ꓔꓲꓸꓸ ꓒ ꓪ ꓔꓲ Francis ꓡꓰ ꓗ‐ꓔꓳ‐ꓡꓲꓗ ꓢꓲ ꓤ ꓐꓴ ꓔꓯ ꓠꓬꓲ ꓤ ꓠꓬꓲ ꓟ ꓡꓰ ꓐꓰ ꓔꓬ ꓠꓹ ꓟ ꓐꓯ ꓩꓴ ꓡ ꓟ ꓓꓳꓽ

ꓔꓲꓸꓸ ꓒ ꓪ ꓔꓲ Francis ꓡꓰ ꓗ‐ꓔꓳ‐ꓡꓲꓗ ꓢꓲ ꓤ ꓐꓴ ꓔꓯ ꓠꓬꓲ ꓤ ꓠꓬꓲ ꓟ ꓡꓰ ꓐꓰ ꓔꓬ ꓠꓹ ꓟ ꓐꓯ ꓩꓴ ꓡ ꓟ ꓓꓳꓽ

ꓔꓲꓸꓸ ꓒ ꓪ ꓔꓲ Francis ꓠꓬ ltaly ꓗꓴꓷꓼ Milan Archdiocese ꓣho ꓡꓳ ꓒꓱ ꓗꓪ ꓟ ꓘꓴ ꓜꓲꓼ ꓞꓳ ꓐꓴ ꓔꓯ ꓠꓬꓲ ꓤ ꓠꓬꓲ ꓟ ꓡꓰ ꓐꓰ ꓕꓲ ꓠꓲꓹ ꓕꓲ ꓪ ꓔꓬ ꓢꓲ ꓙ ꓖꓴ ꓫꓱꓽ ꓙꓰ ꓠꓹ ꓟ ꓣꓱꓽ ꓬꓯꓼ ꓡꓳ ꓐꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ= ꓕꓱ ꓡꓱ ꓠꓬꓲ ꓤ ꓠꓬꓲ ꓟ ꓡꓰ ꓐꓰ ꓪ ꓡꓯ ꓘꓳ ꓢꓲ꓾ ꓙ ꓫꓱꓽ ꓟ ꓠꓬ ꓞꓳ ꓤ ꓐꓱ ꓶ ꓗꓹ ꓛꓲ ꓓꓴ ꓔꓯ ꓖꓶ ꓐ ꓡ ꓡꓳ ꓐꓰ ꓐꓯ ꓡꓳ=

 ꓔꓲꓸꓸ ꓒ ꓪ ꓔꓲ Francis ꓠꓬ ltaly ꓶꓽ ꓓꓳ ꓫꓱꓽ ꓓꓳ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓟꓽ ꓪ ꓟ ꓬꓲ ꓫꓵ ꓬꓲ ꓙꓰ ꓗꓸ ꓠꓯꓸ ꓢꓲ ꓗꓪ ꓐꓰ ꓡꓯꓹ ꓫꓴꓸꓸ ꓐꓴ ꓕꓱ ꓡꓱ ꓫꓵ ꓔꓯ ꓕꓲ ꓠꓲꓹ ꓕꓲ ꓪ ꓫꓬꓹ ꓑꓱꓺ ꓖꓶ ꓠꓹ ꓟ ꓐꓰ ꓘꓴ ꓜꓲꓼ ꓞꓳ ꓗꓪ ꓟ ꓪ ꓠꓬꓲ ꓡꓳꓹ ꓬꓰ ꓟ ꓬꓲ ꓚꓱꓹ ꓥ ꓡꓳ ꓐꓰ ꓟꓸ ꓟꓲꓽ ꓚꓺ ꓟꓸ ꓖꓶ ꓢꓲ ꓢꓷꓸ ꓙ ꓟꓳ ꓙ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓘꓴ ꓜꓲꓼ ꓞꓳ ꓐꓯ ꓟ ꓠꓬ ꓬꓣꓳꓸ ꓚꓵ_ ꓟ ꓠꓵ ꓠꓲꓹ ꓔꓯ ꓘꓳꓹ ꓣꓴ ꓟꓶ ꓟ ꓥ ꓢꓲ꓾ ꓣꓳ ꓠꓯꓼ ꓗꓪ ꓓꓵꓽ ꓙ ꓪꓴ ꓧꓶ ꓓꓴ ꓮ ꓙꓵ ꓔꓯ ꓡꓳ ꓗꓷ ꓐ ꓡ ꓟ ꓥ ꓡꓳ ꓐꓰ ꓐꓯ ꓡꓳ= ꓔꓲꓸꓸ ꓒ ꓪ ꓔꓲ Francis ꓠꓬ ꓢꓴ ꓫꓱꓹ ꓙ ꓟ ꓟ ꓙꓲ ꓟꓽ ꓜꓳ  ꓟ  ꓫꓸ ꓪ ꓔꓯ ꓟꓽ ꓕꓱ ꓪ ꓡꓰ ꓠꓹ ꓟ ꓙ ꓟꓳ ꓡꓯ ꓐꓰ ꓘꓴ ꓜꓲꓼ ꓞꓳ ꓗꓪ ꓟ ꓠꓬꓲ ꓤ ꓠꓬꓲ ꓐꓴ ꓔꓯ ꓢꓯꓼ ꓖꓶ ꓗꓷ ꓟ ꓥ ꓡꓳ ꓐꓰ Vatica ꓓꓳꓽ ꓗꓪ ꓐꓯ ꓔ ꓡꓳ=