ꓬꓳ-ꓦ ꓕꓳ ꓶ 14ꓽ7-14

#creditphoto #rvalisu

ꓠꓴ ꓪ ꓥꓪ ꓔꓯ ꓢꓷ_ ꓕꓯ ꓠꓽ꓾ ꓥꓪ ꓐꓹ ꓐ ꓔꓯ_ ꓟꓲ ꓠꓴ ꓪ ꓢꓷ_ ꓡꓳ ꓫꓵ ꓥ ꓡꓳ꓿ ꓕꓱ ꓡꓱ ꓖꓳ ꓑꓳ ꓠꓴ ꓪꓽ ꓬꓲ ꓔꓯ ꓢꓷ_ ꓟꓲ ꓢꓷ_ ꓡꓳ꓾ ꓟꓳ_ ꓟꓲ ꓟꓳ ꓠꓬꓲꓳ꓾ ꓐꓯ_ ꓡꓳ꓿

 ꓒꓲꓹ-ꓡꓲꓽ ꓡꓰ ꓬꓲ ꓔꓯ꓾ ꓢꓲꓺ ꓒꓽꓳ꓾ ꓐꓹ ꓐ ꓥꓪ ꓠꓴꓽ ꓔꓯ ꓟꓳꓸ ꓖꓶ ꓡꓯ꓿ ꓖꓳ ꓡꓱ ꓠꓬ ꓥꓪ ꓠꓴꓽ ꓠꓲꓹ ꓘꓪꓽ ꓫꓵ_ ꓥꓳ꓾ ꓐꓯ_ ꓡꓳ꓿

 

ꓬꓰ-ꓢꓴ ꓡꓰ ꓬꓲ ꓔꓯ꓾ ꓒꓲ-ꓡꓲꓳ꓾ ꓥꓪ ꓠꓬ ꓠꓴ_ ꓐꓰ ꓕꓱ ꓟꓶ ꓛꓲ ꓔꓬ ꓢꓲ꓾ ꓠꓴ ꓥꓪ ꓔꓯ ꓟꓽ ꓢꓷ ꓢꓰꓽ ꓡꓺꓽ꓿ ꓥꓪ ꓔꓯ ꓟꓳꓻ ꓠꓬꓲ ꓢꓴ ꓠꓬ ꓐꓹ ꓐ ꓔꓯ ꓟꓳ ꓠꓬꓲ_ ꓟ ꓥ ꓡꓳ꓿ ꓠꓴ ꓮ ꓡꓲ ꓐꓰ ꓐꓹ ꓐ ꓥꓪ ꓠꓴꓽ ꓔꓯ ꓟꓳꓸ ꓖꓶ ꓡꓯ꓾ ꓐꓯ ꓡꓳꓺꓽ꓾ ꓐꓯ_ ꓡꓳ꓿

ꓥꓪ ꓠꓬ ꓐꓹ ꓐ ꓠꓯꓸꓼ ꓗꓪ ꓔꓬ_ ꓟ_ ꓐꓰ꓾ ꓐꓹ ꓐ ꓠꓬ ꓥꓪ ꓠꓯꓸꓼ ꓗꓪ ꓔꓬ_ ꓟ ꓠꓴ ꓟꓽ ꓙꓵꓻ ꓡꓺꓽ꓿ ꓥꓪ ꓠꓴ ꓪ ꓔꓯ ꓐꓯ ꓖꓶ_ ꓟ ꓐꓯ ꓘꓶ ꓠꓬ꓾ ꓥꓪ ꓚꓲ ꓛꓬ ꓗꓪ ꓐꓰ ꓐꓯ_ ꓟ ꓟꓽ ꓥ꓿ ꓥꓪ ꓠꓯꓸꓼ ꓗꓪ ꓔꓬ_ ꓟ ꓐꓹ ꓐ ꓡꓰ ꓬꓲ ꓟꓬꓱꓽ ꓬꓲ ꓬꓰ_ ꓡꓳ꓿

 

 ꓥꓪ ꓠꓽ ꓐꓹ ꓐ ꓠꓯꓸꓼ ꓗꓪ ꓔꓬ_ ꓟ_ ꓐꓰ꓾ ꓐꓹ ꓐ ꓠꓬ ꓥꓪ ꓠꓯꓸꓼ ꓗꓪ ꓔꓬ_ ꓟ ꓔꓯ ꓙꓵꓻ꓿ ꓟꓽ ꓥ ꓠꓬ ꓥꓪ ꓬꓰ_ ꓟ ꓟꓬꓱꓽ ꓑꓶ ꓓꓴ ꓥꓪ ꓔꓯ ꓙꓵꓻ꓿

 ꓥꓪ ꓔꓱꓹ ꓔꓱ_ ꓐꓰ ꓠꓴ ꓔꓯ ꓐꓯ ꓖꓶ_ ꓠꓬꓲ꓾ ꓥꓪ ꓔꓯ ꓙꓵꓻ ꓢꓴ ꓠꓬ ꓥꓪ ꓬꓰ_ ꓟ ꓟꓬꓱꓽ ꓬꓲ_ ꓟꓲ ꓬꓰ_ ꓥꓳ꓿ ꓕꓱ ꓟ ꓕꓯ ꓢꓲ ꓪꓴꓽ_ ꓟ ꓟꓬꓱꓽ_ ꓟꓲ ꓬꓲ ꓬꓰ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓐꓹ ꓐ ꓔꓯ ꓥꓪ ꓙꓰ_ ꓡꓳ꓿

 ꓐꓹ ꓐ ꓠꓬ ꓮ ꓐꓲ ꓗꓪ ꓐꓰ ꓟꓬꓱ ꓓꓳꓽ ꓟꓶ ꓠꓹ ꓟ꓾ ꓥꓪ ꓟꓬꓱꓺ ꓗꓪ ꓐꓰ ꓠꓴ ꓪ ꓮ ꓫꓵ ꓓꓰꓽ_ ꓠꓬ꓾ ꓖꓳ ꓟ ꓥꓪ ꓬꓰ_ ꓥꓳ꓿

 

ꓥꓪ ꓟꓬꓱꓺ ꓗꓪ ꓐꓰ ꓠꓴ ꓪ ꓮ ꓫꓵ_ ꓟꓲ ꓓꓰꓽ_ ꓠꓬ꓾ ꓖꓳ ꓟ ꓥꓪ ꓬꓰ_ ꓥꓳ꓿

 

...

 

  •  

Add new comment

2 + 3 =