Nogmung ꓡꓳ ꓒꓱ ꓗꓪ ꓙꓸꓹ ꓧꓪ ꓞꓶ ꓟ: ꓙꓳ ꓡꓰ ꓟ ꓑꓶ. ꓓꓴ ꓞꓳ ꓤ ꓢꓯꓼ ꓣꓱꓽ ꓢꓲ꓾  ꓦ ꓟꓲ: ꓬꓰ ꓔꓬ ꓟ ꓓꓳ:

Nogmung ꓡꓳ ꓒꓱ ꓗꓪ ꓙꓸꓹ ꓧꓪ ꓞꓶ ꓟ: ꓙꓳ ꓡꓰ ꓟ ꓑꓶ. ꓓꓴ ꓞꓳ ꓤ ꓢꓯꓼ ꓣꓱꓽ ꓢꓲ꓾  ꓦ ꓟꓲ: ꓬꓰ ꓔꓬ ꓟ ꓓꓳ: ꓟ-ꓛꓲ ꓗꓴꓷꓼ ꓫꓵ: Nogmung ꓡꓳ ꓒꓱ ꓗꓪ ꓙꓸꓹ ꓧꓪ ꓞꓶ ꓟ: ꓙꓳ ꓡꓰ ꓟ ꓑꓶ. ꓓꓴ ꓜ: ꓪꓳꓽ ꓡꓳ ꓪꓳꓽ ꓔꓶ. ꓠꓹ ꓟ ꓐꓱ ꓶ ꓞꓳ ꓤ ꓢꓯꓼ ꓪ ꓔꓯ ꓣꓱ: ꓢꓲ꓾ ꓦ ꓟꓲ: ꓬꓰ ꓜ ꓔꓬ ꓡꓳ ꓐꓰ ꓟꓬꓱ: ꓬꓰ ꓜ ꓢꓴ ꓕꓲ ꓣꓳ ꓡꓰ ꓮ ꓟꓰꓹ 2024 ꓘꓳꓼ 5 ꓦ ꓟ 6 ꓠꓬꓲ ꓐꓯ ꓔ ꓡꓳ ꓐꓰ ꓢꓷ. ꓪ ꓡꓳ= 3 ꓦ ꓟ 9 ꓠꓬꓲ ꓗꓪ ꓐꓰ ꓪꓴ: ꓓꓴ ꓢꓲ꓾ ꓟꓶ-ꓚꓲ-ꓠ ꓑꓳ-ꓔ-ꓳ ꓙ ꓖꓴ ꓑꓲ. ꓗꓷ ꓟ ꓑꓶ. ꓓꓴ ꓙꓸꓹ ꓧꓪ ꓞꓶ ꓐꓰ ꓜ: ꓫꓵ: ꓜ ꓙꓰ ꓥ ꓟꓲ ꓬꓲ ꓒꓴ: ꓮ ꓘꓶ. ꓠꓯ: ꓡ ꓟ ꓥ꓾ ꓢꓲ꓾ ꓮ ꓟꓶ ꓠꓬ ꓙꓸꓹ ꓧꓪ ꓜꓯꓼ ꓥ ꓟꓲ ꓟ: ꓙꓳ ꓡꓰ ꓟ ꓥ ꓡꓳ ꓐꓰ ꓢꓷ. ꓪ ꓡꓳ=ꓖꓳ ꓟ ꓑꓶ. ꓓꓴ ꓑꓴ-ꓔ-ꓳ ꓡꓳ ꓒꓱ ꓐꓰ Nogmung ꓡꓳ ꓒꓱ ꓗꓪ ꓔꓬ ꓟ ꓑ ꓫꓬ ꓐꓴ ꓦ ꓟꓲ ꓬꓰ ꓜ ꓙꓵ: ꓛꓲ ꓡ ꓥ ꓟꓲ ꓙꓸꓹ ꓧꓪ ꓞꓶ ꓟ: ꓙꓳ ꓡꓰ ꓟ ꓑꓶ. ꓓꓴ ꓞꓳ ꓤ ꓢꓯꓼ ꓦ ꓔꓯ ꓡꓰ ꓣꓱꓼ ꓢꓲ꓾ ꓦ ꓟꓲ ꓬꓰ ꓔꓬ ꓡꓳ ꓐꓰ ꓢꓷ. ꓪ ꓡꓳ= ꓖꓳ ꓟ ꓡꓰ ꓐꓰ ꓟ: ꓞꓲ ꓸꓹ ꓧꓪ ꓞꓶ ꓟ: ꓙꓳ ꓡꓰ ꓟ ꓑꓶ ꓓꓴ ꓑꓴ-ꓔ-ꓳ ꓡꓳ ꓒꓱ ꓐꓰ Nogmung ꓡꓳ ꓒꓱ ꓗꓪ ꓮ ꓔꓳ. ꓡꓯ ꓖꓶ ꓟ ꓠꓬꓲ ꓠꓬꓲ ꓔꓯ ꓠ ꓡꓲ ꓕꓲ ꓙꓵ: ꓡꓰ ꓮ ꓔꓳ. ꓖꓶ ꓔꓬ ꓡꓳ ꓐꓰ ꓙꓵ: ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ=