ꓥꓪ ꓡꓰ ꓢꓲꓺ ꓔ ꓢꓴ ꓔꓯ ꓥꓪ ꓢꓷˍ ꓡꓳ꓾

ꓢꓲꓺ ꓒ ꓬꓰ-ꓢꓴ ꓠꓬ ꓥꓪ ꓡꓰ ꓢꓲꓺ ꓔ ꓢꓴ ꓔꓯ ꓥꓪ ꓢꓷˍ ꓡꓳ꓾ ꓐꓰ ꓐꓯ ꓔ ꓡꓳ= ꓙꓲ-ꓢꓴ ꓢꓲꓺ ꓤ ꓕꓲ ꓣꓳ ꓒꓬꓱꓼ ꓡ ꓠꓬ ꓙꓲ-ꓢꓴ ꓔꓯ ꓢꓷꓸ ꓡˍ ꓡꓳ= ꓬꓰ-ꓢꓴ ꓔꓯ ꓢꓷꓸ ꓡˍ ꓡꓳ= ꓖꓳ ꓡꓱ ꓥ ꓟꓲ ꓣꓳ ꓔꓯ ꓟꓽ ꓢꓲꓺ ꓗꓷ ꓧꓶꓸ ꓕꓯ ꓡꓰ ꓬꓲ ꓣꓳ ꓔꓯ ꓢꓷꓸˍ ꓡꓳ= ꓣꓳ ꓟꓽ ꓐꓲ ꓜꓲ ꓟ ꓔꓯ ꓢꓷꓸ ꓢꓷꓸ ꓡꓰꓽ ꓬꓲ ꓡꓰ ꓣꓳ ꓔꓯ ꓢꓲꓺ ꓔ ꓟ ꓥ ꓡꓳ=
ꓟꓽ ꓐꓲ ꓜꓲꓼ ꓟ ꓥꓪ ꓐꓰ ꓠꓴ ꓔꓯ ꓢꓲꓺ ꓔ ꓟ ꓠꓬ ꓬꓲ ꓔꓯ ꓔꓶꓻ ꓙꓱꓼ ꓕꓲ ꓟ ꓙꓳˍ ꓟ ꓪꓴꓸ ꓠꓬꓲ ꓥ ꓡꓳ= ꓬꓲ ꓔꓶꓻ ꓙꓱꓼ ꓕꓱ ꓟ ꓔꓯ ꓢꓷꓸ ꓡꓰ ꓠꓹ ꓟ ꓐꓱ ꓶ ꓣꓳ ꓠꓲꓹ ꓟ ꓗ ꓘꓶꓽ ꓒꓴ ꓔ ꓢꓲ ꓪꓴ-ꓢ ꓐꓯ ꓘꓶꓽ ꓔꓯ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓠ ꓡꓳꓸ ꓛꓳ ꓫꓱꓽ ꓠꓹ ꓟ ꓥ ꓡꓳ= ꓔꓱꓹ ꓚꓵˍ ꓟ ꓐꓰ ꓔꓱꓹ ꓜꓳꓽˍ ꓟ ꓔꓯ ꓢꓷꓸ ꓡꓰ ꓠꓹ ꓟ ꓐꓱ ꓶ ꓣꓳ ꓠꓲꓹ ꓟ ꓠꓬ ꓙ ꓣꓳˍ ꓟ ꓠꓲꓹ ꓟ ꓒꓬꓱꓼ ꓡꓰ ꓠꓯꓹ ꓟ ꓥ ꓡꓳ=
ꓟꓽ ꓐꓲ ꓜꓲꓼ ꓟ ꓟꓲ ꓠꓯ ꓞꓳ ꓤ ꓐꓴ ꓔꓯ ꓠꓲꓹ ꓠꓵˍ ꓟ ꓪꓴ-ꓢ ꓬꓲ ꓠꓵ ꓠꓲꓹ ꓔꓯ ꓙꓽ ꓜꓲꓼ ꓠꓹ ꓟ ꓐꓰ ꓠꓵꓻ ꓠꓲꓹ ꓕꓱ ꓟ ꓗꓪ ꓐꓰ ꓝ ꓢꓲ ꓞꓳ ꓙꓳ ꓙꓰ ꓠꓹ ꓟ ꓢꓯꓸ ꓔꓬ ꓪˍ ꓟ ꓣꓱꓽ ꓛꓰꓽ ꓠꓬꓲꓸ ꓠꓬꓲ ꓗꓪ ꓝꓮꓲ ꓕꓲ ꓧꓪꓹ ꓘꓳꓹ ꓣꓴ ꓟꓶ ꓡꓰꓳ= ꓠꓬꓲꓸ ꓠꓬꓲ ꓗꓪ ꓠꓬ ꓬꓲ ꓠꓵꓻ ꓠꓲꓹ ꓔꓯ ꓣꓳ ꓤꓶꓻ ꓗꓪ ꓘꓳꓹ ꓣꓴˍ ꓡ= ꓟꓽ ꓥ ꓠꓬ ꓣꓳ ꓟꓽ ꓐꓲ ꓜꓲꓼ ꓟ ꓤꓶꓻ ꓗꓪ ꓡꓰꓽ ꓝ ꓢꓲ ꓞꓳ ꓙꓳ ꓙꓰˍ ꓥꓳ ꓪ꓾ ꓐꓯ ꓟ ꓔꓯ ꓣꓳ ꓓꓵꓽ ꓙ ꓠꓬꓲ ꓡꓯ=