ꓪꓴ-ꓢ ꓠꓬ ꓠꓴꓹ ꓠꓲ ꓥꓳ ( rerflection)

Monday, March 13, 2023

ꓠꓵ ꓠꓲ, ꓐꓯ ꓟ ꓠꓱꓸ ꓐꓯ ꓕꓲꓽ ꓒꓱ ꓟ ꓮ ꓫꓵꓽ ꓥ ꓐꓰ ꓠ, ꓠꓬꓲ ꓕꓯ ꓠꓽ ꓣꓳꓽ ꓮ ꓟꓬ ꓠꓬ ꓦꓶ ꓠꓲ, ꓐꓯ ꓐꓯ ꓗꓴ. ꓡꓳ꓿ ꓖꓳ ꓡꓱ ꓥˍ ꓟꓲ ꓠꓵ ꓠꓲ, ꓐꓰ ꓮ ꓔꓲ. ꓤꓽ ꓟꓲ ꓟꓽ ꓪ ꓡꓯ ꓘꓳ ꓟ ꓠꓬ ꓙꓳꓺ ꓠꓲ, ꓥ ꓡꓳ ꓐꓰ ꓢꓲ ꓫꓬ ꓕꓳ ꓶ ꓗꓪ ꓣꓳꓽ ꓟꓳˍ ꓡꓳ꓿ 1 ꓬꓳ‐ꓦ ꓕꓳ ꓶ 4ꓽ 19 ꓗꓪ꓾ ꓐꓲ ꓜꓲꓼ ꓟ ꓠꓵ, ꓠꓲ ꓠꓬ ꓙꓳꓺ ꓠꓲ ꓮ ꓙꓵꓽ ꓔꓯ ꓟꓶꓽ ꓬꓰ ꓝꓲ ꓐ ꓡ ꓡꓳ꓾ ꓐꓰ ꓣꓳ ꓵ ꓪ ꓡꓳ꓿

ꓬꓲ ꓤ ꓠꓬꓲ ꓤ ꓐꓴ ꓣꓳ ꓙꓳꓺ ꓡ ꓕꓯ ꓣꓳꓽ ꓠꓲ, ꓠꓵ ꓟꓽ ꓐ ꓡ꓾ ꓣꓳ ꓠꓲ, ꓠꓵ ꓡ ꓕꓯ ꓣꓳꓽ ꓙꓳꓺ ꓟꓽ ꓐ ꓡ꓿ ꓮ ꓫꓵꓽ ꓔꓯˍ ꓟꓲ ꓬꓰ ꓑꓶ. ꓡ ꓡꓳ꓿ ꓕꓱ ꓟ ꓡꓰ ꓐꓰ ꓣꓳ ꓙꓳꓺ ꓡ ꓕꓯ ꓮ ꓫꓵꓽ ꓔꓯ ꓥˍ ꓟꓲ ꓮ ꓟ ꓔꓯ ꓥˍ ꓟꓲ ꓠꓲ, ꓠꓵ ꓟꓽ ꓐ ꓡ꓾ ꓮ ꓡꓰꓳ ꓐꓯ ꓠꓬ ꓙꓳꓺ ꓠꓲ, ꓐꓰ ꓠꓵ ꓠꓲ, ꓟꓽ ꓪ ꓡꓯ ꓘꓳ ꓐꓰ ꓧꓶ. ꓧꓶ. ꓫꓵ ꓓ ꓡꓳ꓿

ꓠꓬꓲ. ꓠꓬꓲ ꓟ ꓢꓲ ꓫꓬ ꓕꓳ ꓶ ꓗꓪ ꓢꓲ ꓒ ꓬꓰ‐ꓢꓴ ꓠꓬ ꓬꓲ. ꓔꓬ, ꓪꓴꓽ ꓡ ꓟ ꓘ ꓗꓪ ꓬꓲꓼ ꓙꓰˍ ꓟ ꓔꓯ ꓣꓳꓽ ꓑ ꓙ ꓡꓳ꓿ ꓬꓲ. ꓝꓮꓲ. ꓝꓲ ꓢꓴ ꓠꓬ ꓬꓲ. ꓔꓯ ꓘꓳ ꓣꓴ, ꓟ ꓐ ꓡ꓾ ꓬꓲ. ꓔꓯ ꓙꓵ ꓟꓽ ꓐ ꓡ꓾ ꓬꓲ. ꓔꓯ ꓙꓳꓺ ꓡꓳ꓿ ꓢꓲ ꓒ ꓬꓰ‐ꓢꓴ ꓠꓬ ꓠꓱ. ꓐꓯ ꓟꓵꓽ ꓗꓪ ꓢꓷ. ꓡꓰ ꓓꓴ ꓮ ꓟꓬ ꓟꓳ. ꓖꓶꓽ ꓥˍ ꓟꓲ ꓬꓲ. ꓔꓬ ꓗꓷ ꓟ ꓟꓵꓽ ꓗꓪ ꓠꓬ ꓮ ꓫꓵꓽ ꓟꓲ ꓟꓽ ꓟꓳ. ꓖꓶ꓿ ꓮ ꓡꓰꓳ ꓐꓯ ꓠꓬ ꓬꓲ. ꓪ ꓠꓬ ꓢꓲ ꓒ ꓬꓰ‐ꓢꓴ ꓔꓯ ꓙꓵ, ꓠꓲ, ꓟꓽ ꓙꓳ ꓙꓳ ꓐꓰ ꓙꓳꓺˍ ꓟ ꓑꓶ. ꓓꓴ ꓥꓳ꓿ ꓢꓲ ꓒ ꓬꓰ‐ꓢꓴ ꓔꓯ ꓡꓳ. ꓟ ꓟꓵ ꓟ ꓑꓶ. ꓓꓴ ꓥꓳ꓿

ꓬꓲꓼ ꓤ ꓠꓬꓲ ꓤ ꓐꓴ‐ꓳ ꓪꓴ‐ꓢ ꓠꓬ ꓠꓵ, ꓠꓲ, ꓥ ꓡꓳ꓿ ꓬꓲ. ꓔꓯ ꓣꓳꓽ ꓙꓳꓺ ꓒꓵꓽ ꓠ ꓗˍ ꓟꓲ꓾ ꓬꓲ. ꓔꓯ ꓣꓳꓽ ꓙꓳꓺ ꓟꓽ ꓛꓵ꓿ ꓬꓲ. ꓠꓬ ꓠꓲ, ꓙ ꓟꓬꓺ ꓗꓳˍ ꓡꓳ꓿ ꓬꓲ. ꓠꓬ ꓫꓱ. ꓤ ꓗꓴ. ꓡꓳ꓿ ꓠꓲ, ꓟ ꓫꓵˍ ꓡꓳ꓿

ꓣꓳꓽ ꓠꓬ ꓝꓴꓲ. ꓬꓰ ꓗꓷˍ ꓕꓯ ꓬꓲ. ꓐꓰ ꓶ ꓤ ꓗꓷ ꓶ ꓡꓰ ꓡꓳ꓿ ꓬꓲ. ꓔꓯ ꓙꓳꓺ ꓡ ꓡꓳ꓿ ꓖꓳ ꓡꓱ ꓠꓬꓲ ꓣꓳꓽ ꓢꓷ. ꓠꓯ ꓟ ꓠꓬ꓾ ꓙꓳꓺ ꓢꓴ ꓠꓬ ꓪꓴ‐ꓢ ꓔꓯ ꓠꓲ, ꓠꓵ ꓟꓽ ꓐ ꓡ ꓐꓯ ꓟ ꓥꓳ꓿

ꓪꓴ‐ꓢ ꓔꓯ ꓕꓽ ꓙꓳ꓾ ꓣꓳꓽ ꓛꓬ ꓗꓷ ꓥꓳꓽ ꓗꓷ ꓓꓴ ꓙꓳ ꓥˍ ꓟꓲ ꓪꓴ‐ꓢ ꓖꓼ ꓖꓶꓽ ꓡꓳ ꓐꓰ ꓐꓯ ꓟ ꓔꓯ ꓢꓷ. ꓔ ꓢꓲ ꓢꓲ ꓒ ꓬꓰ‐ꓢꓴ ꓳʼ ꓟꓶ ꓗꓪ ꓓꓵꓽ ꓙꓰ꓿ ꓪꓴ‐ꓢ ꓠꓬ ꓠꓵ, ꓠꓲ ꓥꓳ꓿

