New Zealand ꓗꓴꓷꓼ ꓗꓪ ꓢ ꓠꓬꓲ ꓡꓱꓹ ꓟꓶꓽ ꓦ ꓮ ꓘꓶꓸ ꓦ ꓡ ꓟ ꓪꓴꓸ ꓠꓬꓲ ꓞꓳ ꓦꓲꓸꓹ 100 ꓦꓲꓸꓹ ꓟ ꓛꓲ ꓠꓱꓸ ꓐꓯ ꓕꓲ ꓖ ꓗꓪ ꓚꓵꓸ ꓛꓲꓺ ꓟ ꓓꓳꓽ

Friday, August 19, 2022

New Zealand ꓗꓴꓷꓼ ꓗꓪ ꓙꓳˍ ꓟ ꓐꓶ ꓓꓵꓽ ꓐꓰ ꓖꓴ ꓪꓴꓸ ꓗꓪ ꓢ ꓠꓬꓲꓽ ꓡꓱꓸꓼ ꓮ ꓟꓶ 8 ꓦ ꓟ 18 ꓠꓬꓲꓽ ꓗꓪ ꓛꓲ ꓟꓶꓽ ꓦ ꓮ ꓘꓶꓸ ꓦ ꓡ ꓟ ꓪꓴꓸ ꓠꓬꓲ ꓞꓳ ꓦꓲꓸꓹ 100 ꓦꓲꓸꓹ ꓟꓽ ꓞꓲꓺ ꓚꓵꓸ ꓠ ꓗꓷ ꓡꓰ ꓢꓲ ꓙ ꓖꓴ ꓐꓰ ꓢꓷꓸ ꓠꓲꓹ ꓢꓳ ꓦꓲꓸꓹ ꓥ ꓟꓲ ꓑꓲꓸ ꓦ ꓔ ꓡꓳ ꓐꓰ ꓢꓷꓸ ꓪ ꓡꓳ= ꓟꓶꓽ ꓦ ꓮ ꓘꓶꓸ ꓦ ꓡ ꓟ ꓪꓴꓸ ꓠꓬꓲ ꓡꓳꓽ ꓧꓳꓹ ꓥ ꓟꓲ ꓮ ꓟꓬꓹ ꓖ ꓧꓳꓹ ꓔꓲ ꓔ ꓡꓳ ꓐꓰ ꓢꓷꓸ ꓪ ꓡꓳ= ꓐꓶ ꓓꓵꓽ ꓐꓰ ꓖꓴ ꓪꓴꓸ ꓗꓪ ꓟꓶꓽ ꓦ ꓮ ꓘꓶꓸ ꓦ ꓡ ꓓꓴ ꓥꓳ ꓐꓰ Mass Service ꓡꓰ ꓢꓷꓸ ꓙ ꓟꓳ ꓙ ꓡꓳ ꓐꓰ ꓐꓯ ꓡꓳ=
ꓟꓶꓽ ꓦ ꓟꓽ ꓠꓽ ꓠꓽ ꓦ ꓔꓬ ꓐꓯ ꓥ ꓟꓲ ꓐꓬ ꓡꓰ ꓟ ꓮ ꓫꓵꓽ ꓥ ꓟꓲ ꓟꓽ ꓙꓳ ꓢꓰꓽ ꓐꓰ ꓐꓯ ꓡꓳ= ꓖꓳ ꓡꓱ ꓐꓯ ꓥ ꓟꓲ ꓟꓽ ꓙꓲꓻ ꓬꓲꓸꓹ ꓙꓬ ꓮ ꓘꓶꓸ ꓠꓶ ꓔꓬ ꓟ ꓔꓯ ꓔꓳꓹ ꓜꓳꓽ ꓔꓬ ꓡꓳ ꓐꓰ ꓐꓯ ꓡꓳ=