ꓢꓯ. ꓬꓲꓼ ꓡ ꓑꓮꓲ: (Easter) ꓗꓪ ꓟꓬ-ꓟ ꓞꓳ ꓡꓱ(ꓞꓳ ꓡꓯ.) ꓐꓴ ꓐꓰ ꓕꓲ ꓪ ꓔꓬ ꓟ ꓔꓯ ꓔꓲꓺ ꓒ ꓪ ꓔꓲ ꓡꓰ ꓟ. ꓖꓶˍ ꓟ꓾

ꓢꓯ. ꓬꓲꓼ ꓡ ꓑꓮꓲ: (Easter) ꓗꓪ ꓟꓬ-ꓟ ꓞꓳ ꓡꓱ(ꓞꓳ ꓡꓯ.) ꓐꓴ ꓐꓰ ꓕꓲ ꓪ ꓔꓬ ꓟ ꓔꓯ ꓔꓲꓺ ꓒ ꓪ ꓔꓲ ꓡꓰ ꓟ. ꓖꓶˍ ꓟ꓾
Tuesday, April 06, 2021
ꓙꓲ-ꓢꓴ ꓢꓲꓺ ꓤ ꓐꓴ ꓐꓱ ꓶ ꓟ: ꓓ ꓬꓳ. ꓚꓵˍ ꓟ ꓒꓵ:ˍ ꓟ ꓦꓬꓼ ꓠꓬꓲ ꓥ ꓟ "Easter Sunday" ꓢꓯ. ꓬꓲꓼ ꓡ ꓑꓮꓲ: ꓠ:-ꓦꓬ-ꓠꓬꓲ ꓬꓲ. ꓢꓷ. ꓡꓰ ꓓꓴ ꓔꓯ vatican ꓦꓲꓻ ꓗꓪ ꓬꓰˍ ꓟ ꓪ: ꓘꓴ ꓑꓮꓲ: ꓗꓪ ꓔꓲꓺ ꓒ ꓪ ꓔꓲ. Francis ꓡꓰ꓾ democracy ꓐꓱ ꓶ ꓢꓯꓼ ꓕꓵꓼ ꓔꓬ ꓟ ꓟꓬ-ꓟ ꓞꓳ ꓡꓱ ꓐꓴ ꓐꓰ ꓕꓲ ꓡꓰꓹꓼ ꓕꓲ ꓠꓲꓹ ꓕꓲ ꓪ ꓥ ꓟ ꓔꓯ ꓟ. ꓖꓶ ꓗꓷꓳ=
ꓟꓵ: ꓗꓳꓹ ꓓꓵꓺ ꓓꓵꓺ ꓗꓪ ꓟ ꓞꓳ ꓡꓱ ꓐꓴ ꓐꓰ ꓕꓲ ꓪ ꓔꓬ ꓡꓳ= ꓟꓬ: ꓠꓬꓲ ꓠꓬ ꓮ ꓟꓶ ꓗꓪ democracy ꓟꓶ ꓡꓰ ꓠ ꓢꓯꓼ ꓕꓵꓼ ꓔꓬ ꓟ ꓐꓰ ꓠꓲꓹ ꓙꓳꓺˍ ꓟ꓾ ꓟ: ꓠꓲꓹ ꓒꓴ ꓟ ꓔꓯ ꓠꓵ ꓠꓲꓹ ꓗꓪ ꓐꓰ ꓡꓰ: ꓧꓪ. ꓡꓰ ꓐ ꓡ ꓥꓳ꓾ ꓐꓯ ꓟ ꓔꓯ ꓢꓷ. ꓔ ꓟ ꓐꓰ ꓬꓲ ꓪ ꓐꓴ ꓢꓯꓼ ꓔꓯ ꓑ ꓙ ꓠ ꓛꓲꓺ ꓢꓲꓺ ꓡꓲꓺ ꓟ ꓚꓱꓹ ꓣꓱ: ꓢꓲ ꓢꓯꓼ ꓕꓵꓼ ꓔꓬ ꓟ ꓟꓬ-ꓟ ꓞꓳ ꓡꓱ ꓐꓴ ꓐꓰ ꓕꓲ ꓪ ꓔꓬ ꓡꓳ=
ꓠꓬꓲ. ꓠꓬꓲ ꓗꓪ ꓛꓲꓺꓡ ꓟ Easter ꓦꓬꓼ ꓠꓬꓲ ꓗꓪ ꓟ: ꓙꓲꓻ ꓟ ꓟ: ꓔꓱꓹ ꓟ ꓟꓯꓼ ꓢꓲ: ꓒ ꓐꓴ ꓔꓯ ꓒꓳꓹ ꓔꓴ ꓔꓬ ꓢꓴ ꓐꓴ ꓠꓬ ꓮ. ꓭ ꓩꓴꓺ ꓣꓱ: ꓢꓲ ꓒꓳꓹ ꓔꓴˍ ꓟ ꓔꓯ ꓟꓬ-ꓟ ꓗꓴꓷꓼ ꓗꓪ ꓟ ꓡꓳ ꓒꓱ ꓮ: ꓟꓬꓹ ꓗꓪ ꓬꓰ ꓔꓬ ꓟ ꓥꓳ=
ꓢꓲꓺ ꓒ ꓬꓰ-ꓢꓴ ꓢꓯ. ꓬꓲꓼ ꓡˍ ꓟ ꓗꓪ ꓐꓰ ꓟꓬ-ꓟ democracy ꓥ ꓟꓲ ꓮ. ꓭ ꓩꓴꓺ ꓘꓳ. ꓛꓱ. ꓘꓴ: ꓗꓪ ꓚꓳ. ꓓꓳ ꓡ ꓠꓹ ꓟ ꓐꓱ ꓶ ꓔꓶꓻ ꓙꓱꓼ ꓬꓰ ꓢꓲ ꓠꓬꓲ. ꓠꓬꓲ ꓗꓪ ꓟ: ꓙꓲꓻ ꓟ ꓟ: ꓔꓱꓹ ꓟ ꓟꓯꓼ ꓢꓲꓺ ꓒ ꓐꓴ ꓔꓯ ꓒꓳꓹ ꓔꓴˍ ꓟ ꓮꓹꓼ ꓭ ꓩꓴꓺ ꓣꓱ: ꓢꓲ ꓒꓳꓹ ꓬꓴ ꓗꓷꓳ=
ꓟꓬ-ꓟ ꓗꓴꓷꓼ ꓘ-ꓕꓳ-ꓡꓲ ꓘꓴ ꓜꓲ ꓞꓳ ꓗꓪ ꓟ ꓔꓲꓺ ꓒ ꓓ: Cardinal Charles Bo ꓥ ꓟꓲ꓾ ꓢꓯꓼ ꓕꓵꓼ ꓢꓲ ꓒꓳꓹ ꓔꓴ ꓔꓬ ꓟ ꓠꓬ ꓟ: ꓟꓶ ꓫꓵꓺ ꓟ ꓦꓬꓼ ꓠꓬꓲ ꓗꓪ ꓧꓪ. ꓡꓰˍ ꓟ ꓪꓴ. ꓠꓬꓲ ꓥꓳ ꓡꓳ.ˍ ꓟ ꓔꓯ: ꓡꓳꓺ ꓦ ꓗꓷ ꓠꓹ ꓟ꓾ ꓟꓬ-ꓟ ꓑ ꓫꓬ ꓐꓴ ꓔꓯ ꓮ ꓟꓰꓹ 4 ꓦ 4 ꓠꓬꓲ꓾ ꓢꓯ. ꓬꓲꓼ ꓡ ꓑꓮꓲ: ꓠ:-ꓦꓬ-ꓠꓬꓲ ꓕꓯ ꓬꓲꓼ ꓠꓬꓲ. ꓖꓶ ꓗꓷꓳ=
 
 
 

Add new comment

2 + 0 =

Quick Links