ꓪꓴ-ꓢ ꓠꓯꓸꓼ ꓗꓪ ꓔꓬ ꓕꓶ_ꓟ (reflection)

ꓟꓴ ꓡꓳꓹ ꓬꓰ ꓢꓴ ꓬꓲ ꓛ ꓗꓴꓸ ꓗꓪ ꓔꓬ ꓢꓲ꓾ ꓮ ꓫꓵꓽ_ ꓟꓲ ꓬꓰ ꓐ ꓡ ꓢꓴ ꓬꓲ ꓶ ꓥꓳꓽ ꓠꓯꓸ ꓘꓪ ꓔꓬ ꓢꓴ ꓠꓬ  ꓪꓴ-ꓢ ꓔꓯ꓾ꓠꓴ ꓠꓬ ꓥꓪ ꓫ ꓑꓬ ꓖꓴˍ ꓐꓰ ꓐꓯˍ ꓥꓳ= ꓮ ꓡꓲꓳ ꓐꓯ ꓠꓬ ꓬꓲ ꓡꓰ  ꓚꓵ ꓞꓹ ꓟ ꓪˍꓐꓰ꓾ ꓥꓶˍ ꓟ ꓠꓻ ꓓꓱꓽ ꓠꓻ ꓧꓶ ꓗꓪ ꓐꓰ ꓠꓴ ꓔꓯ ꓚꓬꓴ ꓓꓳ ꓡˍ ꓥꓳ=ꓬꓲ ꓓꓴ ꓡꓯꓼ ꓡꓰ ꓠꓴ ꓔꓯ ꓑꓲꓸ ꓔ ꓖꓶˍ ꓥꓳ=ꓬꓲ ꓓꓴ ꓡꓯꓼ ꓠꓯꓸ ꓘꓪ ꓠꓴ ꓫ ꓑꓬ ꓖꓴ ꓬꓰˍ ꓥꓳ=ꓬꓲ ꓦ ꓡꓱ ꓐꓳ ꓠꓲꓹ ꓠꓬ ꓠꓴ ꓚꓬ ꓠꓲˍ ꓐꓰ ꓔ ꓙ ꓓꓴ ꓥ ꓡꓳ=ꓢ ꓘꓪ ꓕꓯ  ꓟ ꓙꓳ ꓦꓲꓸ ꓓꓴˍ ꓐꓰ꓾ꓟꓳꓼ ꓡꓳ ꓕꓯ ꓐꓶ ꓩꓴ ꓡ_ ꓟ ꓚꓬ ꓚꓱꓹ ꓔꓯ ꓠꓴ ꓙꓳꓺ ꓟꓽ ꓛꓵ=ꓠꓯ ꓞꓲꓹ ꓟ ꓗꓪ ꓠꓯ ꓔꓬ ꓟ ꓠꓻ ꓓꓱꓽ ꓠꓻ ꓧꓶ ꓔꓯˍ ꓟꓲ ꓠꓴ ꓙꓳꓺ ꓟꓽ ꓛꓵ=ꓟꓳꓼ ꓡꓳ ꓕꓯ ꓟ ꓐꓬ ꓡꓲ ꓓꓴ ꓔꓯˍ ꓟꓲ ꓠꓴ  ꓛꓲꓸ ꓟꓽ ꓛꓵ=ꓠꓴ ꓖꓼ ꓙꓬ ꓗꓪ ꓞꓳ ꓤ  ꓕꓲ ꓐꓱꓽ ꓙꓰ ꓢꓲ꓾ ꓠꓴ ꓡꓯꓼ ꓙ ꓗꓪ ꓡ ꓞꓳ  ꓕꓲ  ꓟꓶꓽ  ꓓꓳꓽ ꓡꓰ ˍ ꓟꓲ꓾ꓠꓴ  ꓠꓽ ꓮ ꓡꓲ ꓟꓽ ꓗꓷ ꓡꓰ=ꓞꓳ ꓥꓶ ꓐꓴ ꓔꓯ ꓪꓽ ꓛꓴꓽ ꓚꓱꓹ ꓖꓶˍ ꓟ ꓔꓯ ꓠꓴ ꓟꓬ ꓢꓶꓽ ꓡꓰ ꓟꓳˍ ꓥꓳ=ꓪꓴ-ꓢ ꓠꓯꓸꓼ ꓗꓪ  ꓠꓴ ꓫ ꓑꓬ ꓖꓴ ꓬꓰ ꓢꓲ꓾ ꓟꓴ ꓡꓳꓹ ꓬꓰ ꓢꓴ ꓔꓯ ꓠꓴ ꓔ ꓙ ꓢꓴ  ꓬꓰ ꓝꓲˍ ꓠꓬ꓾ ꓥꓶˍ ꓟ ꓮ ꓫꓵꓽˍ ꓟꓲ ꓠꓴ ꓔꓯ ꓟꓽ ꓗꓷ ꓡꓰ= ꓮ ꓫꓵꓽ ꓫ ꓘꓶ ꓓꓴˍ ꓟꓲ ꓠꓴ ꓦꓲ ꓗꓪ ꓟꓽꓠꓶꓽ ꓡ= ꓮ ꓡꓲꓳ ꓐꓯ ꓠꓬ ꓬꓲ  ꓡꓰ ꓠꓴ ꓚꓱꓹ  ꓮ ꓙꓵꓽ ꓗꓪ  ꓠꓴ ꓔꓯ ꓔ ꓙ ꓠꓹ ꓟ꓾ ꓬꓲ ꓟꓴ ꓗꓪ ꓝꓲ ꓓꓴ ꓐꓴ ꓔꓯ ꓕꓵꓼ ꓪ ꓖꓶˍ ꓥꓳ=ꓠꓴ ꓛꓲ ꓒꓯꓹ ꓔꓯ  ꓭꓸꓛꓲ ꓗꓪ ꓟꓽ ꓕꓯꓼ ꓡꓰ ꓝꓲ ꓠꓹ ꓟ꓾ ꓬꓲ ꓪ ꓡꓯ ꓒꓯꓹ ꓡꓰ ꓠꓴ ꓔꓯ ꓓꓽ ꓔ ꓖꓶˍ ꓥꓳ=ꓠꓴ ꓠꓬ ꓡꓽ ꓢꓯꓹˍ ꓐꓰ ꓩꓴ ꓕꓯ ꓕꓳꓼ ꓢꓰꓼ ꓗꓷˍ ꓥꓳ= ꓪꓳꓹˍ ꓟ ꓡꓽ ꓢꓯꓹˍ ꓐꓰ ꓓꓳꓼ ꓩꓴ ꓔꓯˍ ꓟꓲ ꓠꓴ ꓡꓰ ꓕꓳꓼ ꓑꓬꓼ ꓗꓷˍ ꓥꓳ=YI NY  ꓥꓪ ꓔꓯ ꓠꓲꓹ ꓠꓵ ꓢꓲ ꓥꓪ ꓔꓯ ꓠꓳꓽ ꓞꓹ ꓠꓬꓲ꓾ ꓬꓲ ꓔꓯ ꓥꓪ ꓚꓬꓴ ꓗꓷˍ ꓥꓳ= ꓥꓪ ꓟꓬꓱ ꓔꓯ ꓬꓲ ꓢꓷꓸˍ ꓠꓬꓲ꓾ ꓥꓪ ꓡꓰ ꓬꓲ ꓔꓯ ꓔ ꓙˍ ꓥꓳ=ꓬꓲ ꓥꓪ ꓔꓯ ꓘꓴˍ ꓕꓯ ꓥꓪ ꓬꓲ ꓔꓯ ꓒꓳꓹ ꓖꓶ ꓢꓲ꓾ ꓫˍ ꓟ ꓗꓪ  ꓥꓪ ꓬꓲˍ ꓐꓰ ꓔꓬ ꓥꓳ= ꓥꓪ ꓬꓲ ꓔꓯ ꓚꓬꓴ ꓙ ꓢꓲ ꓟꓬꓱ ꓓꓳꓽ ꓖꓶˍ ꓥꓳ=ꓥꓪ ꓡꓰ ꓬꓲ ꓔꓯ ꓤꓶ ꓫꓵ ꓟꓯ ꓫꓵˍ ꓟ ꓡꓰ ꓠꓲꓹ ꓘꓪꓽ ꓫꓵ ꓡꓰ ꓝꓲˍ ꓥꓳ=ꓥꓪ ꓚꓬꓴˍ ꓟ ꓣꓱ ꓛꓰˍ ꓟꓲ ꓬꓲ ꓔꓯ ꓟꓳꓸ ꓖꓶˍꓥꓳ=