ꓣꓦꓮꓡꓲ-ꓢꓴ ꓓꓳꓽ

1 ꓟꓶ: ꓦ ꓮ ꓘꓶꓸ ꓦ ꓡ ꓟ ꓪꓴꓸ ꓠꓬꓲ ꓘꓳ-ꓡ-ꓒꓶꓸ ꓙ ꓖꓴ ꓡꓳꓽ ꓧꓳꓹ ꓮ ꓟꓬꓹ ꓖ ꓧꓳꓹꓔꓲꓸꓸꓔꓸ ꓟ ꓓꓳꓽ

 ꓦ ꓜꓳꓽ ꓓꓽ ꓟ ꓜꓯꓼ ꓡ ꓠꓬꓲ ꓑꓴ-ꓔ-ꓳ ꓟꓶ-ꓖꓪꓰꓽ-ꓜꓸ ꓘꓳ-ꓡ-ꓒꓶꓸ ꓙ ꓖꓴ ꓗꓪ ꓡꓳꓽ ꓧꓳꓹ ꓮ ꓟꓬꓹ ꓖ ꓧꓳꓹ ꓔꓲꓸꓸ ꓔꓸ ꓢꓲꓸ ꓓꓴ ꓓꓳ ꓢꓴ ꓐꓴ ꓮ ꓘꓶꓸ ꓫꓸ ꓔꓬ ꓡꓳ-ꓸꓐꓯ ꓡꓳ= ꓕꓲ ꓙ ꓖꓴ ꓮ ꓟꓬꓹ ꓔꓶꓸ ꓗꓪ ꓡꓳꓽ ꓧꓳꓹ ꓧꓳꓹ ꓔꓲꓸꓸꓔ ꓥ=ꓙ ꓖꓴ ꓟꓽ ꓓ ꓫꓸ ꓓꓴ ꓟ ꓠꓬ ꓣꓲꓽ-ꓓꓸ ꓗꓪ ꓐꓰ ꓘꓳ-ꓡ-ꓒꓶꓸ ꓠꓬꓲꓽ ꓗꓴꓸ ꓚꓸ ꓗꓪ ꓥꓳ= ꓕꓲ ꓖ ꓖ ꓗꓪ ꓠꓽ ꓙ ꓖꓴ ꓙꓰꓽ ꓡꓲꓸ ꓟꓽ ꓙꓳ ꓬꓰꓳ ꓟ꓾ ꓐꓰ ꓮ ꓟꓶ ꓢꓲꓸ ꓙ ꓖꓴ ꓗꓪ ꓙꓰ ꓢꓴ ꓡꓰ ꓐꓯ ꓡꓳ=ꓑꓴ-ꓔ-ꓳ ꓟꓶ-ꓖꓪꓰꓽ-ꓜꓸ ꓘꓳ-ꓡ-ꓒꓶꓸ ꓙ ꓖꓴ ꓠꓬ 115 ꓕꓷꓹ ꓙꓳˍ ꓟ ꓙ ꓖꓴ ꓥ ꓢꓲ꓾2022ꓘꓳꓼ ꓖꓳ ꓑꓳꓸ ꓠꓬ ꓛꓲ ꓒꓯꓹ ꓐꓰ 10 ꓦꓬꓽ ꓫꓱꓽ ꓠ ꓗˍ ꓟ ꓙ ꓖꓴ ꓥ ꓡꓳ ꓐꓰ ꓢꓷꓸꓪ ꓡꓳ=2022 ꓘꓳꓼ 3 ꓦ ꓟ 20 ꓠꓬꓲ ꓕꓯ ꓫꓬꓹ ꓓꓳ ꓡꓰ ꓟ ꓙ ꓖꓴ ꓒꓴ ꓠꓹ ꓟ ꓙꓽ ꓖꓶ ꓔꓬ ꓥ ꓟꓲ ꓟꓶꓽ ꓦ ꓜꓯꓼ ꓠꓰ ꓟꓽ ꓓ ꓢꓲꓸ ꓒꓴ ꓟꓽ ꓒꓬꓱꓼ ꓬꓰ ꓟ ꓥ ꓡꓳ꓾ ꓐꓰ The 74 Media ꓓꓳꓽ ꓗꓪ ꓐꓯ ꓔ ꓡꓳ=

2 ꓟꓲ-ꓚꓲ-ꓠꓽ ꓡꓳ ꓒꓱ ꓗꓪ ꓚꓬꓼ ꓞꓶꓻ ꓒꓵꓽ ꓞꓼ ꓐꓰ ꓓꓯ ꓡ ꓟ ꓪꓴꓸ ꓠꓬꓲ ꓚꓬꓼ ꓞꓶꓻ ꓪꓴꓽꓔꓶꓸ ꓮ ꓟꓬꓹ ꓖ ꓚꓵꓸꓔ꓾ ꓑꓲꓸ ꓔ ꓟ ꓓꓳꓽ

ꓟꓲ-ꓚꓲ-ꓠꓽ ꓡꓳ ꓒꓱ ꓗꓪ ꓚꓬꓼ ꓞꓶꓻ ꓓꓵꓽ ꓡ ꓟ ꓟꓽ ꓙꓳ ꓟ ꓪꓴꓸ ꓠꓬꓲ ꓚꓬꓼ ꓞꓶꓻ ꓒꓵꓽ ꓓꓯ ꓡ ꓟ ꓑꓶꓸ ꓓꓴ ꓚꓬꓼ ꓞꓶꓻ ꓪꓴꓽ ꓔꓶꓸ ꓚꓵꓸꓔ꓾ ꓑꓶꓸꓔ ꓡꓳ꓾ ꓐꓰ ꓢꓷꓸꓪ ꓡꓳ= ꓟꓲ-ꓚꓲ-ꓠꓽ ꓡꓳ ꓒꓱ ꓗꓪ ꓡꓰꓽ ꓟ ꓞꓲꓺ ꓠꓱꓸ ꓐꓯ ꓡꓳ ꓒꓱ ꓗꓪ ꓥ ꓟꓲ ꓚꓬꓼ ꓞꓶꓻ ꓫꓸ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓬꓥ-ꓖꓳꓥ ꓡꓳ ꓒꓱ ꓗꓪ ꓥ ꓟꓲ ꓮ ꓟꓰ ꓠꓯꓼ ꓠꓯꓼ ꓗꓪ ꓐꓰ ꓪꓴꓸ ꓔꓴ ꓢꓲ ꓚꓬꓼ ꓞꓶꓻ ꓔꓯ ꓬꓲꓸ ꓙꓵꓹ ꓔꓶ ꓢꓲ ꓪꓴꓽ ꓖꓶ ꓔꓬ ꓡꓳ꓾ ꓐꓰ The 74 Media ꓓꓳꓽ ꓗꓪ ꓐꓯ ꓔ ꓡꓳ=