ꓟꓬ-ꓟ ꓦꓲꓻ ꓘꓴꓽ ꓟꓬꓱꓽ ꓬꓰ ꓢꓴ ꓤ ꓟꓶ ꓤ ꓕꓲ ꓣꓳ ꓕꓮꓲꓹ ꓟꓬꓱꓽ ꓢꓲ ꓒ ꓗꓪ ꓐꓰ ꓕꓮꓲꓹ ꓒꓴ ꓐꓮꓗ ꓬꓲ ꓫꓬꓹ ꓛꓲ ꓒꓵꓽˍ ꓟ ꓦꓲꓻ ꓕꓲ ꓢꓶꓽ ꓡꓯꓼ ꓫꓴ ꓪ ꓡꓰ ꓟ ꓓꓳꓽ

20 ꓘꓳꓼ ꓟꓽ ꓞꓲꓺ ꓟꓽ ꓐꓴ ꓐꓴ ꓟꓬꓱꓽ ꓬꓰ ꓖꓶ ꓗꓷ ꓟ ꓟꓬ-ꓟ ꓦꓲꓻ ꓘꓴꓽ ꓟꓬꓱꓽ ꓬꓰ ꓢꓴ ꓤ ꓟꓶ ꓤ ꓕꓲ ꓣꓳ ꓔꓯ ꓕꓮꓲꓹ ꓟꓬꓱꓽ ꓢꓲ ꓒ ꓞꓳ ꓐꓳ ꓗꓪ ꓐꓰ ꓮ ꓟꓶ ꓟꓬ-ꓟ ꓒꓴ 1000 ꓫꓬꓹ ꓐꓰ ꓕꓲ ꓡꓰꓹ ꓥ ꓟ ꓦꓲꓻ ꓕꓲ ꓢꓶꓽ ꓔꓯ ꓡꓯꓼ ꓫꓴ ꓖꓶꓽ ꓠꓹ ꓟ ꓫꓬꓹ ꓖꓶ ꓗꓷꓳ=

ꓒꓯꓠ ꓐꓰ ꓟꓬꓱꓺ ꓔ ꓟ ꓟꓬ-ꓟ ꓦꓲꓻ ꓘꓴꓽ ꓟꓬꓱꓽ ꓬꓰ ꓢꓴ ꓤ ꓟꓶ ꓤ ꓬꓲ ꓠꓲꓹ ꓟ ꓔꓱꓹ ꓢꓲ ꓟꓬꓱꓽ ꓬꓰ ꓢꓯꓼ ꓕꓵꓼˍ ꓟ ꓔꓯ ꓟꓬꓱ ꓓꓳꓽ ꓖꓶ ꓠꓹ ꓟ ꓐꓱ ꓶ ꓦꓲꓻ ꓫꓬꓹ ꓖꓶ ꓗꓷ ꓟ ꓥ ꓡꓳ꓾ ꓐꓰ ꓕꓮꓲꓹ ꓞꓳ ꓐꓳ ꓡꓰ ꓬꓲ ꓢꓳꓚꓲꓮꓡ ꓟꓰꓓꓲꓮ ꓗꓪ ꓥꓪꓽ ꓦ 18 ꓠꓬꓲ ꓕꓯ ꓐꓳ ꓔ ꓡꓳ=ꓦꓲꓻ ꓘꓴꓽ ꓟꓬꓱꓽ ꓬꓰˍ ꓟ ꓟꓬ-ꓟ ꓤ ꓟꓶ ꓤ ꓬꓲ ꓔꓬ ꓖꓴ ꓐꓰ ꓡꓳ-ꓔ 12 ꓕꓷꓹ ꓶꓽˍ ꓟ ꓬꓲ ꓟꓬꓱꓽ ꓢꓲ ꓒ ꓦꓲꓻ ꓗꓪ ꓟꓬꓱꓽ ꓬꓰ ꓙꓵꓹ ꓟꓬ ꓡꓰˍ ꓟ ꓟꓽ ꓙꓳ ꓙꓳ꓾ ꓠꓻ ꓒꓬꓽ ꓡˍ ꓥ ꓟꓲ ꓟꓽ ꓠꓽ ꓠꓽ ꓕꓲ ꓠꓬꓲꓹ ꓡꓰ ꓡ ꓢꓲ꓾ ꓬꓲ ꓬꓰ ꓠ ꓔ ꓟ ꓟꓬꓱꓽ ꓔꓯ ꓠꓲꓹ ꓒꓵꓽ ꓠꓲꓹ ꓡꓱ ꓬꓰˍ ꓡꓳ꓾ ꓐꓰ ꓬꓲ ꓟꓬꓱꓽ ꓢꓲ ꓒ ꓡꓰ ꓐꓯ ꓡꓳ=

ꓕꓮꓲꓹ ꓗꓴꓷꓼ ꓗꓪ ꓐꓱ ꓘꓴꓽ꓾ ꓦꓲꓻ ꓙꓵꓽ ꓗ ꓗꓪ ꓟꓬ-ꓟ ꓟꓬꓱꓽ ꓬꓰ ꓢꓴ ꓐꓴ ꓠꓬ ꓚꓲꓸ ꓛꓬ ꓟꓬꓱ ꓣꓱꓽ ꓢꓲ ꓕꓮꓲꓹ ꓗꓴꓷꓼ ꓗꓪ ꓦꓲꓻ ꓐꓰ ꓐꓱ ꓪꓴꓻ ꓠꓹ ꓟ ꓙꓵꓽ ꓪ ꓟꓽ ꓙꓳ ꓟ ꓑꓶꓸ ꓓꓴ ꓮ ꓟꓶ ꓟ ꓤ ꓟꓶ ꓤ ꓐꓰ ꓬꓲ ꓦꓲꓻ ꓢꓲ ꓒ꓾ ꓬꓲ ꓪ ꓠꓬꓲꓽ ꓫꓵꓸ ꓔꓯ ꓟꓬꓱꓽ ꓢꓲ ꓒ ꓡꓰ ꓬꓲ ꓟꓬꓱ ꓣꓱꓽ ꓢꓲ ꓦꓲꓻ ꓫꓬꓹ ꓖꓶ ꓔ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

Credit to Mizzima