꓪ ꓙꓳˍ ꓕꓯ ꓡꓰ ꓒꓵꓽ ꓶ ꓙꓳˍ ꓡꓳ꓿ ꓬꓲ. ꓟꓬꓱꓽ ꓬꓰ ꓟꓽ ꓘꓴ ꓕꓯ꓾ ꓬꓲ. ꓙꓰ ꓟꓽ ꓘꓴ ꓕꓯ꓾ ꓬꓲ. ꓡ ꓟꓽ ꓘꓴ ꓕꓯ ꓒꓵꓽ ꓶ ꓟꓽ ꓙꓳ ꓐꓰ ꓓꓵꓽ ꓙ ꓗꓳ. ꓙꓰ ꓫꓵꓽ ꓙꓳˍ ꓡꓳ꓿ ꓖꓳ ꓟ ꓠꓬ ꓟꓽ ꓙꓳ꓿

ꓕꓱ ꓟ ꓔꓯ ꓗꓽ ꓕ ꓠ, ꓟ ꓐꓱ ꓶ ꓘꓴ ꓜꓲꓼ ꓞꓳ ꓗꓪ ꓐꓰ ꓙꓲ ꓫꓬ ꓢꓴ ꓬꓳ‐ꓢꓷ ꓔꓯ ꓔꓯꓺ ꓢꓳ ꓠꓯ ꓟ ꓠꓬꓲ. ꓠꓬꓲ ꓟ ꓗꓪ ꓫꓬ, ꓔꓶꓺ ꓔ ꓖꓶꓽˍ ꓟ ꓥ ꓡꓳ꓿ 

ꓬꓳ‐ꓢꓷ ꓠꓬ  ꓬꓲ. ꓤꓶꓺ ꓔꓯ ꓢꓶ ꓑꓵꓺ ꓙꓵꓺ ꓒꓽ ꓕꓲꓽ ꓣꓳ ꓡꓰ ꓐꓰ ꓟ

ꓬꓱꓽ ꓔꓯ ꓔꓱ, ꓔꓱ ꓙꓳꓽ ꓙꓳꓽ ꓡꓰ ꓬꓰ ꓙꓰ ꓡꓳ꓿ ꓕꓱ ꓟ ꓡꓰ ꓐꓰ ꓣꓳꓽ ꓥˍ ꓟꓲ ꓟꓬꓱꓽ ꓔꓯ ꓔꓱ ꓔꓱ ꓡꓰ ꓒꓵꓽ ꓒꓵꓽ ꓡꓰ ꓬꓰ ꓙꓰ ꓠ, ꓟ ꓠꓬꓲ. ꓠꓬꓲ ꓢꓯꓼ ꓕꓵꓼ ꓙꓰ ꓡꓯ꓿