ꓖ-ꓟꓶ-ꓓꓲ ꓡꓳ ꓒꓱ ꓟ-ꓛ-ꓐꓳ ꓟꓵꓽ ꓠ-ꓐꓳ-ꓬꓯ ꓐꓰ ꓜꓳ-ꓖ ꓘꓹ ꓠꓬꓲꓽ ꓗꓴꓸ ꓚꓸꓼ ꓗꓪ ꓟ ꓠꓯ-ꓗ-ꓗꓮꓴꓸ ꓡꓳ ꓗꓸ ꓓ ꓖꓴꓽ ꓐꓬ ꓡꓰ ꓟ ꓓꓳꓽ

Friday, August 25, 2023

ꓟ-ꓛ-ꓐꓳ ꓟꓵꓽ ꓗꓪ ꓟ ꓞꓳ ꓘꓹ ꓮ ꓙꓵꓽ ꓠꓬ ꓡꓳꓹ ꓬꓰ ꓟ 2-3 ꓘꓳꓼ ꓗꓪ ꓓ ꓖꓴꓽ ꓔꓯ ꓫꓬꓹ ꓔ ꓟ ꓥ ꓡꓳ= ꓖꓳ ꓡꓱ ꓥ ꓟꓲ ꓠꓯ-ꓗ-ꓗꓮꓴꓸ ꓡꓳ ꓗ ꓠꓬ ꓕꓲ ꓘꓳꓼ ꓡꓰ ꓕꓲ ꓘꓳꓼ ꓬꓲꓻ ꓙꓬ ꓚꓱꓹ ꓟꓽ ꓪꓽˍ ꓟ ꓑꓶꓸ ꓓꓴ ꓟꓶ ꓫꓵ ꓫꓵ ꓤꓰꓻ ꓠꓹ ꓟ ꓐꓱ ꓶ ꓫꓬꓹ ꓠꓹ ꓟ ꓫꓸ ꓔꓬ ꓡꓳ ꓐꓰ ꓐꓯ ꓔ ꓡꓳ=

ꓙꓵꓽ ꓪ ꓙꓳ ꓢꓴ ꓐꓴ ꓥ ꓟꓲ ꓓ ꓖꓴꓽ ꓔꓯ ꓫꓬ ꓖꓶ ꓠꓹ ꓟ ꓐꓱ ꓶ ꓮ ꓟꓬꓹ ꓧꓪꓹ ꓙꓽ ꓖꓶˍ ꓟ ꓔꓯ ꓟꓲ ꓡꓳꓸ ꓟꓳˍ ꓡꓳ= ꓖꓳ ꓡꓱ ꓐꓯ ꓥ ꓟꓲ ꓚꓵ ꓚꓵ ꓠꓬ ꓟꓽ ꓫꓬꓹ ꓖꓶ ꓓꓳ ꓡˍ ꓟ ꓪꓴꓸ ꓠꓬꓲ ꓙꓳꓽ ꓟ ꓐꓴ ꓐꓰ ꓠꓻ ꓢꓴ ꓒꓬꓽ ꓢꓴ ꓐꓴ ꓙꓳ ꓡ ꓠꓬꓲ ꓮ ꓘꓶꓸ ꓫꓸ ꓔ ꓟ ꓪꓴꓸ ꓠꓬꓲ ꓓ ꓖꓴꓽ ꓕꓱ ꓟ ꓔꓯ ꓧꓶꓸ ꓕꓯ ꓫꓬꓹ ꓖꓶ ꓡ ꓠꓹ ꓟ ꓟꓲ ꓐꓯ ꓔ ꓡꓳ=ꓝꓯꓲ ꓘꓴ-ꓟꓴ-ꓡꓴ ꓐꓰ ꓥꓪ-ꓤ ꓘꓹ ꓗꓪ ꓟ ꓓ ꓖꓴꓽ ꓥ ꓟꓲ ꓬꓲꓻ ꓙꓬ ꓙꓵꓽ ꓡ ꓟ ꓪꓴꓸ ꓠꓬꓲ ꓓ ꓖꓴꓽ ꓐꓬ ꓡꓰ ꓟ ꓥ ꓡꓳ= ꓖꓳ ꓟ ꓔꓯ ꓥ ꓟꓲ ꓫꓬꓹ ꓖꓶ ꓡ ꓠꓹ ꓟˍ ꓟꓲ ꓓꓰꓽ ꓔ ꓡꓳ=