ꓬꓰ-ꓢꓴ ꓬꓲ ꓒꓬꓱꓽ ꓑꓶꓸ ꓡꓰˍ ꓟ

ꓟ-ꓕꓲ 17ꓽ1-9

ꓛꓳꓼ ꓠꓬꓲ ꓗꓳꓸ ꓗꓷ ꓠꓬ꓾ ꓬꓰ-ꓢꓴ ꓠꓽ ꓒꓲ-ꓕꓱˍ ꓐꓰ ꓬ-ꓗꓴˍ ꓐꓰ ꓬ-ꓗꓴ ꓬꓲ ꓠꓬꓲ ꓤ ꓬꓳ-ꓦ ꓔꓯ ꓧꓳꓽ ꓔ ꓢꓲ꓾ ꓟꓴˍ ꓟ ꓪꓽ ꓚꓲ ꓗꓪ ꓓꓯ ꓙꓰˍ ꓡꓳ= ꓖꓳ ꓗꓪ ꓬꓰ-ꓢꓴ ꓠꓬ ꓬꓲ ꓪ ꓟꓳꓻ ꓟꓳ ꓬꓲ ꓒꓬꓱꓽ ꓑꓶꓸ ꓡꓰ ꓢꓲ꓾ ꓬꓲ ꓒꓬꓱꓽ ꓟꓬ ꓠꓬ ꓟꓲꓽ ꓟꓲˍ ꓡꓰ ꓐꓰ ꓣꓳꓺ ꓡˍ ꓡꓳ= ꓬꓲ ꓐꓵ ꓞꓶꓽˍ ꓟꓲ ꓠꓬꓲ ꓟꓳ ꓓꓴˍ ꓡꓰ ꓐꓰ ꓒꓴ ꓛ ꓛ ꓗꓷ ꓡꓰꓳ= ꓖꓳ ꓕꓯ ꓟꓳ-ꓫꓲˍ ꓐꓰ ꓬꓲ-ꓡꓲ-ꓬ ꓡ ꓢꓲ ꓬꓰ-ꓢꓴˍ ꓐꓰ ꓫꓸ ꓕꓱ ꓡꓯ ꓘꓳˍ ꓡꓳ= ꓒꓲ-ꓕꓱ ꓬꓰ-ꓢꓴ ꓔꓯ꓾ ꓢꓲ ꓒꓽꓳ ꓾ ꓕꓱ ꓗꓪ ꓔꓬ ꓠꓬ ꓣꓳ ꓐꓱ ꓶ ꓙꓲˍ ꓡꓳ= ꓠꓴ ꓠꓲꓹ ꓫꓵˍ ꓠꓬ ꓥꓪ ꓕꓱ ꓗꓪ ꓦꓲ ꓐꓱ ꓢ ꓟ ꓫꓬꓹˍ ꓥꓳ= ꓠꓴ ꓐꓱ ꓶ ꓕꓲ ꓟ꓾ ꓟꓳ-ꓫꓲ ꓐꓱ ꓶ ꓕꓲ ꓟ꓾ ꓬꓲ-ꓡꓲ-ꓬ ꓐꓱ ꓶ ꓕꓲ ꓟ ꓫꓬꓹˍ ꓥꓳ꓾ ꓐꓯˍ ꓡꓳ= ꓒꓲ-ꓕꓱ ꓖꓳ ꓡꓱ ꓐꓯ ꓔꓬ ꓢꓰꓽ ꓕꓯ꓾ ꓐꓬꓱꓼ ꓡꓱꓼ ꓟ ꓟꓴ ꓗꓴꓸ ꓕꓲ ꓘꓴꓸ ꓡꓰ ꓬꓲ ꓪ ꓔꓯ ꓛꓸ ꓡꓰ ꓢꓲ꓾ ꓟꓴ ꓗꓴꓸ ꓠꓯꓸꓼ ꓗꓪ ꓐꓰ ꓢꓯꓼ ꓕꓲ ꓟ ꓓꓳ ꓡ ꓢꓲ ꓠꓬꓲ꓾ ꓕꓱ ꓟ ꓠꓬ ꓥꓪ ꓠꓲꓹ ꓠꓵˍ ꓟ ꓐꓰ ꓥꓪ ꓠꓲꓹ ꓒꓴˍ ꓟ ꓮ ꓐꓲ ꓥ ꓡꓳ= ꓠꓴ ꓪ ꓬꓲ ꓔꓯ ꓠ ꓠꓹ ꓐꓯˍ ꓡꓳ=ꓢꓯꓼ ꓕꓱ ꓟ ꓔꓯ ꓛꓳ ꓒꓯꓹ ꓐꓴ ꓑ ꓙꓽ ꓗꓷ ꓠꓬ ꓙꓳꓺ ꓠꓬꓲ ꓛꓱꓽ ꓠꓬꓲ ꓟꓲ ꓛꓬ ꓗꓪ ꓟꓳꓼ ꓡꓰˍ ꓡꓳ= ꓖꓳ ꓕꓯ ꓬꓰ-ꓢꓴ ꓡ ꓢꓲ ꓬꓲ ꓪ ꓔꓯ ꓫꓱꓹ ꓢꓲ ꓠꓬꓲ꓾ ꓔꓴꓺ ꓡꓯ ꓾ ꓕꓽ ꓙꓳꓺ ꓾ ꓐꓯ ꓖꓶˍ ꓡꓳ= ꓖꓳ ꓕꓯ ꓬꓲ ꓪ ꓡꓳꓸ ꓠꓬꓲ ꓠꓬ꓾ ꓬꓰ-ꓢꓴ ꓬꓲ ꓕꓲ ꓣꓳˍ ꓡꓰ ꓟꓽ ꓥ ꓠꓬ꓾ ꓠꓱꓸ ꓐꓯꓼ ꓮꓽ ꓟ ꓔꓯˍ ꓟꓲ ꓟꓽ ꓟꓳ= ꓪ ꓚꓲ ꓗꓪ ꓐꓰ ꓬꓲ ꓪ ꓬꓯꓼ ꓡ ꓔꓬꓹ ꓕꓯ ꓬꓰ-ꓢꓴ ꓡꓰ ꓬꓲ ꓪ ꓔꓯ꓾ ꓡ-ꓞꓳ-ꓮ-ꓐꓲ ꓫꓵꓻ ꓢꓲ ꓟꓽ ꓢꓯꓸ ꓬꓲꓼ ꓡ ꓕ ꓑꓳ꓾ ꓠꓴ ꓪ ꓡꓳꓸ ꓟꓳ ꓗꓷ ꓟ ꓮꓽ ꓟ ꓔꓯˍ ꓟꓲ ꓕꓽ ꓐꓯ ꓖꓶ꓾ ꓐꓰ ꓕꓵꓼ ꓪꓽ ꓖꓶˍ ꓡꓳ=