ꓢꓯꓸ ꓬꓲꓼ ꓡ ꓑꓮꓲꓽ ꓠꓽ-ꓦꓬ-ꓠꓬꓲ ꓕꓯ Mandalay ꓠꓯꓸꓼ-ꓔ-ꓗꓳꓥꓸ ꓮꓸ ꓔꓳꓸ ꓐꓬ ꓜꓽ ꓗꓷ ꓟꓶ ꓢꓴ ꓔꓬ ꓗꓪ ꓙꓲꓻ ꓫꓬ ꓢꓴ ꓬꓳ-ꓢꓷ ꓔꓲꓺ ꓟ ꓜꓴꓻ ꓐꓴ ꓗꓪ ꓐꓰ ꓠꓯꓺ ꓞꓲꓼ ꓐꓰ ꓟꓶꓽ ꓦ ꓕꓺ ꓓꓴ ꓐꓱ ꓖꓶˍ ꓟ

ꓢꓯꓸ ꓬꓲꓼ ꓡ ꓑꓮꓲꓽ ꓠꓽ-ꓦꓬ-ꓠꓬꓲ ꓕꓯ Mandalay ꓠꓯꓸꓼ-ꓔ-ꓗꓳꓥꓸ ꓮꓸ ꓔꓳꓸ ꓐꓬ ꓜꓽ ꓗꓷ ꓟꓶ ꓢꓴ ꓔꓬ ꓗꓪ ꓙꓲꓻ ꓫꓬ ꓢꓴ ꓬꓳ-ꓢꓷ ꓔꓲꓺ ꓟ ꓜꓴꓻ ꓐꓴ ꓗꓪ ꓐꓰ ꓠꓯꓺ ꓞꓲꓼ ꓐꓰ ꓟꓶꓽ ꓦ ꓕꓺ ꓓꓴ ꓐꓱ ꓖꓶˍ ꓟ

Tuesday, April 06, 2021

 ꓢꓯꓸ ꓬꓲꓼ ꓡ ꓑꓮꓲꓽ ꓠꓽ-ꓦꓬ-ꓠꓬꓲ ꓕꓯ Mandalay ꓗꓪ ꓟ ꓙꓲꓻ ꓫꓬ ꓢꓴ ꓬꓳ-ꓢꓷ ꓔꓲꓺ ꓟ ꓐꓴ ꓡꓰ ꓮꓽ ꓡꓴꓺ ꓖꓶ ꓢꓴ ꓐꓴ ꓬꓲꓸ ꓞꓲꓺ Mandalay ꓠꓯꓸꓼ-ꓔ-ꓗꓳꓥꓸ ꓮꓸ ꓔꓳꓸ ꓐꓬ ꓜꓽ ꓗꓷ ꓟꓶ ꓢꓴ ꓐꓴ ꓐꓱ ꓶ ꓠꓯꓺ ꓞꓲꓼ꓾ ꓟꓶꓽ ꓦ ꓕꓺ ꓓꓴ ꓐꓰ ꓣꓱꓽ ꓬꓯꓼ ꓣꓱꓽ ꓞꓹ ꓟ ꓔꓯ ꓬꓲ ꓪ ꓔꓬ ꓗꓪ ꓙꓰ ꓢꓲ ꓐꓱꓻ ꓖꓶ ꓗꓷꓳ= ꓔꓲꓺ ꓟ ꓐꓴ ꓠꓬ ꓕꓱ ꓡꓰ ꓐꓱꓻ ꓖꓶ ꓗꓷ ꓗꓸ ꓠꓯꓸ꓾ ꓕꓲꓽ ꓑꓹ ꓤ ꓔꓬ ꓖꓴ ꓟꓶ ꓔꓶꓸ ꓦꓲ ꓗꓪ ꓔꓬ ꓢꓴ ꓐꓴ ꓔꓯ ꓢꓯꓼ ꓖꓶꓽ ꓘꓶꓽ ꓫꓸ ꓕꓱ ꓗꓷꓳ=

