ꓟꓽ ꓙꓲ ꓢꓴ ꓡꓰ ꓧꓳꓽ ꓙꓰˍ ꓟ ꓔꓲꓺ ꓒ ꓐꓰ ꓔꓲꓺ ꓒ ꓒꓬꓱꓼ ꓙꓳ ꓟ ꓐꓴ ꓡ ꓛꓲ ꓡ ꓟ ꓓꓳꓽ

                  ꓟꓽ ꓙꓲ ꓢꓴ ꓡꓰ ꓧꓳꓽ ꓙꓰˍ ꓟ ꓔꓲꓺ ꓒ ꓐꓰ ꓔꓲꓺ ꓒ ꓒꓬꓱꓼ ꓙꓳ ꓟ ꓐꓴ ꓡ ꓛꓲ ꓡ ꓟ ꓓꓳꓽ

Nigeria ꓗꓴꓷꓼ ꓗꓪ ꓦ ꓡꓱ ꓢꓴ ꓐꓴ ꓐꓱ ꓶ ꓢꓯꓼ ꓟꓬ ꓒꓰꓼ ꓬꓰ ꓡ ꓠꓹ ꓟ ꓐꓱ ꓶ ꓮ ꓘꓶꓸ ꓙ ꓫꓸ ꓠ ꓗꓹ ꓡꓳ ꓐꓰ ꓐꓯ ꓔ ꓡꓳ=ꓦ ꓡꓱ ꓢꓴ ꓐꓴ ꓐꓯ ꓕꓯ ꓙꓲ ꓢꓴ ꓢꓲ ꓤ ꓐꓴ ꓔꓯ ꓡꓰ ꓐꓯ ꓔꓬ ꓟ ꓟꓽ ꓥ=ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓔꓲꓺꓒ ꓐꓴ ꓔꓲꓺ ꓟ ꓐꓴ ꓔꓲꓺ ꓒ ꓒꓬꓱꓼ ꓙꓳ ꓟ ꓐꓴ ꓔꓯ ꓟꓲ ꓐꓯ_ ꓟ ꓥ ꓡꓳ=ꓬꓲ ꓔꓬ ꓟ ꓔꓲꓺꓒ ꓐꓴ ꓔꓲꓺ ꓟ ꓐꓴ ꓔꓲꓺ ꓒ ꓒꓬꓱꓼ ꓙꓳ ꓟ ꓐꓴ ꓔꓯ ꓥ ꓟꓲ ꓟꓽ ꓙꓲ ꓢꓴ ꓐꓴ ꓡꓰ ꓧꓳꓽ ꓙꓰ ꓟ  ꓢꓰꓼ ꓗꓷ ꓟ ꓕꓱ ꓡꓱ ꓫꓵ ꓟꓽ ꓠ ꓠ ꓔꓳꓹ ꓜꓳ ꓪ ꓟ ꓥ ꓡꓳ=

8 ꓦ ꓟ 2 ꓠꓬꓲ ꓕꓯ ꓥ ꓟꓲ Nigeria ꓗꓴꓷꓼ ꓔꓲꓺ ꓒ ꓙꓵꓽ ꓔꓶꓸ ꓕꓲ ꓟ ꓗꓪ ꓐꓰ ꓔꓲꓺ ꓒ ꓕꓲꓽ ꓪ ꓐꓰ ꓔꓲꓺ ꓒ ꓒꓬꓱꓼ ꓙꓳ ꓟ ꓕꓲ ꓣꓳ ꓔꓯ ꓟꓽ ꓙꓲ ꓢꓴ ꓡꓰ ꓧꓳꓽ ꓙꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=ꓖꓳ ꓡꓱ ꓬꓲ ꓪ ꓠꓬꓲ ꓪ ꓔꓯ ꓟꓽ ꓙꓲ ꓢꓴ ꓡꓰ ꓧꓳꓽ ꓙꓰ ꓥ ꓟꓲ ꓠꓬꓲ ꓪ ꓮ ꓙꓵ ꓠꓬ ꓧꓪ ꓧꓪꓹ ꓔꓬ ꓡꓳ ꓐꓰ Afrika sasna ꓓꓳꓽ ꓗꓪ ꓐꓰ ꓐꓯ ꓔ ꓡꓳ=ꓟꓽ ꓙꓲ ꓢꓴ ꓡꓰ ꓧꓳꓽ ꓙꓰ ꓟ ꓠꓬꓲ ꓪ ꓠꓬ꓾ ꓔꓲꓺ ꓒ ꓒꓬꓱꓼ ꓙꓳ ꓟ Melchior Mahinini ꓐꓰ ꓔꓲꓺꓒ Paul Sanogo ꓐꓴ ꓥ ꓡꓳ=

ꓬꓲ ꓪ ꓠꓬꓲ ꓫꓵꓸ ꓔꓯ ꓠꓬ Nigeria ꓗꓴꓷꓼ ꓔꓲꓺ ꓒ ꓙꓵꓽ ꓔꓶꓸ ꓗꓪ sasna ꓟꓬꓱꓽ ꓬꓰ ꓔꓬ ꓕꓯ ꓟꓽ ꓙꓲ ꓢꓴ ꓡꓰ ꓧꓳꓽ ꓙꓰ ꓟ ꓥ ꓡꓳ=ꓖꓳ ꓡꓱ ꓧꓳꓽ ꓙꓰ ꓟ 3 ꓠꓽ ꓡꓳꓼ ꓬꓰ ꓗꓸ ꓠꓯꓸ 8  ꓦ ꓟ 23 ꓠꓬꓲ ꓕꓯ ꓠꓬꓲ ꓪ ꓮ ꓙꓵ ꓡ ꓛꓲ ꓡ ꓟ ꓥ ꓡꓳ ꓐꓰ ꓔꓲꓺ ꓒ ꓙꓵꓽ ꓔꓶꓸ ꓗꓪ ꓐꓰ ꓐꓯ ꓒꓬꓱꓽ ꓔ ꓟ ꓥ ꓡꓳ=ꓕꓱ ꓡꓱ ꓐꓰ ꓡ ꓛꓲ ꓡ ꓟ ꓠꓬ ꓮ ꓙꓵ ꓢꓴ ꓡꓰ ꓪꓽ ꓘꓴ ꓙ ꓟ ꓗꓪ ꓐꓰ ꓥˍ ꓟ ꓪꓴꓸ ꓠꓬꓲ ꓮ ꓙꓵ ꓢꓴ ꓔꓯ ꓫꓸ ꓟꓳ ꓐꓰ ꓐꓯ ꓔ ꓟ ꓥ ꓡꓳ=