ꓢꓲ ꓒ ꓬꓰ-ꓢꓴ ꓠꓬ ꓬꓴ-ꓓ ꓡꓲꓽ ꓒꓰꓼ ꓘꓴꓽ ꓗꓪ ꓪꓴ-ꓢ ꓡꓲꓽ ꓒꓰꓼ ꓐꓰ ꓟꓽ ꓪ ꓟ ꓔꓯ ꓮ ꓡꓰ ꓐꓰ ꓫꓬꓹ ꓔꓶꓻ_ ꓡ꓾

ꓢꓲ ꓒ ꓬꓰ-ꓢꓴ ꓠꓬ ꓬꓴ-ꓓ ꓡ ꓞꓳ ꓕꓲ ꓣꓳ ꓡꓰ ꓐꓰ ꓒꓬꓱꓽ ꓟꓳ ꓡ ꓢꓲ ꓠꓬꓲ ꓬꓴ-ꓓ ꓡ ꓞꓳ ꓕꓲ ꓣꓳ ꓡꓰ ꓐꓰ ꓡꓲꓽ ꓒꓰꓼ ꓔꓯ ꓬꓲ ꓛꓳ ꓫꓱꓽ ꓗꓳꓸ ꓡ ꓔꓯ ꓣꓳ ꓢꓷꓸ ꓡꓳ= ꓖꓳ ꓡꓱ ꓠꓬꓲ ꓠꓬꓲꓸ ꓠꓬꓲ ꓢꓲ ꓒ ꓬꓰ-ꓢꓴ ꓠꓬ ꓬꓴ-ꓓ ꓡꓲꓽ ꓒꓰꓼ ꓕꓲ ꓖ ꓕꓲ ꓘꓴꓸ ꓗꓪ ꓪꓴ-ꓢ ꓡꓲꓽ ꓒꓰꓼ ꓟꓽ ꓪ ꓟ ꓔꓯ ꓬꓲ ꓮ ꓡꓰ ꓐꓰ ꓫꓬꓹ ꓔꓶ_ ꓡ꓾ ꓐꓯ ꓟ ꓔꓯ ꓣꓳ ꓠ ꓠꓹ ꓓꓴ ꓬꓰ ꓡꓯ=

ꓬꓴ-ꓓ ꓡꓲꓽ ꓒꓰꓼ ꓘꓴꓽ ꓗꓪ ꓞꓳ ꓤ ꓕꓲ ꓫꓵ ꓢꓲ ꓤ ꓖꓴ ꓢꓲ ꓤ ꓕ ꓠꓲꓹ ꓦꓬꓸ꓾ ꓢꓲ ꓶ ꓤ ꓕꓽ ꓘꓴ꓾ ꓡ ꓞꓳ ꓕꓲ ꓫꓵ ꓕꓱ ꓡꓱ ꓐꓰ ꓓ_ ꓟ ꓔꓯ ꓡꓳꓸ ꓟꓳ_ ꓡꓳ= ꓖꓳ ꓡꓱ ꓠꓬꓲ ꓢꓲ ꓒ ꓬꓰ-ꓢꓴ ꓬꓲ ꓟ-ꓕꓲ ꓕꓳ ꓶ ꓗꓪ ꓣꓳ ꓡꓳꓸ ꓠꓬꓲ ꓕꓯ ꓬꓲ ꓡꓰ ꓮ ꓡꓰ ꓐꓯ ꓢꓲ ꓠꓬꓲ ꓫꓬꓹ ꓔꓱꓹ ꓙꓰ ꓐꓯ ꓠꓬ꓾ ꓥꓪ ꓔꓱꓹ ꓔꓱꓹ ꓐꓯ ꓖꓶ ꓠꓬ ꓠꓲꓹ ꓟ ꓘꓴꓽ ꓠꓯꓼ ꓗꓪ ꓐꓰ ꓬꓲꓼ ꓤ ꓠꓬꓲ ꓤ ꓔꓯ ꓦꓶ ꓡꓰ ꓢꓴ ꓖꓳ ꓟ ꓠꓬ ꓝꓴꓲ ꓪ ꓡꓰꓳ ꓐꓰ ꓬꓲ ꓡꓰ ꓐꓯ ꓖꓶ_ ꓡꓳ= ꓖꓳ ꓟ ꓡꓰ ꓟꓽ ꓞꓲ ꓢꓴ ꓤ ꓖꓴ ꓢꓴ ꓤ ꓟꓰ ꓔꓯ ꓠꓲꓹ ꓦꓬꓹ ꓟ꓾ ꓧꓪ ꓖꓳ ꓓꓱ ꓗꓪ ꓐꓰ ꓟꓽ ꓠꓲꓹ ꓦꓬꓸ ꓢꓲ ꓕꓯ ꓡꓰ ꓣꓳ ꓠꓲꓹ ꓟ ꓗꓪ ꓐꓰ ꓬꓲ ꓔꓯ ꓝꓴꓲ ꓬꓰ ꓗꓷ ꓠꓬ ꓝꓴꓲ ꓙꓳ ꓡꓰꓳ ꓐꓰ ꓢꓲ ꓒ ꓬꓰ-ꓢꓴ ꓬꓲ ꓚꓲ ꓛꓬ ꓡꓰ ꓐꓯ ꓖꓶ ꓗꓷ_ ꓡꓳ= ꓖꓳ ꓡꓱ ꓠꓬꓲ ꓢꓲ ꓒ ꓬꓰ-ꓢꓴ ꓬꓲꓸ ꓚꓱꓹ ꓪꓴ-ꓢ ꓡꓲ ꓪꓴ-ꓢ ꓚꓱꓹ ꓔꓯ ꓣꓳ ꓡꓳꓸ ꓠꓬꓲ ꓕꓯ ꓠꓲꓹ ꓟ ꓠꓬ ꓮ ꓘꓶꓸ ꓣꓳꓸ ꓚꓵ ꓓꓰ ꓡꓰ_ ꓟ ꓔꓯ ꓣꓳ ꓡꓳꓸ ꓟꓳ ꓡꓳ= ꓚꓺ ꓟꓲꓽ ꓡꓲꓽ ꓒꓰꓼ ꓗꓪ ꓧꓪ ꓖꓳ ꓓꓱ ꓔꓲꓻ ꓬꓰ ꓢꓲ ꓠꓻ ꓡꓰ ꓢꓲ ꓡꓯꓼ ꓝꓴꓲꓸ ꓐꓱꓼ ꓥ ꓟꓲ ꓪꓴ-ꓢ ꓡꓲꓽ ꓪꓴ-ꓢ ꓚꓱꓹ ꓗꓪ ꓠꓲꓹ ꓟ ꓠꓯꓼ ꓘꓴꓽ ꓗꓪ ꓐꓰ ꓠꓲꓹ ꓡꓶꓽ ꓙꓳ ꓙꓳ ꓡꓰ ꓓꓵꓽ ꓙ ꓕꓯ ꓖꓳ ꓟ ꓔꓯ ꓘꓳꓹ ꓣꓴ ꓕꓯ ꓠꓬ꓾ ꓝꓴꓲ ꓬꓰ ꓗꓷꓳ= ꓖꓳ ꓡꓱ ꓠꓬꓲ ꓣꓳ ꓡꓲꓽ ꓒꓰꓼ ꓘꓴ ꓗꓪ ꓥ ꓟꓲ ꓪꓴ-ꓢ ꓡꓲ ꓪꓴ-ꓢ ꓚꓱꓹ ꓕꓲ ꓚꓱꓹ ꓐꓯ ꓠꓬ ꓢꓲ ꓒ ꓬꓰ-ꓢꓴ ꓬꓲ ꓚꓱꓹ ꓟ ꓣꓳ ꓡꓲꓽ ꓒꓰꓼ ꓘꓴꓽ ꓗꓪ ꓗꓷ ꓠ ꓥꓳ ꓐꓯ ꓠꓬ ꓬꓲ ꓪꓴꓸ ꓣꓳ ꓓꓵꓽ ꓙ ꓠ ꓔ ꓟ ꓠꓬ꓾ ꓠꓲꓹ ꓟ ꓢꓲ ꓫꓬ ꓠꓹ ꓟ ꓥ ꓡꓳ= ꓣꓳ ꓡꓲꓽ ꓒꓰꓼ ꓘꓴꓽ ꓗꓪ ꓢꓲ ꓫꓬ ꓟ ꓠꓲꓹ ꓟ꓾ ꓣꓳ ꓡꓲꓽ ꓒꓰꓼ ꓦ ꓥ ꓟ꓾ ꓙꓲ_ ꓟ ꓣꓳ ꓞꓳ ꓫꓵ ꓞꓳ ꓙꓰ ꓡꓰ ꓟꓽ ꓞꓲ ꓮ ꓟ ꓥ ꓟꓲ ꓙꓲ_ ꓟ꓾ ꓢꓲ ꓫꓬꓹ ꓟ ꓠꓲꓹ ꓟ ꓕꓲ ꓟ ꓙꓳ_ ꓡ ꓐꓰ ꓐꓯ ꓟ ꓔꓯ ꓣꓳ ꓓꓵꓽ ꓙ ꓠꓬꓲ ꓓꓴ ꓬꓰ ꓡꓯ= ꓢꓲ ꓒ ꓬꓰ-ꓢꓴ ꓠꓬ ꓬꓴ-ꓓ ꓡꓲꓽ ꓒꓰꓼ ꓘꓴꓽ ꓗꓪ ꓔꓬ ꓢꓲ ꓬꓲ ꓡꓲꓽ ꓒꓰꓼ ꓔꓯ ꓠꓲꓹ ꓠꓵ ꓢꓲ ꓬꓲ ꓡꓲꓽ ꓒꓰꓼ ꓔꓯ ꓫꓬꓹ ꓔꓶꓻ_ ꓟ ꓡꓰ ꓐꓰ ꓢꓲ ꓒ ꓬꓰ-ꓢꓴ ꓠꓬ ꓪꓴ-ꓢ ꓥ ꓟ ꓐꓰ ꓕꓲ ꓡꓲꓹ ꓮꓽ ꓟ ꓡꓲꓽ ꓒꓰꓼ ꓮꓽ ꓟ ꓚꓱꓹ ꓗꓪ ꓥ ꓟꓲ ꓬꓲ ꓡꓲꓽ ꓒꓰꓼ ꓔꓯ ꓘꓳꓹ ꓣꓴ ꓕꓯ ꓢꓲ ꓫꓬ ꓠꓹ ꓟ ꓠꓬ ꓧꓶꓸ ꓕꓯ ꓣꓳꓸ ꓚꓵ ꓓꓰ ꓡꓰ_ ꓟ ꓥꓳ= ꓡꓲꓽ ꓒꓰꓼ ꓘꓴꓽ ꓗꓪ ꓟꓽ ꓢꓲ ꓫꓬꓹ ꓟ ꓟꓽ ꓔꓱꓹ ꓟ꓾ ꓕꓲ ꓣꓳ ꓛꓳ ꓕꓲ ꓣꓳ ꓠꓲꓹ ꓦꓬꓹ ꓟ ꓢꓲꓼ ꓡꓯ ꓘꓳ ꓠꓲꓹ ꓫꓵ_ ꓟ꓾ ꓕꓲ ꓡꓱ ꓫꓵ ꓠꓲꓹ ꓟ ꓔꓯ ꓟꓳꓸ ꓡꓲꓽ ꓒꓰꓼ ꓠꓬ ꓣꓳ ꓡꓳ ꓩꓴ ꓓꓴ ꓥ ꓡꓳ= ꓟꓽ ꓛꓳ ꓫꓱꓽ ꓠꓹ ꓟ ꓥ ꓡꓳ= ꓢꓲ ꓒ ꓬꓰ-ꓢꓴ ꓬꓲ ꓡꓲꓽ ꓒꓰꓼ ꓬꓲ ꓫꓬꓹ ꓔꓱꓹ ꓟ ꓗꓪ ꓣꓳ ꓡꓳꓸ ꓠꓬꓲ ꓕꓯ ꓠꓲꓹ ꓟ ꓘꓴꓽ ꓠꓯꓼ ꓗꓪ ꓢꓲ ꓫꓬ ꓡꓰ ꓢꓲ ꓠꓬꓲ ꓬꓲ ꓐ ꓗꓪ ꓓꓳꓺ ꓡ ꓠꓹ ꓟ ꓣꓳꓸ ꓚꓵ_ ꓥꓳ꓾ ꓐꓰ ꓣꓳ ꓔꓯ ꓟꓳꓸ ꓖꓶ ꓡ ꓥꓳ= ꓚꓲ ꓛꓬ ꓞꓳ ꓫꓱꓽ ꓔꓬ ꓟ ꓡꓲꓽ ꓒꓰꓼ ꓘꓴꓽ ꓠꓯꓼ ꓗꓪ ꓢꓲ ꓒ ꓬꓰ-ꓢꓴ ꓬꓲ ꓠꓲꓹ ꓡꓶꓽ ꓙꓳ_ ꓟ ꓡꓰ ꓐꓰ ꓬꓲ ꓡꓲꓽ ꓚꓱꓹ ꓬꓲ ꓞꓳ ꓙꓳ ꓚꓱꓹ ꓥ ꓟ ꓠꓲꓹ ꓟ ꓢꓲ ꓫꓬ ꓠꓹ ꓟ ꓢꓯꓼ ꓕꓵꓼ ꓙꓰ ꓡꓯ=  

Add new comment

4 + 11 =