ꓓꓳꓽ

 1 ꓟꓬ-ꓟ ꓗꓴꓷꓼ ꓡꓲ-ꓢꓴ ꓕꓳꓽ ꓶ ꓐꓰ ꓡꓲꓽ ꓒꓲꓼ ꓜꓴ ꓚꓰ ꓟꓬꓱꓽ ꓟꓯ ꓢꓴ ꓢꓲ ꓠꓹ ꓟ ꓐꓰ ꓟꓯꓹ ꓗꓶ ꓠꓹ ꓟ ꓜꓲꓼ ꓓꓴ ꓓꓽ ꓟ ꓬꓰ ꓠꓹ ꓟ ꓢꓷꓸ ꓡꓰ ꓝꓲꓹ ꓟ ꓓꓳꓽ

ꓛꓲ ꓡꓹ ꓟ 3 ꓦ 25 ꓠꓬꓲ ꓐꓰ 26 ꓠꓲ ꓕꓯ ꓟꓬ-ꓟ ꓗꓴꓷꓼ ꓡꓲ-ꓢꓴ ꓕꓳꓽ ꓶ ꓐꓰ ꓡꓲꓽ ꓒꓲꓼ ꓜꓴ ꓚꓰ ꓟꓬꓱꓽ ꓟꓯ ꓢꓴ ꓢꓲ ꓠꓹ ꓟ ꓐꓰ ꓟꓯꓹ ꓗꓶ ꓠꓹ ꓟ ꓜꓲꓼ ꓓꓴ ꓓꓽ ꓟ ꓔꓯ ꓟꓶ-ꓗꓲ-ꓠ ꓡꓳ ꓒꓱ ꓟꓬ-ꓟ ꓗꓴꓷꓼ ꓡꓲ-ꓢꓴ ꓕꓳꓽ ꓶ ꓐꓰ ꓡꓲꓽ ꓒꓲꓼ ꓜꓴ ꓚꓰ ꓜꓲꓼ ꓦꓲ ꓓꓽ ꓗꓪ ꓬꓰ ꓠꓹ ꓟ ꓢꓷꓸ ꓡꓰ ꓠꓹ ꓟ ꓐꓯ ꓑꓶ ꓔ ꓡꓳ= 3 ꓦ ꓟ 25 ꓠꓬꓲ ꓗꓪ ꓠꓬ ꓖꓪꓽ ꓙꓱ ꓜꓲꓼ ꓓꓴ ꓦꓬꓼ ꓠꓬꓲ ꓥ ꓢꓲ 26 ꓠꓬꓲ ꓠꓬ ꓟꓬꓱꓽ ꓟꓯ ꓢꓴ ꓬꓲ ꓫꓵꓼ ꓢꓲ ꓚꓰ ꓓꓴ ꓥˍ ꓡꓳ= ꓖꓪꓽ ꓙꓱ ꓜꓲꓼ ꓓꓴ ꓐꓰ ꓟꓯꓹ ꓗꓶ ꓓꓴ ꓐꓱ ꓶ ꓢꓲ ꓔ ꓟ ꓔꓯ ꓐꓯꓹ ꓟꓶ ꓢꓴ ꓠꓬ 3 ꓦ ꓟ 24 ꓠꓬꓲ ꓕꓯ ꓟꓬ-ꓟ ꓗꓴꓷꓼ ꓡꓲ-ꓢꓴ ꓕꓳꓽ ꓶ ꓐꓰ ꓡꓲꓽ ꓒꓲꓼ ꓜꓴ ꓚꓰ ꓜꓲꓼ ꓔꓶ ꓑ-ꓟꓶ-ꓓ ꓘꓹ ꓗꓪ ꓓꓴ ꓛꓲ ꓡ ꓠ ꓗˍ ꓡꓳ= 3 ꓦ ꓟ 24-27 ꓠꓯꓼ ꓗꓪ ꓛꓲ ꓟꓬ-ꓟ ꓗꓴꓷꓼ ꓡꓲ-ꓢꓴ ꓕꓳꓽ ꓶ ꓐꓰ ꓡꓲꓽ ꓒꓲꓼ ꓜꓴ ꓚꓰ ꓗꓪ ꓐꓰ ꓖꓶ ꓓꓴ ꓥˍ ꓡꓳ=ꓟꓬꓱꓽ ꓟꓯ ꓠꓹ ꓟ ꓐꓰ ꓟꓯ ꓗꓶ ꓠꓹ ꓟ ꓐꓱ ꓶ ꓢꓲ ꓚꓰ ꓔ ꓢꓴ ꓟꓬꓱ ꓔꓯ 3 ꓦ 15 ꓗꓪ ꓮꓽ ꓙꓵ ꓛꓲ ꓡ ꓝꓲ ꓠꓹ ꓟ ꓐꓯ ꓔ ꓡꓳ= ꓖꓪ ꓙꓱ ꓜꓲꓼ ꓓꓴ ꓦꓬꓼ ꓠꓬꓲ ꓔꓶ ꓔ ꓟ ꓠꓬ 3 ꓧꓪꓹ ꓲ ꓧꓪꓹ ꓟ ꓥˍ ꓡꓳ ꓐꓰ ꓐꓯˍ ꓡꓳ= ꓚꓳꓦꓲꓓ- 19 ꓠꓹ ꓫꓵꓽ ꓪꓴꓸ ꓠꓬꓲ 2021 ꓘꓳꓼ 11 ꓦ ꓕꓯ ꓬꓰ ꓠꓹ ꓟ ꓙꓽ ꓖꓶꓽ ꓔ ꓥˍ ꓟꓲ ꓟꓽ ꓛꓱꓼ ꓡꓰ ꓢꓲ 2022 ꓘꓳꓼ 2 ꓦ ꓕꓯ ꓝꓮꓲ ꓕꓲꓽ ꓙꓽ ꓖꓶ ꓡꓳ ꓬꓰꓳ= ꓖꓳ ꓕꓲꓽ ꓧꓪꓹ ꓥˍ ꓟꓲ ꓟꓽ ꓛꓱꓼ ꓡꓰ ꓢꓲ 3 ꓧꓪꓹ 1 ꓧꓪꓹ ꓐꓯ ꓑꓶ ꓩꓴ ꓡꓹ ꓟ ꓥˍ ꓡꓳ= ꓜꓴ ꓚꓰ ꓟꓬꓱꓽ ꓟꓯ ꓢꓴ ꓐꓴ ꓠꓬ 5 ꓘꓳꓼ ꓥˍ ꓠꓬ ꓟꓯꓹ ꓢꓲ ꓚꓰ ꓓꓳ ꓡꓰ ꓗꓪ ꓛꓲ ꓥˍ ꓡꓳ ꓐꓰ ꓐꓯˍ ꓡꓳ=   

