ꓪꓮꓲ-ꓟꓮꓪ ꓡꓳ ꓒꓱ ꓗꓪ ꓡ-ꓛꓬꓲ ꓞꓳ ꓡꓱ ꓐꓴ ꓩꓴ-ꓢꓯ ꓑꓰꓹ ꓡꓴꓸ ꓑꓰꓹ ꓔꓯꓺ ꓡꓯ ꓘꓳ ꓟ ꓗꓪ ꓪꓴ-ꓬꓮꓠ(ꓮ) ꓜꓴ ꓧꓪꓸ ꓡꓰ ꓟ ꓓꓳꓽ

ꓪꓮꓲ-ꓟꓮꓪ ꓡꓳ ꓒꓱ ꓗꓪ ꓡ-ꓛꓬꓲ ꓞꓳ ꓡꓱ ꓐꓴ ꓩꓴ-ꓢꓯ ꓑꓰꓹ ꓡꓴꓸ ꓑꓰꓹ ꓔꓯꓺ ꓡꓯ ꓘꓳ ꓟ ꓗꓪ ꓪꓴ-ꓬꓮꓠ(ꓮ) ꓜꓴ ꓧꓪꓸ ꓡꓰ ꓟ ꓓꓳꓽꓪꓮꓲ-ꓟꓮꓪ ꓡꓳ ꓒꓱ ꓗꓪ ꓡ-ꓛꓬꓲ ꓞꓳ ꓡꓱ ꓐꓴ ꓩꓴ-ꓢꓯ ꓑꓰꓹ ꓡꓴꓸ ꓑꓰꓹ ꓔꓯꓺ ꓡꓯ ꓘꓳ ꓟ ꓗꓪ ꓪꓴ-ꓬꓮꓠ(ꓮ) ꓜꓴ ꓧꓪꓸ ꓡꓰ ꓟ ꓓꓳꓽ

ꓪꓮꓲ-ꓟꓮꓪ ꓡꓳ ꓒꓱ ꓘꓴꓽ ꓗꓪ ꓟ ꓡ-ꓛꓬꓲ ꓡꓲꓽ ꓒꓰꓼ ꓐꓰ ꓟ-ꓠꓮꓪ ꓑꓹ ꓗꓪ ꓪꓮꓲ-ꓟꓮꓪ ꓗꓪ ꓟ ꓡ-ꓛꓬꓲ ꓕꓳꓽ ꓶ ꓐꓰ ꓗ ꓟꓲꓽ ꓡꓲꓽ ꓒꓰꓼ ꓗꓳ-ꓟ-ꓔꓲ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓲ ꓡ-ꓛꓬꓲ ꓞꓳ ꓡꓱ ꓩꓴ-ꓢꓯ ꓑꓰꓹ ꓡꓴꓸ ꓑꓰꓹ ꓔꓯꓺ  ꓓꓴ ꓔꓯ ꓠꓬ ꓡꓳ ꓬꓰꓹ ꓟ 10 ꓦ ꓟ 8 ꓠꓬꓲ ꓟꓶꓽ ꓘꓶꓼ ꓙꓵꓹ ꓕꓯ ꓪꓮꓲ-ꓟꓮꓪ (ꓮ) ꓐꓰ ꓪꓴ-ꓬꓮꓠ (ꓮ) ꓐꓴ ꓡꓳꓻ ꓖꓪ ꓡꓯ ꓘꓳ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓕꓱ ꓩꓴ-ꓢꓯ ꓑꓰꓹ ꓡꓴꓸ ꓑꓰꓹ ꓔꓯꓺˍ ꓟ ꓗꓪ ꓠꓬ ꓪꓮꓲ-ꓟꓮꓪ (ꓮ)(ꓐ)꓾ ꓪꓴ-ꓬꓮꓠ (ꓮ) (ꓐ)꓾ ꓟꓳꓮꓔ-ꓚꓬꓮꓲꓔ꓾ ꓢ-ꓗꓸ꓾ ꓗꓯ-ꓑꓮꓲ-ꓔꓲ꓾ ꓟ-ꓓꓮꓲꓠ(ꓮ)(ꓐ)꓾ ꓠꓮꓴꓠꓖ-ꓧꓰ꓾ ꓘꓸꓼ-ꓗꓴꓟ ꓐꓯ ꓢꓲ ꓬꓲ ꓜꓴ 10 ꓜꓴ ꓐˍ ꓟ ꓥ ꓢꓲ ꓠꓬꓲ ꓬꓲ ꓞꓲꓼ 16 ꓘꓳꓼ ꓖꓳ ꓑꓳꓸ ꓞꓳ ꓡꓱ ꓐꓴ ꓡꓰ ꓡꓳꓹ ꓬꓰ ꓟ 10 ꓦ 4 ꓠꓬꓲ ꓗꓪ ꓐꓰ 8 ꓠꓬꓲ ꓗꓪ ꓛꓲꓺ ꓑꓰꓹ ꓔꓯꓺ ꓡꓯ ꓘꓳ ꓗꓷ ꓟ  ꓥꓳ꓾ ꓐꓰ ꓢꓷꓸ ꓪ ꓡꓳ=

