ꓞ.. ꓢꓯꓼ ꓮ ꓘꓶ. ꓟꓬ ꓡ ꓟ ꓑꓶ. ꓓꓴ ꓫꓵ., ꓡꓰ ꓢꓴ ꓙꓳ ꓡ ꓟ ꓓꓳꓽ

ꓬꓮꓠꓖꓳꓠ ꓗꓴꓷꓼ ꓫꓴ.. ꓐꓰ ꓠꓯ. ꓐꓯ ꓗꓴꓷꓼ ꓡꓳ ꓒꓱ ꓗꓪ ꓞ.. ꓢꓯꓼ ꓮ ꓘꓶ. ꓟꓬ ꓡ ꓔꓬ ꓟ ꓪꓴ. ꓠꓬꓲ ꓫꓵ., ꓡꓰ ꓢꓴ ꓮ ꓘꓶ. ꓙꓳ ꓡ ꓔꓬ ꓡꓳ ꓐꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ꓿ ꓕꓱ ꓡꓱ ꓞ.. ꓢꓯꓼ ꓑꓶ. ꓓꓴ ꓫꓵ., ꓡꓰ ꓢꓴ ꓐꓴ ꓠꓬ 40 ꓘꓳꓼ ꓐꓰ 50 ꓘꓳꓼ ꓘꓴ ꓗꓪ ꓟ ꓞꓳ ꓟꓳ ꓐꓴ ꓥ ꓢꓲ꓾ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓠꓯ.. ꓞꓲꓼ ꓦꓲ., ꓗꓪ ꓛꓲ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿
ꓡꓳꓹ ꓬꓰ ꓟ 2024 ꓘꓳꓼ 4 ꓦ 7 ꓠꓬꓲ ꓕꓯ ꓥˍ ꓤ ꓑ ꓤ ꓕꓲ ꓣꓳ ꓟꓶꓽ ꓞ ꓐꓸꓹ ꓟ ꓗꓪ ꓧꓳꓸꓹ ꓛꓬꓼ ꓡꓯꓹ ꓫꓵꓽˍ ꓔꓬ ꓕꓯ ꓖꓳ ꓗꓪ ꓫꓵꓸꓹ ꓡꓰ ꓟ ꓥ ꓡꓳ ꓐꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
ꓕꓱ ꓡꓱ ꓟꓶꓽ ꓞ ꓮ ꓘꓶꓸ ꓞꓸꓸ ꓡ ꓟ ꓑꓶꓸ ꓓꓴ 4 ꓦ ꓟ ꓬꓲꓸ ꓪꓴꓽ ꓕꓲ ꓫꓵꓽ ꓠ ꓘꓴꓽ ꓗꓪ ꓫꓵꓸꓹ ꓡꓰ ꓢꓴ ꓐꓰ ꓠꓸꓹ ꓢꓴ ꓮ ꓙꓵꓹ ꓕꓲ ꓦ ꓣꓳ ꓟꓽ ꓞꓲ ꓙꓳ ꓔꓬ ꓡꓳ ꓐꓰ ꓬꓮꓠꓖꓳꓠ ꓗꓴꓷꓼ ꓫꓴꓸꓸ ꓗꓪ ꓟ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
ꓕꓱ ꓡꓱ ꓟꓶꓽ ꓞ ꓮ ꓘꓶꓸ ꓞꓸꓸ ꓡ ꓔꓬ ꓟ ꓪꓴꓸ ꓠꓬꓲ ꓬꓲꓸ ꓑ ꓗꓪ ꓟꓽ ꓙꓰ ꓦꓲꓸꓹ ꓘꓴꓽ ꓗꓪ ꓔꓬ ꓢꓲ꓾ ꓚꓲꓸ ꓛꓬ ꓧꓪꓽ ꓖꓳ ꓓꓱ ꓐꓱ ꓶ ꓞ ꓟꓳ ꓓꓴ ꓬꓰ ꓡꓯ ꓐꓰ ꓠꓯꓸꓸ ꓞꓲꓼ ꓟꓬꓱꓽ ꓣꓱꓽ ꓜꓴ ꓗꓪ ꓟ ꓠꓯꓸꓸ ꓞꓲꓼ ꓟꓸ ꓒ ꓐꓴ ꓡꓰ ꓐꓯ ꓩꓴ ꓡ ꓡꓳ ꓐꓰ ꓢꓷꓸ ꓪ ꓡꓳ=