ꓢꓲ-ꓖ-ꓑꓴ ꓟꓲꓽ ꓦꓲꓻ ꓚꓱꓹ ꓐꓬꓱꓽ ꓦꓲꓻ ꓷꓹ ꓗꓷ ꓟ (ꓟꓽ ꓜꓳꓽ ꓗꓷ ꓡꓰ ꓟ) ꓑꓶꓸ ꓓꓴ ꓕꓲ ꓣꓳ ꓫꓵꓻ ꓢꓲ 30 ꓣꓳ ꓠꓻ ꓓꓴ ꓓꓴ ꓡꓰꓳ

2024 ꓘꓳꓼ 5 ꓦ 21ꓕꓯ꓾ ꓟꓲꓽ ꓦꓲ ꓘꓴꓽ ꓗꓪ ꓐꓬꓱꓽ ꓦꓲꓻ ꓠꓬ ꓞꓼ ꓞꓼ ꓐꓰ ꓕꓲ ꓫꓬꓸ ꓷꓹ ꓗꓷ ꓟ ꓑꓶꓸ ꓓꓴ ꓢꓲ-ꓖ-ꓑꓴ ꓟꓲꓽ ꓦꓲ ꓚꓱꓹ ꓗꓪ ꓟ ꓐꓬꓱꓽ ꓦꓲꓻ ꓗꓪ ꓜꓶꓽ ꓔ ꓢꓴ ꓕꓲ ꓣꓳ ꓫꓵꓻ ꓗꓷ ꓢꓲ 30 ꓣꓳ ꓛꓲ ꓠꓻ ꓓꓴ ꓓꓴ ꓡꓰꓳ=

ꓐꓬꓱ ꓦꓲꓻ ꓠꓬ ꓡꓳꓠ-ꓓꓳꓠ ꓗꓪ ꓐꓰ ꓢꓲ-ꓖ-ꓑꓴ ꓗꓪ ꓐꓬꓱ ꓙꓰ ꓟ ꓥ ꓢꓲ꓾ ꓮ-ꓓ-ꓟꓯ ꓬꓲꓻ ꓡꓴꓽ ꓐꓱ ꓔꓯ ꓗꓳꓸ ꓙꓰˍ ꓟ ꓗꓪ ꓮ ꓟꓶ ꓟ ꓡꓰ ꓔꓳꓹ ꓜꓳꓽ ꓡ ꓟ ꓑꓶꓸ ꓓꓴ꓾ ꓐꓯ-ꓗꓳꓗ ꓗꓪ ꓬꓯꓼ ꓗꓷ ꓪ ꓡꓰꓳ= ꓫꓵꓻ ꓢꓴ ꓠꓬ ꓬꓲ ꓞꓲꓼ 73 ꓘꓳꓼ ꓙꓳˍ ꓟ ꓐꓲ-ꓔꓲ-ꓫꓸ ꓡ ꓞꓳ ꓕꓲ ꓣꓳ ꓥ ꓢꓲ꓾ ꓠꓲꓹ ꓟ ꓠꓻ ꓪꓴꓸ ꓠꓬꓲ ꓫꓵꓻ ꓟ ꓥ ꓡꓳ꓾ ꓐꓰ ꓐꓬꓱꓻ ꓦꓲ ꓠꓽ ꓔꓶꓸ ꓗꓪ ꓟ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ=

ꓮ ꓟꓬꓹ ꓠꓻ ꓡꓰ ꓢꓴ 7 ꓣꓳ ꓙꓳ ꓢꓲ꓾ ꓮ ꓔꓲꓸ ꓤ ꓠꓻ ꓢꓴ 23 ꓣꓳ ꓐꓰ꓾ ꓖꓳ ꓘꓶꓸ ꓟꓽ ꓠꓻ ꓡꓰ ꓢꓴ 25 ꓣꓳ ꓙꓳˍ ꓡꓳ ꓐꓰ ꓢꓷꓸ ꓪ ꓡꓳ=

ꓐꓬꓱꓻ ꓦꓲ ꓠꓬ ꓟꓴꓺ ꓙ ꓟꓲ-ꓔ 11ꓹ300 ꓟꓽ ꓞꓲꓺ ꓗꓪ ꓐꓰ ꓟꓲ-ꓔ 9ꓹ400 ꓗꓪ ꓛꓲ 3 ꓟꓲ-ꓠꓲ ꓗꓪ ꓐꓰ 5 ꓟꓲ-ꓠꓲ ꓘꓴꓽ ꓗꓪ ꓞꓰꓻ ꓡꓰ ꓟ ꓥ ꓡꓳ ꓐꓰ꓾ FlightRadar 24 ꓲ-ꓔ-ꓠꓯꓸ ꓢꓷꓸ ꓝꓲ ꓓꓴ ꓗꓪ ꓖꓴ ꓟꓸ ꓔ ꓡꓳ= ꓐꓬꓱ ꓦꓲ ꓜꓶꓽˍ ꓕꓯ ꓙꓽ ꓧꓷꓹ ꓮ ꓔꓳꓹ ꓡꓬꓸ ꓥˍ ꓟꓲ ꓟꓽ ꓡꓬꓸ ꓥˍ ꓟꓲ ꓮ ꓕꓯ ꓟꓲ ꓙꓽ ꓧꓷꓹ ꓧꓷꓹ ꓠ ꓔ ꓡꓳ ꓐꓰ ꓐꓬꓱ ꓦꓲ ꓔꓯ ꓟꓳꓸ ꓢꓷꓸ ꓢꓴ Anthony Brickhouse ꓡꓰ ꓐꓯ ꓡꓳ꓾ ꓐꓰ ꓢꓷꓸ ꓪ ꓡꓳ=

Credit to VOA