ꓠꓵ ꓠꓲ, ꓐꓯ ꓟ ꓠꓱꓸ ꓐꓯ ꓕꓲꓽ ꓒꓱ ꓟ ꓮ ꓫꓵꓽ ꓥ ꓐꓰ ꓠ, ꓠꓬꓲ ꓕꓯ ꓠꓽ ꓣꓳꓽ ꓮ ꓟꓬ ꓠꓬ ꓦꓶ ꓠꓲ, ꓐꓯ ꓐꓯ ꓗꓴ. ꓡꓳ꓿ ꓖꓳ ꓡꓱ ꓥˍ ꓟꓲ ꓠꓵ ꓠꓲ, ꓐꓰ ꓮ ꓔꓲ. ꓤꓽ ꓟꓲ ꓟꓽ ꓪ ꓡꓯ ꓘꓳ ꓟ ꓠꓬ ꓙꓳꓺ ꓠꓲ, ꓥ ꓡꓳ ꓐꓰ ꓢꓲ ꓫꓬ ꓕꓳ ꓶ ꓗꓪ ꓣꓳꓽ ꓟꓳˍ ꓡꓳ꓿ 1 ꓬꓳ‐ꓦ ꓕꓳ ꓶ 4ꓽ 19 ꓗꓪ꓾ ꓐꓲ ꓜꓲꓼ ꓟ ꓠꓵ, ꓠꓲ ꓠꓬ ꓙꓳꓺ ꓠꓲ ꓮ ꓙꓵꓽ ꓔꓯ ꓟꓶꓽ ꓬꓰ ꓝꓲ ꓐ ꓡ ꓡꓳ꓾ ꓐꓰ ꓣꓳ ꓵ ꓪ ꓡꓳ꓿

ꓬꓲ ꓤ ꓠꓬꓲ ꓤ ꓐꓴ ꓣꓳ ꓙꓳꓺ ꓡ ꓕꓯ ꓣꓳꓽ ꓠꓲ, ꓠꓵ ꓟꓽ ꓐ ꓡ꓾ ꓣꓳ ꓠꓲ, ꓠꓵ ꓡ ꓕꓯ ꓣꓳꓽ ꓙꓳꓺ ꓟꓽ ꓐ ꓡ꓿ ꓮ ꓫꓵꓽ ꓔꓯˍ ꓟꓲ ꓬꓰ ꓑꓶ. ꓡ ꓡꓳ꓿ ꓕꓱ ꓟ ꓡꓰ ꓐꓰ ꓣꓳ ꓙꓳꓺ ꓡ ꓕꓯ ꓮ ꓫꓵꓽ ꓔꓯ ꓥˍ ꓟꓲ ꓮ ꓟ ꓔꓯ ꓥˍ ꓟꓲ ꓠꓲ, ꓠꓵ ꓟꓽ ꓐ ꓡ꓾ ꓮ ꓡꓰꓳ ꓐꓯ ꓠꓬ ꓙꓳꓺ ꓠꓲ, ꓐꓰ ꓠꓵ ꓠꓲ, ꓟꓽ ꓪ ꓡꓯ ꓘꓳ ꓐꓰ ꓧꓶ. ꓧꓶ. ꓫꓵ ꓓ ꓡꓳ꓿

