ꓜꓽ ꓓꓴ ꓓꓳꓼ ꓖꓳˍ ꓟ ꓑꓶꓸ ꓓꓴ ꓡ-ꓑꓴ-ꓔ ꓗꓪ ꓡ ꓞꓳ 45 ꓣꓳ ꓠꓬ ꓠꓻ ꓫꓬ ꓔꓬ ꓪˍ ꓟ ꓓꓳꓽ

Wednesday, May 22, 2024

ꓰ-ꓬ-ꓪ-ꓓꓲ ꓟꓵꓽ ꓫꓴ꓾ ꓡ-ꓑꓴ-ꓔ ꓡꓳ ꓒꓱ ꓗꓪ ꓟꓳꓼ ꓡꓳ ꓜꓻ ꓑꓳ ꓜꓽˍ ꓟ ꓗꓪ ꓐꓰ ꓜꓽ ꓓꓴ ꓓꓳꓼ ꓖꓳ ꓗꓷ ꓢꓲ ꓡ ꓞꓳ 45 ꓣꓳ ꓠꓬ ꓜꓽ ꓓꓴ ꓓꓳꓼ ꓖꓳˍ ꓟ ꓑꓶꓸ ꓓꓴ ꓠꓯꓻ ꓞꓲꓼ ꓦꓲ ꓗꓪ ꓠꓻ ꓫꓬ ꓔꓬ ꓪ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓡ-ꓑꓴ-ꓔ ꓡꓳ ꓒꓱ ꓗꓪ ꓙꓳˍ ꓟ ꓦꓲꓻ ꓫꓬꓹ ꓟꓬꓱꓽ ꓬꓰ ꓖꓴ ꓕꓲ ꓟ ꓗꓪ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓔꓯ ꓐꓱ ꓖꓶꓽˍ ꓟ ꓜꓻ ꓜꓴꓽ ꓔꓯ ꓜꓻ ꓗꓷ ꓕꓯ꓾ ꓟꓬꓱꓽ ꓬꓰ ꓢꓴ ꓐꓴ ꓐꓰ ꓕꓲ ꓪꓽ ꓬꓲ ꓪ ꓕꓲ ꓦꓲ ꓢꓴ ꓐꓴ ꓠꓬ ꓜꓽ ꓓꓴ ꓓꓳꓼ ꓖꓳ ꓗꓷ ꓟ ꓫꓵꓽ ꓪꓴꓻ ꓠꓬ 2024 ꓘꓳꓼ 5 ꓦ 20 ꓕꓯ ꓒꓬꓱꓼ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓟꓬꓱꓽ ꓬꓰ ꓢꓴ ꓐꓴ ꓠꓬ ꓜꓻ ꓕꓴꓽ ꓖꓳ ꓟ ꓔꓯ ꓟꓬꓱꓽ ꓬꓰ ꓖꓴ ꓗꓪ ꓟꓽ ꓜꓽ ꓜꓽ ꓦꓲꓻ ꓗꓪ ꓔꓯꓹ ꓙꓰ ꓢꓲ ꓬꓲ ꓪ ꓕꓲ ꓦꓲꓻ ꓢꓴ ꓐꓴ ꓐꓰ ꓜꓽ ꓗꓷ ꓠꓬ ꓤ ꓠꓱ ꓤ ꓐꓰ ꓬꓲ ꓪ ꓕꓲ ꓦꓲ ꓢꓴ ꓐꓴ ꓜꓽ ꓓꓴ ꓓꓳꓼ ꓖꓳ ꓗꓷ ꓠꓬꓲ ꓠꓯꓻ ꓞꓲꓼ ꓦꓲꓻ ꓗꓪ ꓠꓻ ꓫꓬꓹ ꓪ ꓡꓰꓳ= ꓝꓮꓲ ꓜꓻ ꓖꓳ ꓟ ꓔꓯ ꓠꓬ ꓬ-ꓖꓳꓠ ꓗꓪ ꓚꓬꓹ ꓠꓬꓲ ꓠꓹ ꓟ ꓐꓱ ꓶ ꓖꓶ ꓩꓴ ꓔ ꓡꓳ ꓐꓰ꓾ ꓬꓰ ꓙ ꓢꓴ ꓜꓴꓻ ꓗꓪ ꓧꓳꓽ ꓣꓱꓽ ꓢꓴ ꓕꓲ ꓣꓳ ꓡꓰ ꓐꓯ ꓡꓳ=

ꓗꓳꓸ ꓗꓷ ꓟ 2023 ꓘꓳꓼ (7) ꓦ ꓕꓯ ꓥ ꓟꓲ ꓑꓯ-ꓖꓴꓹ ꓡꓳ ꓒꓱ꓾ ꓮ-ꓢꓰꓲꓗ-ꓔꓮꓴ ꓞꓳ ꓘꓹ ꓜꓴꓻ꓾ ꓔꓲꓸ-ꓠꓲ ꓘꓹ ꓗꓪ ꓙꓳˍ ꓟ꓾ ꓟꓲꓸ-ꓔ-ꓗꓯꓹ-ꓡꓯꓸ ꓑ-ꓣ-ꓦꓲꓸ-ꓔ ꓤ ꓛꓵꓽ ꓤ ꓐꓴ ꓔꓯ ꓦꓵꓻ ꓗꓪꓼ ꓫꓵꓼ ꓔꓬ ꓟ ꓙꓳꓽ ꓗꓪ꓾ ꓢꓴ ꓡꓰ ꓖꓶ ꓡˍ ꓟ ꓜꓽ ꓓꓴ ꓜꓽ ꓗꓷ ꓗ ꓠꓯꓸ ꓤ ꓠꓱ ꓤ ꓐꓰ ꓖꓳ ꓗꓪ ꓟꓬꓱꓽ ꓬꓰ ꓢꓴ ꓮ ꓙꓵꓽ 126 ꓣꓳ ꓠꓬ ꓜꓽ ꓓꓴ ꓓꓳꓼ ꓖꓳˍ ꓟ ꓫꓵꓽ ꓪꓴ ꓕꓲ ꓟ ꓒꓬꓱꓼ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

Credit to Voice of Myanmar