ꓢꓲ-ꓫꓬ-ꓟ-ꓦ ꓖꓶ ꓙ ꓟꓳˍꓟ (reflection)

Monday, May 15, 2023

ꓬꓲ ꓠꓽ ꓔꓱꓹ ꓚꓵˍ ꓟ ꓦ ꓥ ꓡꓳ꓿ ꓟꓲ ꓠꓯ ꓠꓬ ꓬꓲ ꓔꓯ ꓟꓳˍ ꓟꓲ ꓟꓽ ꓟꓳ꓾ ꓢꓷꓸˍ ꓟꓲ ꓟꓽ ꓢꓷꓸ ꓠꓬꓲ ꓬꓲ ꓔꓯ ꓘꓳ ꓣꓴ ꓟꓽ ꓐ ꓡ꓿ ꓖꓳ ꓡꓱ ꓥ ꓟꓲ ꓠꓴ ꓪꓽ ꓠꓽ ꓬꓲ ꓔꓯ ꓢꓷˍ ꓡꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓠꓽ ꓮ ꓟꓶ ꓠꓴ ꓪꓽˍ ꓐꓰ ꓔꓬ ꓢꓲ꓾ ꓠꓴ ꓪꓽ ꓠꓯꓸꓼ ꓗꓪ ꓔꓬ ꓡꓻˍ ꓥꓳ꓿ ꓖꓳ ꓡꓱ ꓥ ꓟꓲ ꓐꓹ ꓐ ꓗꓪ ꓐꓰ ꓓꓳ ꓡ ꓟ ꓐꓰ꓾ ꓬꓲ ꓗꓪ ꓐꓰ ꓥꓪ ꓡꓰ ꓠꓴ ꓪꓽ ꓔꓬ ꓗꓪ ꓝꓲ ꓩꓴ ꓡ ꓠꓹ ꓟ꓾ ꓠꓲꓹ ꓗꓴ ꓖꓶ ꓢꓴ ꓔꓱꓹ ꓚꓵˍ ꓟ ꓦꓻ ꓖꓳ ꓟ ꓛꓲ ꓡ ꓕꓯ ꓬꓲ ꓠꓽ ꓥꓪ ꓐꓱ ꓶ ꓢꓷꓸ ꓙ ꓟꓳ ꓙˍ ꓥꓳ꓿ꓥꓪ ꓡꓰ ꓠꓴ ꓪꓽ ꓔꓯ ꓕꓱ ꓟꓬ ꓙꓰꓽ ꓐꓯ ꓖꓶˍ ꓟ ꓠꓬ ꓬꓲ ꓪꓽ ꓙꓵꓹ ꓛꓲ ꓡ ꓕꓯ꓾ ꓥꓪ ꓡꓰ ꓠꓴ ꓪꓽ ꓔꓯ ꓬꓲ ꓪꓽ ꓙ ꓖꓴ ꓐꓯ ꓖꓶˍ ꓟ ꓔꓯ ꓠꓴ ꓪꓽ ꓓꓵꓽ ꓙꓽ ꓛꓲ ꓡ ꓠꓹ ꓟ ꓥ ꓡꓳ꓿ ꓕꓱ ꓟꓬ ꓙꓰꓽ ꓟ ꓠꓴ ꓪꓽ ꓔꓯ ꓥꓪ ꓬꓲ ꓪꓴꓸ ꓕꓯˍ ꓡꓰ ꓟꓽ ꓐꓯ ꓖꓶˍ ꓟ ꓠꓬ꓾ ꓥꓪ ꓠꓽ ꓠꓴ ꓪꓽˍ ꓐꓰ ꓔꓬ ꓢꓰꓽ ꓠꓬꓲ ꓥ ꓡꓳ꓿