Mandalay ꓑꓬꓲ-ꓙꓬꓲꓸ-ꓔ-ꓖꓳ ꓡꓳ ꓒꓱ꓾ ꓠꓯꓸꓼ-ꓔ-ꓗꓳꓥꓸ ꓘꓹ ꓗꓪ 4 ꓦ 1 ꓠꓬꓲ꓾ ꓠꓯꓼ ꓠꓯꓼ 5ꓽ00 ꓙꓵꓹ ꓛꓲꓺ ꓕꓯ ꓮꓸ ꓔꓳꓸ ꓐꓬ ꓗꓷ ꓟ ꓥ ꓢꓲ꓾ ꓞꓳ ꓦꓲ 90 ꓦꓲꓻ ꓛꓲꓺ ꓮꓸ ꓔꓳꓸ ꓐꓬ ꓗꓷ ꓟ ꓥꓳ= ꓮꓸ ꓔꓳꓸ ꓐꓬ ꓜꓽ ꓗꓷ ꓟ ꓟꓶ ꓢꓴ ꓞꓳ ꓦꓲꓻ 150 ꓟꓽ ꓞꓲꓺ ꓔꓯ ꓟꓬꓸ-ꓐ-ꓬꓯꓸꓼ ꓜꓳꓽ ꓦꓲ ꓑꓹ ꓗꓪ ꓔꓬ ꓖꓴ ꓙ ꓖꓶꓽ ꓔ ꓖꓶˍ ꓡꓳ= ꓔꓬ ꓖꓴ ꓙꓽ ꓖꓶ ꓔ ꓖꓴ ꓗꓪ Mandalay ꓡꓳ ꓒꓱ ꓗꓪ ꓟ ꓑ ꓫꓬ ꓐꓴ ꓗꓪ ꓐꓰ ꓜꓽ ꓓꓴ ꓓꓳ ꓓꓴ ꓐꓰ ꓣꓱꓽ ꓬꓯꓼ ꓣꓱꓽ ꓞꓹ ꓟ ꓮꓽ ꓙꓵꓽ ꓔꓯ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓔꓯꓹ ꓖꓶ ꓡ ꓔꓬ ꓡꓳ꓾ ꓐꓰ ꓢꓷꓸ ꓪˍ ꓡꓳ=

ꓣꓱꓽ ꓙ ꓢꓴ ꓞꓳ ꓡꓱ ꓐꓴ ꓜꓴ ꓗꓪ ꓐꓰ ꓞꓳ ꓡꓱ ꓕꓲ ꓣꓳ ꓥˍ ꓟꓲ ꓕꓲ ꓑꓹ ꓤ ꓔꓬ ꓖꓴ ꓫꓬꓹ ꓔ ꓖꓶ ꓢꓲ ꓬꓰ ꓙ ꓖꓶˍ ꓟ ꓡꓰꓽ ꓟꓽ ꓞꓲꓺ ꓝꓮꓲ ꓕꓲ ꓧꓪꓹ ꓫꓬꓹ ꓔꓱ ꓓꓴ ꓐꓱ ꓶˍ ꓟꓲ ꓬꓰ ꓠꓹ ꓟ ꓔꓯˍ ꓟꓲ ꓐꓯ ꓖꓶ ꓗꓷꓳ=

ꓖꓳ ꓕꓲ ꓠꓬꓲ ꓗꓪ ꓡꓰꓽ ꓔꓲꓺ ꓟ ꓐꓴ ꓠꓬ 4 ꓦ 1 ꓠꓬꓲ ꓕꓯ꓾ Mandalay Sein Pann ꓗꓪ ꓡꓽ-ꓞꓬꓴꓸ (ꓑꓳꓻ) ꓑꓳˍ ꓟ ꓘꓴꓽ ꓗꓪ ꓫꓵꓻ ꓗꓷ ꓟ ꓞꓳ ꓡꓱ ꓐꓴ ꓥ ꓟ Zaw Ko Latt (Tay Tay) ꓐꓰ Yae Nay Min ꓐꓴ ꓦꓲꓻ ꓗꓪ ꓙꓰ ꓢꓲ ꓢꓯꓼ ꓖꓶ꓾ ꓠꓲꓹ ꓟ ꓗꓴ ꓖꓶ ꓗꓷꓳ=

Credit to RVA Myanmar

#rvalisu #rvapostoralcare #donation

• facebook
• twitter
• email

Add new comment

Your name

Subject

Comment *

Math question * 5 + 6 =

Save Preview