ꓚꓧꓲ-ꓑꓧꓪꓰ ꓗꓪ ꓪꓽ ꓚꓲꓻ ꓬꓲꓻ ꓙꓬ ꓑꓶ ꓓꓴ ꓔꓬ ꓦꓲꓻ 20 ꓦꓲꓻ ꓟꓽ ꓞꓲ ꓬꓲꓻ ꓙꓬ ꓐꓵ ꓡꓰ ꓢꓲ ꓐꓬ ꓡꓰ ꓟ꓾

Thursday, May 30, 2024

ꓚꓧꓲ-ꓑꓧꓪꓰ ꓗꓪ ꓪꓽ ꓚꓲꓻ ꓬꓲꓻ ꓙꓬ ꓑꓶ ꓓꓴ ꓔꓬ ꓦꓲꓻ 20 ꓦꓲꓻ ꓟꓽ ꓞꓲ ꓬꓲꓻ ꓙꓬ ꓐꓵ ꓡꓰ ꓢꓲ ꓐꓬ ꓡꓰ ꓟ꓾

ꓗ-ꓛꓲ ꓗꓴꓷꓼ ꓫꓴꓻ ꓚꓧꓲ-ꓑꓧꓪꓰ ꓡꓳ ꓒꓱ꓾ ꓟꓮꓪꓬ-ꓟꓮꓪ-ꓑꓮ ꓞꓳ ꓘꓹ ꓗꓪ 5 ꓦ 29 ꓠꓬꓲ ꓠꓯꓼ ꓙꓵꓹ ꓕꓯ ꓟꓶꓽ ꓦ ꓓꓽ ꓦ ꓡ ꓢ꓾ ꓪꓽ ꓚꓲꓻ ꓬꓲꓻ ꓙꓬ ꓑꓶ ꓓꓴ ꓬꓲꓻ ꓙꓬ ꓟꓴ ꓓꓯ ꓡ ꓢꓲ ꓞꓳ ꓦꓲꓻ 20 ꓦꓲꓻ ꓟꓽ ꓞꓲ ꓐꓬ ꓡꓰ ꓢꓲ ꓠꓬꓲ 50 ꓘꓳꓼ ꓛꓲ ꓡꓳꓼ ꓡꓰ ꓟ ꓞꓳ ꓘꓹ ꓤ ꓟꓶ ꓤ ꓕꓲ ꓣꓳ ꓬꓲꓻ ꓙꓬ ꓗꓪ ꓐꓵ ꓡꓰꓳ ꓐꓰ ꓞꓳ ꓘꓹ ꓢꓴ ꓗꓪ ꓐꓰ ꓐꓯ ꓔ ꓡꓳ=

ꓖꓳ ꓟ ꓡꓰ ꓟꓽ ꓞꓲ ꓤ ꓠꓱ ꓤ ꓕꓲ ꓣꓳ ꓥ ꓟꓲ ꓬꓲꓻ ꓙꓬ ꓗꓪ ꓐꓵ ꓡꓰ ꓢꓲ ꓫꓵꓻ ꓡꓰꓳ ꓐꓰ ꓢꓷꓸ ꓪ ꓡꓳ= ꓫꓵꓻ ꓡꓰ ꓟ ꓤ ꓠꓱ ꓤ ꓠꓬ 10 ꓘꓳꓼ ꓛꓲ ꓡꓳꓼ ꓡꓰ ꓟ ꓤ ꓑ ꓤ ꓕꓲ ꓣꓳ ꓥ ꓢꓲ꓾ ꓫꓵꓻ ꓟꓳ ꓔꓯ ꓡ ꓟ ꓫꓵꓻ ꓧꓪ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=

ꓟꓮꓪꓬ-ꓟꓮꓪ ꓞꓳ ꓘꓹ ꓠꓬ ꓚꓧꓲ-ꓑꓧꓪꓰ ꓗꓪ ꓐꓰ 6 ꓟꓲꓡꓰ ꓛꓲ ꓶ_ ꓟ ꓞꓳ ꓘꓹ ꓕꓲ ꓘꓹ ꓥ ꓢꓲ꓾ ꓕꓱ ꓡꓱ ꓬꓲꓻ ꓙꓬ ꓙꓵꓽ ꓡ ꓟ ꓠꓬ 10 ꓘꓳꓼ ꓕꓯ ꓕꓲ ꓧꓪꓹ ꓗꓷ ꓡꓰ ꓓ_ ꓟ ꓥ ꓢꓲ꓾ ꓔꓬ ꓦꓲꓻ 30 ꓦꓲꓻ ꓛꓲ ꓡꓰ ꓔꓬ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=