ꓩꓲꓸ-ꓛꓲꓻ ꓒꓵꓽ ꓮ ꓟꓬꓹ ꓓꓯ ꓙꓰ ꓟ ꓪꓴꓸ ꓠꓬꓲ ꓦꓻ ꓟꓲ ꓬꓰ ꓜꓽ ꓢꓴ ꓫꓸ ꓓꓴ ꓔꓳꓹ ꓜꓳꓽ ꓢꓲ꓾ ꓜꓻ ꓮ ꓟꓬꓹ ꓟꓽ ꓓꓳ ꓗꓷ ꓡˍ ꓟ ꓔꓯ ꓙꓳꓺ ꓔꓬ ꓟ ꓓꓳꓽ

ꓮ ꓟꓶ ꓕꓲ ꓘꓳꓼ ꓗꓪ ꓩꓲꓸ-ꓛꓲꓻ ꓒꓵꓽ ꓮ ꓟꓬꓹ ꓓꓯ ꓙꓰ ꓟ ꓪꓴꓸ ꓠꓬꓲ ꓗ-ꓛꓲ ꓗꓴꓷꓼ ꓫꓴꓻ ꓟꓳꓸ-ꓠꓬꓲꓸ ꓗꓪ ꓟ ꓟꓶꓽ ꓦ ꓦ ꓝꓲꓸ ꓕꓯ ꓐꓱ ꓶ ꓜꓻ ꓔꓶˍ ꓟ ꓦꓻ ꓟꓲ ꓬꓰ ꓢꓴ ꓐꓴ ꓫꓸ ꓓꓴ ꓔꓳꓹ ꓜꓳꓽ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓮ ꓠꓬꓲꓹ ꓕꓲ ꓘꓳꓼ ꓕꓯ ꓩꓲꓸ-ꓛꓲꓻ ꓕꓲ ꓕꓱꓹ ꓠꓬ ꓡꓲꓺ ꓟꓶꓽ ꓐꓰ ꓥꓪꓽ ꓟꓶꓽ ꓛꓲ ꓡꓰꓽ ꓙꓳˍ ꓥ ꓟꓲ꓾ ꓮ ꓟꓶ ꓕꓲ ꓘꓳꓼ ꓗꓪ ꓠꓬ ꓕꓲ ꓕꓱꓹ ꓟ ꓔꓯ ꓕꓲ ꓫꓬꓹ ꓗꓪ ꓛꓲꓺ ꓬꓲ ꓒꓵꓽ ꓓꓯ ꓙꓰ ꓟ ꓪꓴꓸ ꓠꓬꓲ ꓡꓳꓼ ꓠ ꓛꓲꓺ ꓧꓳꓽ ꓟꓽ ꓐ ꓡ ꓢꓲ ꓜꓻ ꓮ ꓟꓬꓹ ꓟꓽ ꓓꓳ ꓡ ꓟ ꓔꓯ ꓙꓳꓺ ꓔꓬ ꓡꓳ ꓐꓰ꓾ ꓟꓳꓸ-ꓠꓬꓲꓸ ꓡꓳ ꓒꓱ꓾ ꓟꓬꓳꓹ-ꓔꓲꓸ-ꓗꓽ-ꓡꓰꓸ ꓘꓹ ꓗꓪ ꓦꓻ ꓟꓲ ꓬꓰ ꓢꓴ ꓕꓲ ꓣꓳ ꓡꓰ ꓐꓯ ꓔ ꓡꓳ=

“ꓩꓲꓸ-ꓛꓲꓻ ꓒꓵꓽ ꓓꓯ ꓡ ꓠꓬꓲ ꓧꓶꓸ ꓕꓯ ꓟ ꓡꓰ ꓪꓴꓻ ꓣꓱꓽ ꓟꓶ ꓟꓽ ꓘꓴꓳ= ꓖꓳ ꓡꓱ ꓠꓬꓲ ꓜꓻ ꓮ ꓟꓬꓹ ꓟꓼ ꓓꓳ ꓗꓷ ꓡꓰ ꓢꓲ ꓮ ꓘꓶꓸ ꓫ ꓡˍ ꓡꓳ= ꓦꓻ ꓟꓲ ꓬꓰˍ ꓟ ꓠꓬ ꓮ ꓟꓶ ꓕꓯ ꓠꓽ ꓒꓴꓻ ꓮ ꓟꓬꓹ ꓣꓱꓽ ꓟꓽ ꓐ ꓡ ꓠꓽ ꓮ ꓟꓬꓹ ꓐꓵ ꓡꓰˍ ꓥꓳ= ꓣꓱꓽ ꓔ ꓟ ꓐꓰ ꓟꓶ ꓡˍ ꓟ ꓟꓽ ꓜꓳꓽ ꓟ ꓪꓴꓸ ꓠꓬꓲ ꓡꓳꓹ ꓬꓰˍ ꓕꓯ ꓡ ꓞꓳˍ ꓡꓰꓽ ꓪꓴꓽ ꓧꓶˍ ꓟ ꓥꓳ꓾ ꓐꓰ ꓦꓻ ꓟꓲ ꓬꓰ ꓢꓴ ꓕꓲ ꓣꓳ ꓡꓰ ꓐꓯ ꓔ ꓟ ꓔꓯ The 74 Media ꓓꓳꓽ ꓗꓪ ꓟꓸ ꓖꓶ ꓔ ꓡꓳ=