ꓢꓲ ꓫꓬ ꓕꓳ ꓶ ꓝꓲꓸ

ꓟꓬ ꓢꓶ ꓬꓲꓸ ꓛꓲ ꓟꓬ ꓢꓶꓽ ꓚꓱꓹ ꓖꓶ꓾ ꓢꓶꓽ ꓛꓲ ꓬꓲꓸ ꓛꓲ ꓢꓶꓽ ꓛꓲ ꓚꓱꓹ ꓖꓶ꓾ ꓐꓯˍ ꓟ ꓠꓴ ꓪꓽ ꓑ ꓙꓽ ꓠꓬꓲꓳ꓿  ꓖꓳ ꓡꓱ ꓥ ꓟꓲ ꓠꓴ ꓪꓽ ꓔꓯ ꓥꓪ ꓐꓯ ꓖꓶˍ ꓠꓬꓲ꓾ ꓞꓳ ꓥꓶ ꓔꓯ ꓕꓽ ꓗꓽ ꓔ꓿ ꓮꓽ ꓟ ꓡꓰ ꓠꓴ ꓒꓬꓱꓽ ꓟꓬ ꓡꓯꓼ ꓙ ꓕꓲ ꓛꓱꓽ ꓗꓪ ꓓꓶꓽ ꓡ ꓠꓬ꓾ ꓡꓯꓼ ꓶꓸ ꓕꓲ ꓛꓱꓽˍ ꓟꓲ ꓬꓲ ꓔꓯ ꓒꓳꓹ ꓟꓳꓸ ꓖꓶ꓿  ꓮꓽ ꓟ ꓡꓰ ꓠꓴ ꓐꓵ ꓞꓶ ꓠꓯꓸ ꓘꓪ ꓕꓲ ꓘꓳꓹ ꓟ ꓣꓴ ꓔꓯꓹ ꓙꓰ ꓠꓲꓹ ꓫꓵ ꓢꓲ ꓠꓴ ꓔꓯ ꓗꓳꓹ ꓢꓴ ꓙꓳˍ ꓠꓬ꓾ ꓕꓯꓽ ꓢꓲ ꓕꓲ ꓘꓳꓹ ꓟˍ ꓟꓲ ꓬꓲ ꓔꓯ ꓔꓯꓹ ꓙꓰ ꓝꓲ꓿ ꓮꓽ ꓟ ꓡꓰ ꓠꓴ ꓔꓯ ꓟꓽ ꓓ ꓟꓽ ꓞꓽ ꓡꓳꓺ ꓔ ꓕꓲ ꓕꓷꓹ ꓫꓱꓽ ꓝꓲ ꓡ ꓠꓬ꓾ ꓠꓴ ꓬꓲ ꓔꓯ ꓡꓳꓺ ꓔ ꓠꓬꓲꓽ ꓕꓷꓹ ꓛꓳ ꓫꓱꓽ꓿  ꓠꓴ ꓔꓯ ꓓꓰꓽ ꓢꓴ ꓔꓯ ꓖꓶ꓿ ꓠꓴ ꓔꓯ ꓥꓪꓸ ꓠꓲꓹ ꓫꓵ ꓢꓴ ꓔꓯˍ ꓟꓲ ꓟꓽ ꓥꓪꓸ ꓖꓶ ꓕꓽ ꓬꓰ꓿