 2  ꓗꓳꓣꓰꓮ ꓗꓴꓷꓼ ꓢꓰꓳꓴꓡ ꓗ-ꓔꓳ-ꓡꓲꓗ ꓘꓴ ꓜꓲꓼ ꓞꓳ ꓡꓰ ꓫ ꓢꓴ ꓟꓷꓼ ꓢꓴ ꓐꓴ 8ꓳꓳ ꓣꓳꓽ ꓔꓯ ꓜꓽ ꓓꓴ ꓓꓳ ꓓꓴ ꓔꓯꓹ ꓖꓶꓽˍ ꓟ

ꓗꓳꓣꓰꓮ ꓗꓴꓷꓼ ꓢꓰꓳꓴꓡ ꓗꓪ ꓟ ꓗ-ꓔꓳ-ꓡꓲꓗ ꓘꓴ ꓜꓲꓼ ꓞꓳ ꓗꓪ ꓾ ꓪꓴ-ꓢ ꓟꓬꓱꓽ ꓟꓯꓹ ꓔꓬꓹ ꓟ ꓔꓲꓺ ꓒ ꓟꓲ-ꓔꓴ ꓠꓬ ꓜ ꓪ ꓜ ꓢꓴ꓾ ꓫ ꓢꓴ ꓟꓷꓼ ꓢꓴ ꓐꓰ ꓠ ꓢꓴ ꓒꓬꓽ ꓢꓴ ꓔꓯ ꓜꓽ ꓖꓶꓽ ꓜˍ ꓟ ꓚꓱꓹ ꓕꓲꓽ ꓟ ꓬꓰ ꓗꓷꓳ= ꓬꓲꓸˍ ꓐꓰ ꓞꓳ ꓡꓱ ꓤ ꓕꓲꓽ ꓐꓱ ꓠꓬ ꓕꓱ ꓡꓱ ꓬꓰˍ ꓟ ꓘꓳ ꓧꓳꓽ ꓣꓱꓽ ꓔꓬˍ ꓟ ꓥ ꓡꓳ= ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓞꓳ ꓤ 800 ꓣꓳ ꓛꓲ ꓙꓳˍ ꓡꓳ ꓐꓰ ꓢꓷꓸ ꓪ ꓡꓳ=

3 ꓴꓗꓮꓣꓲꓠꓰ ꓗꓴꓷꓼ ꓗꓪ ꓔꓲꓺ ꓒ ꓕꓲꓽ ꓣꓳ ꓠꓬ ꓞꓳ ꓤ 35 ꓣꓳ ꓔꓯ ꓬꓲꓸ ꓦꓲꓻ ꓗꓪ ꓚꓵꓺ ꓔ ꓖꓶꓽˍ ꓟ

 ꓴꓗꓮꓣꓠꓰ ꓗꓴꓷꓼ ꓔꓲꓺ ꓒ ꓦꓬꓮꓚꓧꓰꓢꓡꓮꓦ ꓠꓬ ꓬꓲꓸ ꓦꓲꓻ ꓗꓪ ꓔꓷꓹ ꓑꓬꓺ ꓡˍ ꓟ ꓑ ꓫꓬ ꓡ ꓞꓳ 37 ꓣꓳꓽ ꓔꓯ ꓬꓲꓸ ꓦꓲꓻ ꓗꓪ ꓚꓵꓺ ꓔ ꓖꓶꓽ ꓡꓳ= ꓣ-ꓫꓯꓸ ꓡꓰ ꓙꓱ ꓦꓲꓻ ꓗꓪ ꓐꓰ ꓐꓳꓽ ꓡꓳꓻ ꓛꓰ ꓟ ꓑꓶꓸ ꓓꓴ ꓑ ꓫꓬꓹ ꓐꓴ ꓮ ꓟꓬꓽ ꓘꓰ ꓑꓬ ꓙꓰ ꓖꓴ-ꓑ= ꓬꓲꓸ ꓦꓲ ꓗꓪ ꓔꓷꓹ ꓓꓴ ꓡ ꓢꓴ ꓠꓬ ꓤ ꓠꓱ ꓤ ꓐꓴ ꓐꓰ ꓬꓲꓸ ꓟꓹ ꓟ ꓣꓱꓽ ꓢꓴ ꓐꓴ ꓥꓳ= ꓪ ꓘꓴ ꓦꓲꓻ ꓠꓬ ꓑ ꓫꓬꓹ ꓐꓴ ꓔꓯ ꓠꓲꓹ ꓡꓱˍ ꓟ ꓖꓶꓽ ꓟꓶ ꓘꓴˍ ꓟ ꓑꓶꓸ ꓓꓴ ꓗ ꓛꓲˍ ꓡꓳ ꓐꓰ ꓬꓲꓸ ꓡꓰ ꓐꓯˍ ꓡꓳ= ꓬꓲꓸ ꓡꓰ ꓥꓪ ꓢꓯꓼ ꓟꓬꓺ ꓙꓳˍ ꓕꓯ ꓑꓳꓸ꓾ ꓥꓪ ꓬꓰ ꓐꓹ ꓡ ꓕꓯ ꓑꓳꓸ ꓬꓰ ꓙꓰ ꓥꓳ ꓐꓰ ꓬꓲꓸ ꓡꓰ ꓐꓯ ꓟ ꓔꓯˍ ꓟꓲ ꓢꓷꓸ ꓪ ꓡꓳ=

 
 
 
 
 

 

 

Add new comment

5 + 7 =