ꓗꓰꓠꓖ-ꓔꓴꓠꓖ ꓗ-ꓕꓳ-ꓡꓲꓗ ꓢꓽ-ꓢꓶ-ꓠꓽ ꓐꓱ ꓶ ꓔꓲꓸꓸ ꓒ ꓓ ꓢꓲ ꓝꓰꓹ ꓗꓷ ꓟ ꓔꓲꓸꓸ ꓒ ꓓ ꓙꓳꓧꓠ ꓢꓮꓪ ꓬꓳ-ꓦ Yangon St. Mary ꓪ ꓘꓴ ꓦꓲꓸꓹ ꓗꓪ ꓫꓸ ꓟꓳˍ ꓟ ꓟꓲ-ꓢ ꓬꓰˍ ꓟ ꓓꓳꓽ

Tuesday, November 22, 2022

ꓡꓳꓹ ꓬꓰ ꓟ 2022 ꓘꓳꓼ 11 ꓦ ꓟ 19 ꓠꓬꓲ ꓠꓯꓼ ꓠꓯꓼ 10ꓽ00 ꓙꓵꓹ ꓕꓯ Yangon St. Mary ꓪꓽ ꓘꓴ ꓦꓲꓸꓹ ꓗꓪ ꓔꓲꓸꓸ ꓒ ꓓ ꓙꓳꓧꓠ ꓢꓮꓪ-ꓬꓳ-ꓦ ꓗꓪ ꓐꓰ ꓫꓸ ꓟꓳˍ ꓟ ꓟꓲ-ꓢ ꓬꓰ ꓗꓷꓳ ꓐꓰ ꓢꓷꓸ ꓪ ꓡꓳ= ꓔꓲꓸꓸ ꓒ ꓣꓱꓽˍ ꓟ 20 ꓘꓳꓼ꓾ ꓔꓲꓸꓸ ꓒ ꓓ ꓣꓱꓽˍ ꓟ 7 ꓘꓳꓼ꓾ ꓪꓴ-ꓢ ꓟꓬꓱꓽ ꓟꓯˍ ꓟ 27 ꓘꓳꓼ ꓗꓪ ꓛꓲ ꓗꓹ ꓛꓲꓽ ꓛꓲꓽ ꓬꓰ ꓪ ꓡꓰ ꓟ ꓪꓴꓸ ꓠꓬꓲ ꓪꓴ-ꓢ ꓔꓯ ꓫꓸ ꓟꓳˍ ꓟ ꓟꓲ-ꓢ ꓬꓰˍ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=

ꓔꓲꓸꓸꓒ ꓓ ꓙꓳꓧꓠ ꓢꓮꓪ-ꓬꓳ-ꓦ ꓡꓰ ꓐꓯ ꓟ ꓠꓬ ꓦꓵꓻ ꓖꓶ ꓡ ꓢꓴ ꓮ ꓐ ꓐꓰ ꓮ ꓟ ꓔꓯ ꓮ ꓘꓶꓸ ꓫꓸ ꓟꓳ꓾ ꓟꓽ ꓞꓲꓺ ꓪꓽ ꓘꓴ ꓙ ꓡ ꓢꓴ ꓘꓴ-ꓜꓲ-ꓞꓳ ꓮ ꓙꓵꓽ ꓔꓯ ꓥ ꓟꓲ ꓮ ꓘꓶꓸ ꓫꓸ ꓟꓳ ꓐꓰ ꓐꓯ ꓡꓳ= ꓔꓲꓸꓸ ꓒ ꓓ ꓙꓳꓧꓠ ꓢꓮꓪ-ꓬꓳ-ꓦ ꓠꓬ ꓮ ꓜꓴꓸ ꓬꓼ ꓟꓬꓱꓽ ꓬꓰ ꓢꓴ ꓦꓲꓸꓹ ꓗꓪ ꓐꓰ ꓪꓴꓽ ꓡ ꓟ ꓥ ꓢꓲ꓾ 1 ꓔ ꓐꓰ 10 ꓔ ꓗꓪ ꓛꓲ ꓢꓷꓸ ꓠꓲꓹ ꓢꓳ ꓦꓲꓸꓹ 9 ꓦꓲꓸꓹ ꓗꓪ ꓚꓵꓸ ꓢꓲ ꓕꓳ ꓶ ꓢꓳ ꓗꓷ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=

ꓔꓲꓸꓸꓒ ꓓ ꓙꓳꓧꓠ ꓢꓮꓪ-ꓬꓳ-ꓦ ꓠꓬ 2022 ꓘꓳꓼ 11 ꓦ ꓟ 24 ꓠꓬꓲ ꓕꓯ ꓗꓰꓠꓖ-ꓔꓴꓠꓖ ꓗꓰ ꓙꓰ ꓠꓹ ꓟ ꓥ ꓢꓲ꓾ 2022 ꓘꓳꓼ 12 ꓦ ꓟ 14 ꓠꓬꓲ ꓕꓯ ꓠꓬ ꓗꓰꓠꓖ-ꓔꓴꓠꓖ ꓗ-ꓕꓳ-ꓡꓲꓗ ꓢꓽ-ꓢꓶ-ꓠꓽ ꓐꓱ ꓶ ꓔꓲꓸꓸ ꓒ ꓓ ꓙꓵꓽ ꓪ ꓖꓶ ꓑꓮꓲ ꓬꓰ ꓓꓴ ꓥꓳ ꓐꓰ ꓢꓷꓸ ꓪ ꓡꓳ=