ꓑ-ꓖꓳ ꓡꓳ ꓒꓱ ꓗꓪ ꓬꓲꓻ ꓙꓬ ꓢꓲꓼ ꓥ ꓟꓲ ꓞꓳ ꓘꓹ ꓗꓪ ꓬꓲꓻ ꓙꓬ ꓙꓵꓽ ꓔꓬ ꓢꓰ ꓢꓲ꓾ ꓫꓸ ꓔꓬ ꓟ ꓓꓳꓽ

Wednesday, October 11, 2023

ꓑ-ꓖꓳ ꓡꓳ ꓒꓱ ꓗꓪ ꓬꓲꓻ ꓙꓬ ꓢꓲꓼ ꓥ ꓟꓲ ꓞꓳ ꓘꓹ ꓗꓪ ꓬꓲꓻ ꓙꓬ ꓙꓵꓽ ꓔꓬ ꓢꓰ ꓢꓲ꓾ ꓫꓸ ꓔꓬ ꓟ ꓓꓳꓽ

ꓢ ꓠꓬꓲ ꓛꓲ ꓬꓲꓻ ꓙꓬ ꓙꓵꓽ ꓟꓶꓸ ꓡꓰ ꓟ ꓑ-ꓖꓳ ꓡꓳ ꓒꓱ ꓗꓪ ꓠꓬꓲꓸ ꓠꓬꓲ 10 ꓦ 11 ꓠꓬꓲ ꓠꓯꓼ ꓙꓵꓹ ꓗꓪ ꓠꓬ ꓬꓲꓻ ꓙꓬ ꓮ ꓠꓶꓸ ꓞ ꓢꓲꓼ ꓡꓰ ꓥ ꓟꓲ ꓑ-ꓖꓳ ꓡꓳ ꓒꓱ ꓬꓲꓸ ꓐ ꓗꓪ ꓔꓬ ꓟ ꓞꓳ ꓘꓹ ꓗꓪ ꓬꓲꓻ ꓙꓬ ꓙꓵꓽ ꓔꓬ ꓢꓰ ꓟ ꓥ ꓡꓳ ꓐꓰ ꓬꓰ ꓙ ꓢꓴ ꓜꓴꓻ ꓐꓴ ꓡꓰ ꓐꓯ_ ꓡꓳ꓾

ꓞꓳ ꓘꓹ ꓗꓪ ꓔꓬ ꓢꓴ ꓐꓴ ꓡꓳ ꓒꓱ ꓔꓬ ꓔꓶꓸ ꓗꓪ ꓙꓰ ꓠꓲꓹ ꓫꓵ ꓠꓬ ꓧꓳꓽ ꓔꓯꓹ ꓖꓶ_ ꓡꓳ꓾ ꓕꓲ ꓐꓱ ꓟꓽ ꓙꓰ ꓢꓴ ꓟꓲ ꓔꓬ ꓡꓳ꓾ ꓕꓲ ꓐꓱ ꓞꓳ ꓘꓹ ꓗꓪ ꓜ ꓟꓲ ꓓꓰ ꓟꓲ ꓗꓪ ꓬꓲꓻ ꓙꓬ ꓓꓵꓽ ꓟ ꓑꓶ ꓓꓴ ꓜ ꓟꓲ ꓓꓰ ꓟꓲ ꓥ ꓟꓲ ꓐꓬ ꓡꓰ ꓓꓴ ꓙꓳ_ ꓡꓳ ꓐꓰ ꓞꓳ ꓘꓹ ꓢꓴ ꓕꓲ ꓣꓳ ꓡꓰ ꓐꓯ ꓔ ꓡꓳ꓾

ꓮ ꓟꓶ ꓠꓬ ꓜ ꓟꓲ ꓔꓶꓺ ꓔ ꓟ ꓙꓵꓹ ꓥ ꓟ ꓑꓶ ꓓꓴ ꓮ ꓟꓶ ꓡꓰ ꓐꓰ ꓬꓲꓻ ꓙꓬ ꓮ ꓟꓬꓹ ꓓꓵꓽ ꓡ ꓟ ꓑꓶ ꓓꓴ ꓑ-ꓖꓳ ꓡꓳ ꓒꓱ ꓕꓲ ꓚꓳ ꓡꓳ ꓐꓰ ꓞꓳ ꓘꓹ ꓗꓪ ꓐꓰ ꓜ ꓟꓲ ꓔꓶꓺ ꓢꓴ ꓐꓱ ꓶ ꓫꓸ ꓓꓴ ꓔꓳꓹ ꓜꓳ ꓔꓬ ꓡꓳ ꓐꓰ ꓥ ꓟꓲ ꓜ ꓟꓲ ꓔꓯ ꓬꓰ ꓙ ꓢꓴ ꓜꓴꓻ ꓗꓪ ꓐꓰ ꓢꓷꓸ ꓪ ꓡꓳ=