ꓟꓶꓽ ꓦ ꓓꓽ ꓟ ꓦ ꓢꓲ ꓪ ꓚꓲ ꓡꓽ ꓧꓳꓹ ꓧꓳꓹ ꓟ ꓑꓶ ꓓꓴ ꓖꓴ ꓟꓶꓸ ꓗꓳꓣꓰꓮ ꓗꓪ ꓧꓳꓽ ꓙꓱꓺ ꓙꓰ ꓓꓴ ꓔꓯ ꓠꓽ ꓦ ꓟ

ꓟꓶꓽ ꓦ ꓓꓽ ꓟ ꓦ ꓢꓲ ꓪ ꓚꓲ ꓡꓽ ꓧꓳꓹ ꓧꓳꓹ ꓟ ꓑꓶ ꓓꓴ ꓖꓴ ꓟꓶꓸ ꓗꓳꓣꓰꓮ ꓗꓪ ꓧꓳꓽ ꓙꓱꓺ ꓙꓰ ꓓꓴ ꓫꓸ ꓔꓬ ꓟ

ꓖꓴ ꓟꓶꓸ ꓗꓳꓣꓰꓮ ꓗꓴꓷꓼ ꓔꓲꓹ ꓫꓵꓻ ꓕꓲ ꓛꓱ ꓗꓪ 7 ꓦ 7 ꓠꓬꓲ ꓕꓯ ꓟꓶꓽ ꓦ ꓓꓽ ꓦ ꓢꓲ ꓬꓲꓻ ꓙꓬ ꓙꓵꓽ_ ꓟ ꓐꓰ ꓡꓽ ꓧꓳꓹ ꓧꓳꓹ ꓟ ꓗꓷ ꓡꓰ ꓟ ꓑꓶ ꓓꓴ ꓧꓳꓽ ꓙꓱ ꓕꓲ ꓐꓱ ꓔꓯ 7 ꓦ 10 ꓠꓬꓲ ꓗꓪ ꓐꓰ ꓧꓳꓽ ꓙꓱꓺ ꓚꓳꓟꓑꓮꓠꓬ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓠꓽ ꓡꓰ ꓝꓲ ꓔꓬ ꓟ ꓔꓯ ꓢꓷꓸ ꓪ ꓡꓳ=

ꓗꓴꓷꓼ ꓬꓲ ꓔꓶꓸ ꓮ ꓟꓬꓹ ꓗꓪ ꓟꓶꓽ ꓦ ꓓꓽ ꓦ ꓟ ꓠꓬ 200 ꓟꓡꓟꓔ ꓗꓪ ꓛꓲ ꓟꓬ ꓡ ꓔꓬ ꓡꓳ ꓐꓰ ꓖꓴ ꓟꓶꓸ ꓗꓳꓣꓰꓮ ꓟꓵꓽ ꓘꓳꓼ ꓟꓳꓸ ꓔꓶꓸ ꓗꓪ ꓐꓰ ꓐꓯ ꓔ ꓡꓳ=ꓝꓮꓲ ꓟꓽ ꓞꓲ ꓪ ꓚꓲ ꓕꓲ ꓟ ꓡꓳꓽ ꓧꓳꓽ ꓡꓰ ꓢꓲ꓾ ꓞꓳ ꓤ ꓕꓲ ꓣꓳ ꓫꓵꓻ ꓡꓰ ꓟ꓾ ꓔꓬ ꓦꓲꓻ꓾ ꓙ ꓖꓴ ꓐꓬ ꓡꓰ ꓟ꓾ ꓔꓬ ꓦꓲꓻ ꓓꓽ ꓐꓬ ꓡꓰ ꓓꓴ ꓥ ꓟꓲ ꓗꓷ ꓡꓰ ꓟ ꓥꓳ꓾ꓐꓰ ꓓꓳꓽ ꓗꓪ ꓐꓯ ꓑꓶ ꓔ ꓡꓳ=ꓢꓰꓮꓟꓮꓰꓴꓡ ꓐꓰ ꓟꓴꓖꓴꓠꓖꓪꓧꓮ ꓧꓳꓽ ꓙꓱ ꓔꓯ ꓗꓴꓷꓼ ꓔꓲꓹ ꓫꓵ ꓬꓲꓸ ꓚꓱꓹ 6 ꓟ ꓐꓱ ꓶ ꓠꓽ ꓡꓰ ꓝꓲ ꓔꓬ ꓡꓳ ꓐꓰ ꓐꓯ ꓔ ꓡꓳ= ꓕꓲ ꓘꓳꓼ ꓡꓲ ꓕꓲ ꓘꓳꓼ ꓕꓱ ꓡꓱ ꓔꓳꓹ ꓜꓳ ꓡꓰ ꓟ ꓥ ꓡꓳ꓾ ꓟꓵꓽ ꓘꓳꓼ ꓒꓳꓹ ꓟ ꓑꓶ ꓓꓴ ꓤ ꓟꓳ ꓠꓹ ꓟ ꓗꓴꓷꓼ ꓢꓲꓺ ꓒ ꓡꓰ ꓐꓯ ꓔ ꓡꓳ ꓐꓰ ꓢꓷꓸ ꓪ ꓡꓳ=