ꓪꓮꓲ-ꓟꓮꓪ (ꓮ) ꓐꓰ ꓪꓴ-ꓬꓮꓠ (ꓮ) ꓐꓴ ꓑꓰꓹ ꓡꓴꓸ ꓑꓰꓹ ꓔꓯꓸꓸ ꓡꓳꓻ ꓖꓪ ꓡꓯ ꓘꓳꓹ ꓟ ꓗꓪ ꓪꓴ-ꓬꓮꓠ (ꓮ) ꓧꓪꓸ ꓡꓰꓳ꓾ ꓐꓰ ꓢꓷꓸ ꓪ ꓡꓳ=  ꓕꓱ ꓡꓱ ꓑꓰꓹ ꓡꓴꓸ ꓑꓰꓹ ꓔꓯꓸꓸ ꓡꓯ ꓘꓳꓹ ꓟ ꓗꓪ ꓠ ꓑ 1 ꓪ ꓡꓰ ꓢꓴ ꓪꓴ-ꓬꓮꓠ (ꓮ) ꓔꓯ ꓠꓬ 3 ꓫꓬꓹ ꓖꓶ ꓗꓷ ꓢꓲ ꓠ ꓑ 2 ꓪ ꓡꓰ ꓟ ꓪꓮꓲ-ꓟꓮꓪ (ꓮ) ꓔꓯ ꓠꓬ 2 ꓫꓬꓹ ꓖꓶ ꓗꓷꓳ꓾ ꓐꓰ ꓢꓷ ꓪ ꓡꓳ= ꓡ-ꓛꓬꓲ ꓕꓳꓽ ꓶ ꓐꓰ ꓗ ꓟꓲꓽ ꓡꓲꓽ ꓒꓰꓼ ꓗꓳ-ꓟ-ꓔꓲ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓲ ꓞꓳ ꓡꓱ ꓩꓴ-ꓢꓯ ꓑꓰꓹ ꓡꓴꓸ ꓑꓰꓹ ꓔꓯꓺ ꓑꓮꓲꓽ ꓬꓰ ꓖꓶˍ ꓟ ꓠꓬ ꓮ ꓟꓶ ꓬꓲ ꓪꓴꓸ ꓕꓲ ꓧꓪꓹ ꓬꓰˍ ꓟ ꓥ ꓢꓲ꓾ ꓡ ꓠꓹ ꓟ ꓘꓳꓼ ꓗꓪ ꓥˍ ꓟꓲ ꓝꓸ ꓢꓲ ꓬꓰ ꓖꓶ ꓠꓹ ꓟ ꓥꓳ꓾ ꓐꓰ ꓢꓷꓸ ꓪ ꓡꓳ=

Add new comment

11 + 1 =