ꓜ ꓒꓴꓸꓹ ꓒꓵꓽ ꓮ ꓘꓶꓸ ꓠꓯꓸ ꓡ ꓟ ꓑꓶꓸ ꓓꓴ ꓑꓴ-ꓔ-ꓳ ꓡꓳ ꓒꓱ ꓗꓪ ꓟ ꓑ ꓫꓬ ꓐꓴ  ꓫꓸ ꓓꓴ ꓔꓬ ꓟ ꓓꓳꓽ

ꓜ ꓒꓴꓸꓹ ꓒꓵꓽ ꓮ ꓘꓶꓸ ꓠꓯꓸ ꓡ ꓟ ꓡꓰ ꓐꓰ ꓪ ꓠꓹ ꓟ ꓟꓽ ꓢ ꓟ ꓑꓶꓸ ꓓꓴ ꓑꓴ-ꓔ-ꓳ ꓡꓳ ꓒꓱ ꓗꓪ ꓟ ꓕꓲ ꓐꓱ ꓑ ꓫꓬ ꓐꓴ ꓠꓬ ꓜꓽ ꓓꓴ ꓟꓽ ꓙꓳ ꓡꓰ ꓟ ꓑꓶꓸ ꓓꓴ ꓮ ꓘꓶꓸ ꓫꓸ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=ꓙ ꓖꓴ ꓑꓲ ꓟꓶ ꓗꓷ ꓟ ꓗꓪ ꓐꓰ ꓪꓴꓸ ꓓꓴ ꓢꓲ꓾ ꓜ ꓒꓴꓸꓹ ꓒꓵꓸꓸ ꓠꓯꓸꓡ ꓔꓬ ꓟ ꓑꓶꓸ ꓓꓴ ꓮ ꓟꓶ ꓠꓬ ꓟꓬ ꓠꓬꓲ ꓬꓲꓸ ꓒꓴꓸꓹ ꓠꓯꓸꓹ ꓡ ꓔꓬ ꓟ ꓪꓴꓸ ꓠꓬ ꓮ ꓘꓶꓸ ꓫꓸ ꓔꓬ ꓡꓳ ꓐꓰ ꓑ ꓫꓬ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=   
ꓮ ꓟꓶ ꓠꓬ ꓜ ꓒꓴꓸꓹ ꓥˍꓟꓲ ꓟꓽ ꓙꓳ ꓡꓰ ꓟ ꓑꓶꓸ ꓓꓴ ꓪꓴꓸ ꓜꓽ ꓠꓹ ꓟ ꓟꓲ ꓮ ꓘꓶꓸ ꓫꓸ ꓔꓬ ꓡꓳ ꓐꓰ ꓢꓯꓸ ꓪ ꓡꓳ= ꓡꓳ ꓟꓲ ꓒꓴꓽ ꓕꓲ ꓟꓶ ꓕꓯ ꓢꓲ꓾ ꓮ ꓠꓬꓲ ꓠꓳꓸ ꓠꓳ ꓙꓳ ꓗꓶꓸꓹ 6 ꓘꓶꓼ ꓡꓰ ꓪ ꓡꓳ꓾ ꓖꓳ ꓟ ꓑꓶꓸ ꓓꓴ ꓕꓲ ꓦꓲꓸꓹ ꓡ ꓞꓳ ꓟꓬ ꓢꓴ ꓠꓬ ꓜꓽ ꓟ ꓡꓳ ꓕꓱ ꓡꓱ ꓗꓷ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= 
ꓮ ꓟꓶ ꓠꓬ ꓜꓽ ꓓꓴ ꓟꓽ ꓙꓳ ꓫꓸꓔꓬ ꓢꓴ ꓑ ꓫꓬ 1 ꓦ ꓦꓲꓸꓹ ꓟꓽ ꓞꓲ ꓙꓳ ꓡꓰ ꓟ ꓥ ꓢꓲ꓾ ꓚꓵ ꓚꓵ ꓣꓱꓽ ꓯꓬꓼ ꓢꓴ ꓐꓴ ꓔꓯ ꓬꓰ ꓙ ꓢꓴ ꓜꓴ ꓐꓴ ꓡꓰ ꓞꓳ ꓦꓲꓸꓹ 500 ꓦꓲꓸꓹ ꓟꓽ ꓞꓲꓼ ꓔꓯ ꓢ ꓡꓴ ꓐꓰ ꓣꓮꓟ ꓢꓰꓲꓠꓖ ꓐꓴ ꓡꓰ ꓬꓰ ꓙ ꓡ ꓡꓳ ꓐꓰ ꓑꓴ-ꓔ-ꓳ ꓡꓳ ꓒꓱ ꓗꓪ ꓟ ꓑ ꓫꓬ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
ꓟꓶ-ꓚꓲ-ꓠ ꓐꓰ ꓑꓴ-ꓔ-ꓳ ꓡꓳ ꓒꓱ ꓙ ꓖꓴ ꓠꓬ 2024 ꓘꓳꓼ 3 ꓦ ꓟ ꓗꓪ ꓐꓰ ꓪꓴꓸ ꓓꓴ ꓢꓲꓽ ꓙ ꓖꓴ ꓑꓲ ꓗꓷ ꓟ ꓑꓶꓸ ꓓꓴ ꓑꓴ-ꓔ-ꓳ ꓡꓳ ꓒꓱ ꓗꓪ ꓟ ꓑ ꓫꓬ ꓐꓴ ꓜꓽ ꓓꓴ ꓓꓳꓸꓸ ꓓꓴ ꓬꓰ ꓜ ꓬꓰ ꓓꓳꓸꓸ ꓠꓹ ꓟ ꓮ ꓘꓶꓸ ꓫꓸ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=