ꓠꓬꓲ. ꓠꓬꓲ ꓟ ꓢꓲ ꓫꓬ ꓕꓳ ꓶ ꓗꓪ ꓢꓲ ꓒ ꓬꓰ‐ꓢꓴ ꓠꓬ ꓬꓲ. ꓔꓬ, ꓪꓴꓽ ꓡ ꓟ ꓘ ꓗꓪ ꓬꓲꓼ ꓙꓰˍ ꓟ ꓔꓯ ꓣꓳꓽ ꓑ ꓙ ꓡꓳ꓿ ꓬꓲ. ꓝꓮꓲ. ꓝꓲ ꓢꓴ ꓠꓬ ꓬꓲ. ꓔꓯ ꓘꓳ ꓣꓴ, ꓟ ꓐ ꓡ꓾ ꓬꓲ. ꓔꓯ ꓙꓵ ꓟꓽ ꓐ ꓡ꓾ ꓬꓲ. ꓔꓯ ꓙꓳꓺ ꓡꓳ꓿ ꓢꓲ ꓒ ꓬꓰ‐ꓢꓴ ꓠꓬ ꓠꓱ. ꓐꓯ ꓟꓵꓽ ꓗꓪ ꓢꓷ. ꓡꓰ ꓓꓴ ꓮ ꓟꓬ ꓟꓳ. ꓖꓶꓽ ꓥˍ ꓟꓲ ꓬꓲ. ꓔꓬ ꓗꓷ ꓟ ꓟꓵꓽ ꓗꓪ ꓠꓬ ꓮ ꓫꓵꓽ ꓟꓲ ꓟꓽ ꓟꓳ. ꓖꓶ꓿ ꓮ ꓡꓰꓳ ꓐꓯ ꓠꓬ ꓬꓲ. ꓪ ꓠꓬ ꓢꓲ ꓒ ꓬꓰ‐ꓢꓴ ꓔꓯ ꓙꓵ, ꓠꓲ, ꓟꓽ ꓙꓳ ꓙꓳ ꓐꓰ ꓙꓳꓺˍ ꓟ ꓑꓶ. ꓓꓴ ꓥꓳ꓿ ꓢꓲ ꓒ ꓬꓰ‐ꓢꓴ ꓔꓯ ꓡꓳ. ꓟ ꓟꓵ ꓟ ꓑꓶ. ꓓꓴ ꓥꓳ꓿

ꓬꓲꓼ ꓤ ꓠꓬꓲ ꓤ ꓐꓴ‐ꓳ ꓪꓴ‐ꓢ ꓠꓬ ꓠꓵ, ꓠꓲ, ꓥ ꓡꓳ꓿ ꓬꓲ. ꓔꓯ ꓣꓳꓽ ꓙꓳꓺ ꓒꓵꓽ ꓠ ꓗˍ ꓟꓲ꓾ ꓬꓲ. ꓔꓯ ꓣꓳꓽ ꓙꓳꓺ ꓟꓽ ꓛꓵ꓿ ꓬꓲ. ꓠꓬ ꓠꓲ, ꓙ ꓟꓬꓺ ꓗꓳˍ ꓡꓳ꓿ ꓬꓲ. ꓠꓬ ꓫꓱ. ꓤ ꓗꓴ. ꓡꓳ꓿ ꓠꓲ, ꓟ ꓫꓵˍ ꓡꓳ꓿

ꓣꓳꓽ ꓠꓬ ꓝꓴꓲ. ꓬꓰ ꓗꓷˍ ꓕꓯ ꓬꓲ. ꓐꓰ ꓶ ꓤ ꓗꓷ ꓶ ꓡꓰ ꓡꓳ꓿ ꓬꓲ. ꓔꓯ ꓙꓳꓺ ꓡ ꓡꓳ꓿ ꓖꓳ ꓡꓱ ꓠꓬꓲ ꓣꓳꓽ ꓢꓷ. ꓠꓯ ꓟ ꓠꓬ꓾ ꓙꓳꓺ ꓢꓴ ꓠꓬ ꓪꓴ‐ꓢ ꓔꓯ ꓠꓲ, ꓠꓵ ꓟꓽ ꓐ ꓡ ꓐꓯ ꓟ ꓥꓳ꓿

ꓪꓴ‐ꓢ ꓔꓯ ꓕꓽ ꓙꓳ꓾ ꓣꓳꓽ ꓛꓬ ꓗꓷ ꓥꓳꓽ ꓗꓷ ꓓꓴ ꓙꓳ ꓥˍ ꓟꓲ ꓪꓴ‐ꓢ ꓖꓼ ꓖꓶꓽ ꓡꓳ ꓐꓰ ꓐꓯ ꓟ ꓔꓯ ꓢꓷ. ꓔ ꓢꓲ ꓢꓲ ꓒ ꓬꓰ‐ꓢꓴ ꓳʼ ꓟꓶ ꓗꓪ ꓓꓵꓽ ꓙꓰ꓿ ꓪꓴ‐ꓢ ꓠꓬ ꓠꓵ, ꓠꓲ ꓥꓳ꓿