ꓪꓲꓠꓰ-ꓟꓮꓪ ꓡꓳ ꓒꓱ ꓗꓪ ꓮꓸꓔꓳꓸ ꓐꓬ ꓡꓰ ꓢꓲ꓾ ꓫꓵꓸꓹ ꓡꓰ ꓟ ꓕꓲ ꓦꓲꓸꓹ ꓢꓴ ꓐꓱ ꓶ ꓗꓮꓚꓧꓲꓠ ꓗꓴꓷꓼ ꓫꓴ ꓗꓪ ꓟ ꓮ ꓜꓴꓸ ꓬꓯꓼ ꓟꓬꓱꓽ ꓬꓰ ꓢꓴ ꓐꓴ ꓡꓰ ꓒꓴ ꓫꓵꓺ ꓬꓰ ꓙˍ ꓟ ꓓꓳꓽ

ꓗꓮꓚꓧꓲꓠ ꓗꓴꓷꓼ ꓫꓴ ꓪꓲꓠꓰ-ꓟꓮꓪ ꓡꓳ ꓒꓱ ꓲ-ꓖꓯꓹ ꓞꓳ ꓘꓹ ꓗꓪ ꓮꓸ ꓔꓳꓸ ꓐꓬ ꓢꓲ꓾ ꓫꓵꓸꓹ ꓡꓰ ꓟ ꓕꓲ ꓦꓲꓸꓹ ꓢꓴ 7 ꓣꓳ ꓐꓱ ꓶ ꓗꓮꓚꓧꓲꓠ ꓗꓴꓷꓼ ꓫꓴ ꓗꓪ ꓟ ꓮ ꓜꓴꓸ ꓬꓯꓼ ꓟꓬꓱꓽ ꓬꓰ ꓢꓴ ꓐꓴ ꓡꓰ ꓗ ꓠꓯꓸ ꓢꓲ ꓗꓪ ꓤꓰꓸꓹ ꓦꓲ ꓟ ꓕꓲ ꓦꓲꓸꓹ ꓡ ꓞꓳ ꓐꓴ ꓐꓱ ꓶ 2022 ꓘꓳꓼ 12 ꓦ ꓟ 5 ꓠꓬꓲ꓾ ꓮ ꓟꓰ ꓕꓯ ꓒꓴ ꓫꓵꓺ ꓬꓰ ꓙ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓡꓳꓹ ꓬꓰ ꓟ 2022 ꓘꓳꓼ 12 ꓦ ꓟ 1 ꓠꓬꓲ ꓕꓯ ꓪꓲꓠꓰ-ꓟꓮꓪ ꓡꓳ ꓒꓱ ꓲ-ꓖꓯꓹ ꓞꓳ ꓘꓹ ꓗꓪ ꓚ ꓔ ꓟ ꓬꓲꓻ ꓛ ꓕꓴꓽ ꓛ ