ꓳ-ꓟꓳ-ꓘ-ꓣꓴ ꓗꓪ ꓐꓰ ꓘꓶꓽ ꓓꓳ ꓡˍ ꓟ ꓠꓻ ꓫꓵꓽ ꓠꓬ ꓠꓱꓸ ꓐꓯ ꓚꓳꓦꓲꓓ-19 ꓠꓻ ꓙꓰꓽ ꓢꓶꓸ ꓟꓽ ꓛꓲꓺ ꓞꓲꓼ ꓣꓳ ꓢꓴ ꓠ ꓘꓴꓻ ꓗꓪ ꓐꓰ ꓕꓲ ꓝꓸ ꓟꓬꓽ ꓠꓬꓲ ꓓꓵꓽ ꓡꓰ ꓢˍ ꓟ ꓔꓯ ꓧꓪ ꓟꓳ ꓔ ꓟ

Friday, August 05, 2022

ꓳ-ꓟꓳ-ꓘ-ꓣꓴ ꓗꓪ ꓐꓰ ꓘꓶꓽ ꓓꓳ ꓡˍ ꓟ ꓠꓻ ꓫꓵꓽ ꓠꓬ ꓠꓱꓸ ꓐꓯ ꓚꓳꓦꓲꓓ-19 ꓠꓻ ꓙꓰꓽ ꓢꓶꓸ ꓟꓽ ꓛꓲꓺ ꓞꓲꓼ ꓣꓳ ꓢꓴ ꓠ ꓘꓴꓻ ꓗꓪ ꓐꓰ ꓕꓲ ꓝꓸ ꓟꓬꓽ ꓠꓬꓲ ꓓꓵꓽ ꓡꓰ ꓢˍ ꓟ ꓔꓯ ꓠꓯꓻ ꓞꓲꓼ ꓔꓯ ꓟꓳꓸ ꓢꓷꓸ ꓠꓲꓹ ꓙꓳ ꓢꓴ ꓐꓴ ꓡꓰ ꓧꓪ ꓟꓳ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓧꓶꓸ ꓕꓯ ꓕꓯ ꓠꓬ ꓤ ꓠꓱ ꓤ ꓐꓴ ꓠ ꓘꓴꓻ ꓠꓬ ꓬꓲ ꓞꓲꓼ ꓙꓳ ꓡ ꓢꓴ ꓠ ꓘꓴꓻ ꓢꓶꓸ ꓟꓽ ꓞꓲꓺ ꓚꓳꓦꓲꓓ-19 ꓠꓻ ꓒꓬꓱꓼ ꓡ ꓝꓲˍ ꓟ ꓐꓶꓽ ꓓꓲꓻ ꓓꓵꓽ ꓡˍ ꓟ ꓔꓯ ꓗꓽ ꓕꓸ ꓐ ꓡˍ ꓡꓳ꓾ ꓐꓰ ꓐꓯ ꓔ ꓡꓳ= ꓖꓳ ꓡꓱ ꓥˍ ꓟꓲ ꓟꓽ ꓟꓶ ꓫꓵ ꓟ ꓬꓲ ꓙꓵꓹ ꓕꓯ ꓧꓪꓽ ꓖꓳ ꓓꓱꓽ ꓔꓬꓹ ꓢˍ ꓟ ꓞꓲꓼ ꓪꓴꓽ ꓡ ꓢꓴ 15 ꓣꓳ ꓐꓰ ꓧꓪꓽ ꓓꓳ ꓓꓱꓽ ꓔꓬꓹ ꓢˍ ꓟ ꓤ ꓠꓱ ꓤ 23 ꓣꓳ ꓐꓴ ꓠ ꓘꓴꓻ ꓗꓪ ꓟ ꓚꓰꓡꓡ ꓐꓴ ꓐꓰ ꓠꓻ ꓐꓶꓽ ꓓꓲꓻ ꓔꓯ ꓕꓲ ꓪ ꓗꓷ ꓔ ꓢꓲ ꓚꓹ ꓠꓬꓲˍ ꓕꓯ ꓤ ꓠꓱ ꓤ ꓐꓴ ꓠ ꓘꓴꓻ ꓘꓴꓽ ꓗꓪ ꓐꓶꓽ ꓓꓲꓻ ꓗꓽ ꓢꓯꓼ ꓠꓬ ꓳ-ꓟꓲ-ꓘ-ꓣꓴ ꓗꓪ ꓐꓰ ꓘꓶꓽ ꓓꓳ ꓡˍ ꓟ ꓠꓻ ꓫꓵꓼ ꓔꓯ ꓗꓽ ꓐ ꓡˍ ꓟ ꓢꓯꓼ ꓠꓬ ꓢꓷꓸ ꓢꓷꓸ ꓡꓰ ꓠꓲꓸ ꓡꓰ ꓔꓬ ꓟ ꓔꓯ ꓠꓯꓻ ꓞꓲꓼ ꓢꓷꓸ ꓠꓲꓹ ꓙꓳ ꓢꓴ ꓐꓴ ꓡꓰ ꓑꓡꓳꓢ ꓐꓲꓳꓡꓳꓖꓬ ꓗꓪ ꓟꓳꓸ ꓖꓶ ꓔ ꓟ ꓥ ꓡꓳ=

ꓳ-ꓟꓲ-ꓘ-ꓣꓴ ꓗꓪ ꓐꓰ ꓘꓶꓽ ꓓꓳ ꓡˍ ꓟ ꓠꓻ ꓫꓵꓼ ꓠꓬ ꓓꓰꓡꓔꓮ ꓐꓰ ꓧꓶꓸ ꓕꓯ ꓟ ꓐꓶꓻ ꓓꓲ ꓐꓴ ꓐꓰ ꓔꓯꓺ ꓗꓷ ꓠꓬ ꓤ ꓠꓱ ꓤ ꓐꓴ ꓠ ꓘꓴꓻ ꓘꓴꓽ ꓗꓪ ꓪ ꓜꓲ ꓟꓬꓽ ꓡ ꓑꓶꓽ ꓡˍ ꓟ ꓔꓯˍ ꓟꓲ ꓠꓯ ꓞꓲꓼ ꓔꓯ ꓟꓳꓸ ꓢꓷꓸ ꓠꓲꓹ ꓙꓳ ꓢꓴ ꓐꓴ ꓡꓰ ꓐꓯ ꓔ ꓟ ꓗꓪ ꓐꓰ ꓢꓷꓸ ꓪ ꓡꓳ=