ꓢꓲ ꓫꓬ ꓕꓳ ꓶ ꓝꓲꓸ (Gospel reading)

ꓢꓲ ꓫꓬ ꓕꓳ ꓶ ꓝꓲꓸ (Gospel reading)

ꓖꓳ ꓕꓯ ꓙꓵꓽ ꓗ ꓟꓸ ꓒˍ ꓐꓰ ꓒ-ꓡꓲ-ꓢꓷ ꓐꓴ ꓕꓲ ꓐꓱ ꓠꓬ ꓬꓲ ꓔꓯ ꓒꓳꓹ ꓖꓶ ꓢꓲ꓾ ꓟꓸ ꓒꓽꓳ꓾ ꓠꓴ ꓗꓪ ꓐꓰ ꓢꓷꓸ ꓡꓰ ꓓꓴ ꓕꓲ ꓫꓵꓽ ꓥꓪ ꓠꓴ ꓟꓳꓻ ꓠꓲꓹ ꓫꓵˍ ꓡꓳ꓾ ꓐꓯˍ ꓡꓳ꓿ꓬꓲ ꓠꓽ ꓬꓲ ꓪꓽ ꓔꓯ ꓒꓳꓹ ꓖꓶ ꓢꓲ꓾ ꓥꓶˍ ꓟ ꓐꓰ ꓦꓬꓼ ꓛꓳꓽ ꓧꓪˍ ꓟ ꓕꓲꓽ ꓤꓶꓻ ꓢꓴ ꓠꓬ ꓢꓷꓸ ꓡꓰ ꓓꓴ ꓧꓪˍ ꓡꓳ꓿ ꓖꓳ ꓡꓱ ꓥ ꓟꓲ ꓟꓷꓽ ꓠꓷꓹ ꓝꓸ ꓢꓴ ꓬꓳ-ꓠ ꓢꓷꓸ ꓡꓰ ꓓꓴ ꓖꓳ ꓟ ꓟꓽ ꓥ ꓠꓬ꓾ ꓬꓲ ꓪꓽ ꓔꓯ ꓮꓸ ꓫꓵ ꓢꓷꓸ ꓡꓰ ꓓꓴˍ ꓟꓲ ꓟꓽ ꓟꓳꓸ ꓖꓶ꓿ꓬꓳ-ꓠ ꓠꓬ ꓥꓪꓸ ꓓꓽ ꓟ ꓦꓰꓼ ꓛꓲꓼ ꓗꓪ ꓢ ꓦꓬꓼ ꓢ ꓠꓬꓲ ꓔꓬ ꓗꓷ ꓟ ꓡꓰ ꓐꓰ꓾ ꓡ-ꓞꓳ-ꓮ-ꓐꓲˍ ꓟꓲ꓾ ꓟꓲ ꓠꓯ ꓠꓲꓹ ꓟ ꓗꓪ ꓢ ꓦꓬꓼ ꓢ ꓠꓬꓲ ꓓꓯꓹ ꓥꓳ꓿ꓐꓯ ꓟꓴ ꓘꓶꓽˍ ꓕꓯ ꓠꓲ-ꓠꓲ-ꓪꓱ ꓡ ꓞꓳ ꓠꓬ ꓔꓴ ꓡ ꓢꓲ꓾ ꓕꓱ ꓕꓲ ꓤꓶ ꓔꓯ ꓝꓴꓲ ꓐꓯ ꓞꓷꓹˍ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓲ-ꓠꓲ-ꓪꓱ ꓢꓴ ꓠꓽ ꓬꓳ-ꓠ ꓡꓰ ꓟꓸ ꓟꓲꓽ ꓚ ꓟꓸ ꓖꓶˍ ꓕꓯ ꓓꓵꓽ ꓙ ꓒꓳꓹ ꓬꓲꓼ ꓡ ꓡꓳ꓿ ꓠꓬꓲ ꓠꓹ꓾ ꓬꓳ-ꓠ ꓕꓯꓽ ꓢꓲ ꓪꓴꓽˍ ꓟ ꓕꓲ ꓣꓳ ꓕꓱ ꓗꓪ ꓔꓬ ꓡꓳ꓿ꓐꓯꓺ ꓟꓴ ꓘꓶꓽˍ ꓕꓯ꓾ ꓖꓴ ꓟꓶꓸ ꓗꓪ ꓟ ꓪ ꓔꓲ ꓟꓺ ꓔꓴ ꓡ ꓢꓲ꓾ ꓕꓱ ꓕꓲ ꓤꓶ ꓢꓴ ꓔꓯ ꓝꓴꓲ ꓐꓯ ꓞꓷꓹˍ ꓥꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓠꓽ꓾ ꓢꓳ-ꓡꓳ-ꓟꓳ ꓙꓽ ꓜꓲꓼ ꓠꓲꓹ ꓙꓳˍ ꓟ ꓐꓯ ꓘꓶꓽ ꓔꓯ ꓠ ꓠꓹ ꓠꓹ ꓟ꓾ ꓟꓲ ꓠꓯ ꓑꓶꓸ ꓗꓪ ꓐꓰ ꓡꓻ ꓡꓳ꓿ ꓠꓬꓲ ꓠꓹ꓾ ꓢꓳ-ꓡꓳ-ꓟꓳ ꓕꓯꓽ ꓢꓲ ꓪꓴꓽˍ ꓟ ꓕꓲ ꓣꓳ ꓕꓱ ꓗꓪ ꓔꓬ ꓡꓳ꓿

Add new comment

5 + 10 =