ꓔꓲꓺ ꓒ ꓪ ꓔꓲ Francis ꓡꓰ Franciscan ꓜꓴꓻ ꓕꓲ ꓟ ꓡꓱꓸꓼ ꓗꓪ ꓟ ꓧꓳꓽ ꓣꓱꓽ ꓢꓴ ꓬꓲ ꓫꓵꓼ ꓔꓯ ꓒꓵꓽ ꓗ ꓬꓰ ꓖꓶˍ ꓟ

ꓔꓲꓺ ꓒ ꓪ ꓔꓲ Francis ꓡꓰ Franciscan ꓜꓴꓻ ꓕꓲ ꓟ ꓡꓱꓸꓼ ꓗꓪ ꓟ ꓧꓳꓽ ꓣꓱꓽ ꓢꓴ ꓬꓲ ꓫꓵꓼ ꓔꓯ ꓒꓵꓽ ꓗ ꓬꓰ ꓖꓶˍ ꓟ

Franciscan ꓜꓴꓻ ꓕꓲ ꓟ ꓡꓱꓸꓼ ꓔꓯ ꓙꓵꓽ ꓢꓴ ꓐꓯ ꓢꓲ ꓢꓲꓺ ꓗꓷ ꓟ ꓟꓶ ꓡꓰ ꓢꓴ ꓠꓬ Br. Massimo Fusarelli ꓥ ꓡꓳ= ꓕꓱ ꓡꓰ ꓢꓲꓺ ꓗꓷ ꓟꓶˍ ꓟ ꓔꓯ ꓣꓳ-ꓟ ꓗꓪ ꓬꓰˍ ꓟ ꓖꓪꓺ ꓙꓱꓻ ꓜꓲꓼ ꓓꓴ ꓓꓽ ꓟ ꓬꓰ ꓡꓳꓹ ꓬꓰ ꓗꓷ ꓟ ꓫꓵꓽ ꓦ (13) ꓠꓬꓲ ꓕꓯ ꓐꓯ ꓑꓶ ꓗꓷꓳ=

ꓜꓴꓻ ꓔꓯ ꓙꓵꓽ ꓢꓴ ꓫꓵꓼ ꓡꓰ ꓫ ꓕꓱˍ ꓟ ꓗꓪ “ ꓶꓼ ꓓꓳ ꓫꓱꓹ ꓓꓳ ꓕꓯꓽ ꓢꓲ ꓫꓬꓹ ꓔꓶ ꓔ ꓟ ꓣꓳ ꓐꓴ ꓟꓬꓱꓽ ꓔꓯ ꓕꓲ ꓠꓲꓹ ꓕꓲ ꓪ ꓬꓰ ꓢꓲ ꓞꓳ ꓤ ꓐꓴ ꓔꓯ ꓒꓶ ꓟꓸ ꓖꓶ ꓐ ꓡ ꓠꓹ ꓟ꓾ ꓟꓬꓽ ꓠꓬꓲ ꓠꓬ ꓟꓽ ꓙꓳ ꓞꓳ ꓫꓸ ꓐꓴ ꓔꓯ ꓬꓰ ꓙ ꓐ ꓡ ꓠꓹ ꓟ ꓠꓲꓹ ꓫꓵˍ ꓡꓳ= ꓢꓲꓺ ꓡꓲꓺ ꓟ ꓐꓰ ꓙꓲꓻ ꓔꓱꓹ ꓟ ꓠꓬ ꓞꓳ ꓤ ꓮ ꓙꓵꓽ꓾ ꓬꓲꓼ ꓤ ꓠꓬꓲ ꓤ ꓐꓴ꓾ ꓜꓴꓻ ꓗꓪ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓐꓰ ꓕꓲ ꓪꓽ ꓙꓳ ꓔꓬ ꓝꓲ= ꓔꓲꓺ ꓒ ꓪ ꓔꓲ ꓬꓲ ꓖꓶ ꓡˍ ꓟ ꓶꓼ ꓤ ꓫꓱꓹ ꓤ ꓠꓬ ꓠꓴ ꓪ ꓐꓴ ꓐꓰ ꓕꓲ ꓪꓽ ꓙꓳ ꓔꓬ ꓝꓲ” ꓐꓰ ꓐꓯ ꓔ ꓡꓳ=

Vatican ꓣꓳꓸ ꓗꓪ ꓟ ꓓꓳꓽ ꓦ ꓖꓶˍ ꓟ ꓜꓴꓻ ꓗꓪ ꓐꓰ ꓥˍ ꓟꓲ ꓔꓲꓺ ꓒ ꓪ ꓔꓲ ꓠꓬ Franciscan ꓜꓴꓻ ꓕꓲ ꓟ ꓡꓱꓸꓼ ꓗꓪ (121) ꓣꓳ ꓗꓪ ꓛꓲꓺ ꓙꓳ ꓡˍ ꓟ꓾ ꓙꓲꓻ ꓫꓬ ꓢꓴ Francis Assisi ꓔꓯ ꓝ ꓢꓲ ꓟꓬꓱꓽ ꓬꓰˍ ꓟ ꓗꓪ ꓙꓵꓽ ꓢꓴ ꓧꓳꓽ ꓣꓱꓽ ꓢꓴ ꓬꓲ ꓫꓵꓼ ꓥ ꓟ Br. Massimo Fusarelli ꓔꓯ ꓒꓵꓽ ꓗ ꓬꓰ ꓩꓴ ꓡˍ ꓟ ꓔꓯ ꓟꓸ ꓖꓶ ꓔ ꓡꓳ=

ꓔꓲꓺ ꓒ ꓪ ꓔꓲ ꓡꓰ ꓧꓳꓽ ꓣꓱꓽ ꓢꓴ ꓙꓵꓽ ꓢꓴ ꓬꓲ ꓫꓵꓽ ꓒꓬꓱꓼ ꓡ ꓗꓷ ꓟ Br. Massimo Fusarelli ꓔꓯ ꓶꓼ ꓥꓳꓽ ꓙꓱꓽ ꓖꓶ ꓗꓷ ꓢꓲ ꓪꓽ ꓘꓴ ꓙ ꓖꓶˍ ꓟ ꓐꓰ ꓪꓴ-ꓢ ꓠꓬ ꓮ ꓟꓶ ꓬꓰˍ ꓟ ꓟꓬꓱꓽ ꓫꓵꓼ ꓐꓰ ꓟꓬꓱꓽ ꓕꓱ ꓟ ꓔꓯ ꓟꓬꓽ ꓠꓬꓲ ꓬꓰ ꓐ ꓡ ꓠꓹ ꓟ ꓙ ꓖꓴ ꓧꓳꓽ ꓟꓳꓸ ꓖꓶ ꓠꓹ ꓟ ꓐꓱ ꓶ ꓪꓽ ꓘꓴ ꓙ ꓖꓶ ꓔ ꓡꓳ=

https://bit.ly/3imvGOr