ꓪꓳꓽ ꓔꓳ ꓑꓲꓺ ꓚꓮꓠꓚꓰꓣ ꓒꓬꓱꓼ ꓔꓬ ꓟ ꓡ-ꓳ ꓗꓪ ꓟ ꓔꓲꓺ ꓒ ꓠꓬ ꓔꓲꓺ ꓒ ꓙꓵꓽ ꓪ ꓘꓳꓹ ꓣꓴ ꓗꓷ ꓢꓲ 51 ꓠꓬꓲ ꓕꓯ ꓫꓵꓻ ꓗꓷꓳ

Friday, August 05, 2022

ꓡ-ꓳ ꓗꓪ ꓟ ꓔꓲꓺ ꓒ Khamsan Min Khounthichak ꓠꓬ ꓗꓳꓸ ꓗꓷ ꓟ 6 ꓦ ꓕꓯ ꓑꓧꓲꓡꓲꓑꓑꓲꓠꓰ ꓗꓴꓷꓼ꓾ ꓟ-ꓠꓲ-ꓡ ꓡꓳ ꓒꓱ ꓠꓯꓻ ꓞꓲꓼ ꓦꓲꓻ ꓗꓪ ꓠꓯꓻ ꓞꓲꓼ ꓫꓬ ꓔꓬ ꓟ ꓥ ꓢꓲ꓾ 8 ꓦ 2 ꓠꓬꓲ ꓕꓯ ꓠꓬ ꓫꓵꓻ ꓗꓷꓳ=

ꓬꓲ ꓠꓬ ꓡꓳꓹ ꓬꓰˍ ꓟ ꓬꓲ ꓟꓶꓽ ꓕꓲ ꓟ ꓥ ꓟ ꓚꓮꓠꓚꓰꓣ ꓠꓻ ꓔꓬ ꓟ ꓥ ꓢꓲ ꓠꓬꓲ ꓔꓲꓺ ꓒ ꓙꓵꓽ ꓪ ꓟꓶ ꓠꓹ ꓟ ꓓꓰꓽ ꓗꓷ ꓕꓯ ꓠꓬ ꓬꓲ ꓠꓻ ꓫꓬꓹ ꓔꓬ ꓟ ꓠꓯꓻ ꓞꓲꓼ ꓦꓲ ꓗꓪ ꓡꓰꓽ ꓔꓲꓺ ꓒ ꓙꓵꓽ ꓪ ꓘꓳꓹ ꓣꓴ ꓗꓷ ꓢꓲ ꓠꓬꓲ꓾ ꓬꓲ ꓠꓬꓲ 51 ꓠꓬꓲ ꓢꓯꓸ ꓔꓬ ꓗꓷ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓬꓲ ꓔꓲꓺ ꓒ ꓒꓬꓱꓼ ꓡ ꓠꓹ ꓟ ꓢꓷꓸ ꓠꓲꓹ ꓢꓳ ꓣꓴ ꓖꓴ ꓥ ꓟ ꓑꓧꓲꓡꓲꓑꓑꓲꓠꓰ ꓗꓴꓷꓼ꓾ Quezon꓾ St. Vincent Theology ꓢꓳ ꓦꓲ ꓗꓪ ꓫꓵꓻ ꓟ ꓥ ꓢꓲ 8 ꓦ 3 ꓠꓬꓲ ꓕꓯ ꓬꓲ ꓖꓳ ꓓꓱꓽ ꓔꓯ ꓔꓵꓸ ꓗꓷꓳ꓾ ꓐꓰ ꓢꓷꓸ ꓪ ꓡꓳ=