ꓐ-ꓣꓲꓸ-ꓔꓲꓸ-ꓫꓵꓽ ꓪ ꓔꓲ ꓟ ꓪ ꓔꓲ ꓣꓱꓽˍ ꓟ ꓬꓲ ꓞꓲꓼ 70 ꓘꓳꓼ ꓐꓲˍ ꓟ ꓑꓮꓲꓽ ꓬꓰ ꓔꓬ ꓟ ꓓꓳꓽ

Friday, June 03, 2022

ꓐ-ꓣꓲꓸ-ꓔꓲꓸ-ꓫꓵꓽ ꓪꓺ ꓔꓲ ꓟ ꓪ ꓔꓲ ꓣꓱꓽˍ ꓟ ꓬꓲ ꓞꓲꓼ 70 ꓘꓳꓼ ꓐꓲˍ ꓟ ꓚꓲꓸ ꓟꓶ ꓓꓴ ꓑꓮꓲꓽ ꓔꓯ ꓐ-ꓣꓲꓸ-ꓔꓲꓸ-ꓫꓵꓽ ꓗꓴꓷꓼ ꓐꓰ ꓧꓶꓸ ꓕꓯ ꓐ-ꓣꓲꓸ-ꓔꓲꓸ-ꓫꓵꓽ ꓡꓯ ꓒꓯꓹ ꓗꓪ ꓔꓬ ꓠꓬꓲ ꓢꓴ ꓗꓴꓷꓼ ꓐꓰ Commonwealth ꓗꓴꓷꓼ ꓐꓴ ꓗꓪ ꓑꓮꓲꓽ ꓬꓰ ꓔꓬ ꓡꓳ= ꓐ-ꓣꓲꓸ-ꓔꓲꓸ-ꓫꓵꓽ ꓗꓴꓷꓼ ꓗꓪ 6 ꓦ 2 ꓠꓬꓲꓽ ꓠꓽ ꓡꓲꓸ ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ ꓑꓮꓲꓽ ꓔꓯ 4 ꓠꓬꓲ ꓬꓰ ꓓꓴ ꓥꓳ= ꓐ-ꓣꓲꓸ-ꓔꓲꓸ-ꓫꓵꓽ ꓚꓺ ꓟꓲꓽ ꓕꓲ ꓟ ꓡꓱꓸꓼ ꓪꓺ ꓔꓲ ꓣꓱꓽˍ ꓟ ꓗꓪ ꓬꓲ ꓞꓲꓼ ꓟꓽ ꓓ ꓪꓴꓽˍ ꓟ ꓬꓲ ꓞꓲꓼ 94 ꓘꓳꓼ ꓙꓳ ꓡꓰ ꓟ꓾ ꓠꓬꓲꓽ ꓣꓳ ꓕꓲ ꓣꓳ ꓟ Elizabeth ꓪꓺ ꓔꓲ ꓟ ꓬꓲ ꓦꓵꓻ ꓦꓬꓼ ꓠꓬꓲ ꓔꓯ ꓟꓬꓱꓽ ꓓꓳꓽ ꓖꓶꓽ ꓑꓮꓲꓽ ꓔꓯ ꓮ ꓟꓰ ꓕꓯ ꓡꓰ ꓬꓰ ꓪꓴꓸ ꓔꓴ ꓗꓷ ꓟ ꓥ ꓡꓳ=

ꓡꓯ-ꓓꓯ ꓗꓪ ꓬꓰˍ ꓟ ꓪꓺ ꓔꓲ ꓟ ꓪꓺ ꓔꓲ ꓣꓱꓽ ꓞꓲꓼ 70 ꓘꓳꓼ ꓐꓲˍ ꓟ Jubilee ꓑꓮꓲꓽ ꓐꓱ ꓶ ꓡꓯ-ꓓꓯ ꓡꓳ ꓒꓱ ꓗꓪ ꓞꓳ ꓤ ꓬꓲ ꓔꓴꓺ ꓣꓳ ꓟꓽ ꓛꓲꓺ ꓡ ꓗꓷ ꓟ ꓥ ꓡꓳ= 4 ꓠꓬꓲ ꓑꓮꓲꓽ ꓬꓰˍ ꓟ ꓚꓲꓸ ꓟꓶ ꓓꓴ ꓑꓮꓲꓽ ꓘꓴꓽ ꓗꓪ Buckingham ꓪꓺ ꓔꓲ ꓦꓲꓻ ꓟꓲ ꓙꓬ ꓗꓪ ꓜꓲꓼ ꓡꓳꓽ ꓢꓲ ꓑꓮꓲꓽ ꓬꓰ ꓓꓴ ꓥ ꓡꓳ꓾ ꓐꓰ VOA ꓓꓳꓽ ꓗꓪ ꓐꓯ ꓔ ꓡꓳ=