ꓢꓮꓲ-ꓗꓯ ꓙꓵꓽ ꓡꓯꓽ ꓘꓳ ꓗꓷ ꓗꓸ ꓠꓯꓸ ꓬꓲꓸ ꓐꓹ ꓐ ꓡꓰ ꓬꓲꓸ ꓤ ꓠꓱ ꓔꓯ ꓡꓳ ꓗꓷ ꓡꓰ ꓟ ꓓꓳꓽ (News)

Tuesday, February 06, 2024

ꓗ-ꓛꓲ ꓗꓷꓴꓼ ꓫꓴꓸꓸ ꓐ-ꓟꓳ ꓡꓳ ꓒꓱ ꓗꓪ ꓡꓳꓹ ꓬꓰ ꓟ 2024 ꓘꓳꓼ 2 ꓦ ꓟ 4 ꓠꓬꓲ ꓕꓯ ꓢꓮꓲ-ꓗꓯ ꓙꓵꓽ ꓡꓯꓽ ꓘꓳ ꓗꓷ ꓗꓸ ꓠꓯꓸ 4 ꓘꓳꓼ ꓛꓲ ꓡꓳꓼ ꓡꓰ ꓟ ꓤ ꓠꓱ ꓤ ꓕꓲ ꓣꓳ ꓔꓯ ꓬꓲꓸ ꓐꓹ ꓐ ꓡꓰ ꓢꓮꓲ-ꓗꓯ ꓙꓵꓽ ꓡꓯꓽ ꓘꓳ ꓔꓶꓸ ꓗꓪ ꓡꓳ ꓗꓷ ꓢꓲ꓾ ꓬꓲꓸ ꓐꓹ ꓐ ꓠꓬ ꓘꓰꓹ ꓙꓰꓳ ꓐꓰ ꓖꓳ ꓗꓪ ꓡꓳꓸ ꓟꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
ꓤ ꓠꓱ ꓤ ꓔꓯ ꓡꓳ ꓗꓷ ꓢꓲ꓾ꓘꓰꓹ ꓙꓰ ꓟ ꓤ ꓑ ꓤ ꓠꓬ ꓕꓱ ꓤ ꓠꓱ ꓬꓲꓸ ꓐꓹ ꓐ ꓚꓵ ꓚꓵ ꓥ ꓡꓳ ꓐꓰ ꓢꓷꓸ ꓪ ꓡꓳ= ꓢꓮꓲ-ꓗꓯ ꓙꓵꓽ ꓡꓯꓽ ꓘꓳ ꓟ ꓑꓶꓸ ꓓꓴ ꓤ ꓠꓱ ꓤ ꓠꓬ ꓮ ꓘꓶꓸ ꓠꓸꓹ ꓓꓴ ꓡꓰ ꓥˍ ꓟꓲ ꓬꓲꓸ ꓮ ꓣ ꓕꓲ ꓣꓳ ꓔꓯ ꓚꓵꓸ ꓚꓺ ꓪ ꓡꓰꓳ ꓐꓰ ꓢꓷꓸ ꓪ ꓡꓳ=
ꓢꓮꓲ-ꓗꓯ ꓙꓵꓽ ꓡꓯꓽ ꓘꓳ ꓡꓰ ꓟ ꓗꓪ 30 ꓘꓳꓼ ꓛꓲ ꓡꓳꓼ_ ꓟ ꓤ ꓑ ꓤ ꓕꓲ ꓣꓳ ꓠꓬ ꓛꓲꓸꓹ ꓒꓯꓹ ꓗꓪ ꓠꓸꓹ ꓓꓴ ꓡꓰ ꓟ ꓑꓶꓸ ꓓꓴ ꓐ-ꓟꓳ ꓠꓯꓸꓸ ꓞꓲꓼ ꓦꓲꓸꓹ ꓓꓽ ꓟ ꓗꓪ ꓠꓯꓸꓸ ꓞꓲꓼ ꓫꓬꓹ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓡꓳꓹ ꓬꓰ ꓟ 2024 ꓘꓳꓼ 2 ꓦ ꓟ 2 ꓠꓬꓲ ꓕꓯ ꓥˍ ꓟꓲ ꓟꓶ-ꓚꓲ-ꓠ ꓡꓳ ꓒꓱ ꓲꓠ-ꓖꓰꓠ-ꓓꓳꓠ ꓞꓳ ꓘꓹ ꓗꓪ ꓥˍ ꓟꓲ ꓟꓳ-ꓓꓳ ꓙꓵꓽ ꓡꓯꓽ ꓘꓳ ꓡꓰ ꓢꓲ꓾ ꓟꓳ-ꓓꓳ ꓫꓵꓸ ꓒꓽ ꓘꓰꓹ ꓙꓰ ꓟ ꓥˍ ꓡꓳ ꓐꓰ ꓢꓷꓸ ꓪ ꓡꓳ=