ꓟꓯꓼ ꓢꓰꓼ ꓡꓯ ꓘꓳ ꓔꓬ ꓟ ꓪꓴꓸ ꓠꓬꓲ ꓪꓮꓲ-ꓟꓮꓪ ꓗꓪ ꓟ ꓑ ꓫꓬ ꓐꓴ ꓛꓰꓹ ꓑꓬ ꓔꓬ ꓪˍ ꓟ

ꓟꓯꓼ ꓢꓰꓼ ꓡꓯ ꓘꓳ ꓔꓬ ꓟ ꓪꓴꓸ ꓠꓬꓲ ꓪꓮꓲ-ꓟꓮꓪ ꓗꓪ ꓟ ꓑ ꓫꓬ ꓐꓴ ꓛꓰꓹ ꓑꓬ ꓔꓬ ꓪˍ ꓟ

ꓗ-ꓛꓲ ꓗꓴꓷꓼ ꓫꓴ ꓪꓮꓲ-ꓟꓮꓪ ꓡꓳ ꓒꓱ ꓘꓴꓽ ꓗꓪ ꓠꓬꓲꓽ ꓛꓱꓽ ꓟꓯꓼ ꓢꓰꓼ ꓡꓯ ꓘꓳ ꓔꓬ ꓟ ꓪꓴꓸ ꓠꓬꓲ ꓑ ꓫꓬ 120 ꓣꓳ ꓟꓽ ꓞꓲꓺ ꓟꓯꓼ ꓛꓰꓹ ꓑꓬ ꓔꓬ ꓪˍ ꓟ ꓥ ꓡꓳ꓾ ꓐꓰ ꓡꓳ ꓒꓱ ꓑ ꓫꓬ ꓐꓴ ꓐꓰ ꓬꓲ ꓪ ꓔꓯ ꓬꓰ ꓙ ꓖꓶ ꓔꓬ ꓢꓴ ꓐꓴ ꓡꓰ ꓐꓯ ꓡꓳ=

ꓡꓳ ꓒꓱ ꓐꓶ ꓓꓳ ꓔꓯ ꓟꓳꓸ ꓡꓳ ꓔ 20 ꓕꓷꓹ ꓛꓲꓺ ꓶꓽˍ ꓟ ꓲ-ꓪꓯꓸ-ꓗꓮꓴ ꓞꓳ ꓘꓹ ꓒ ꓕꓲꓺ ꓗꓪ 8 ꓦ 2 ꓠꓬꓲ꓾ ꓠꓯꓼ 8 ꓙꓵꓹ ꓟꓽ ꓞꓲꓺ ꓕꓯ ꓟꓯꓼ ꓢꓰꓼ ꓡꓯ ꓘꓳ ꓔꓴ ꓡˍ ꓟ ꓪꓴꓸ ꓠꓬꓲ ꓲ-ꓪꓯꓸ-ꓗꓮꓳ ꓘꓹ ꓐꓰ ꓒ ꓕꓲꓺ ꓒ ꓠꓶꓽ ꓗꓪ ꓙꓳˍ ꓟ ꓞꓳ ꓘꓹ ꓢꓴ ꓐꓴ ꓠꓬ ꓢꓲꓹ ꓠꓯ ꓗꓪ ꓛꓰꓹ ꓑꓬ ꓔꓬ ꓪˍ ꓟ ꓥ ꓡꓳ꓾ ꓐꓰ ꓲ-ꓪꓯꓸ-ꓗꓮꓴ ꓘꓹ ꓗꓪ ꓟ ꓤ ꓟꓶ ꓤ ꓕꓲ ꓣꓳ ꓡꓰ ꓐꓯˍ ꓟ ꓗꓪ ꓐꓰ ꓢꓷꓸ ꓪ ꓡꓳ=

ꓑ ꓫꓬ ꓐꓴ ꓡꓰ ꓬꓰ ꓙ ꓠꓹ ꓟ ꓓꓰꓽ ꓡˍ ꓟ ꓪꓴꓸ ꓠꓬꓲ 8 ꓦ 3 ꓠꓬꓲ ꓠꓯꓼ ꓕꓯ ꓢ-ꓓꓳꓹ ꓗꓪ ꓟ ꓖꓳ ꓓꓱꓽ ꓔꓲꓹ ꓘꓴ ꓜꓲꓼ ꓞꓳ ꓡꓰ ꓟꓳ-ꓓꓳ 5 ꓢꓶꓽ ꓐꓰ ꓙꓰ ꓢꓲ ꓬꓰ ꓙ ꓗꓷ ꓢꓲ ꓠꓬꓲ꓾ ꓖꓳ ꓓꓱꓽ ꓔꓲꓹ ꓘꓴ ꓜꓲꓼ ꓞꓳ ꓦꓲꓻ ꓗꓪ ꓔꓬ ꓖꓴ ꓖꓶ ꓔ ꓡꓳ꓾ ꓐꓰ ꓢꓷ ꓪ ꓡꓳ=

ꓤ ꓑ ꓤ ꓕꓲ ꓖ꓾ ꓤ ꓟꓶ ꓤ ꓕꓲ ꓖ ꓔꓬ ꓖꓴ ꓖꓶ ꓔ ꓟ ꓥ ꓢꓲ꓾ ꓔꓬꓹ ꓟꓽ ꓢ ꓠꓻ ꓔꓬ ꓢꓴˍ ꓟꓲ ꓙꓳˍ ꓟ ꓪꓴꓸ ꓠꓬꓲ ꓠꓯꓻ ꓞꓲꓼ ꓐꓰ ꓜꓽ ꓓꓴ ꓓꓳ ꓓꓴ ꓣꓱꓽ ꓞꓹ ꓔꓬ ꓡꓳ ꓐꓰ꓾ ꓖꓳ ꓓꓱꓽ ꓔꓲꓹ ꓘꓴ ꓜꓲꓼ ꓞꓳ ꓗꓪ ꓟ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ=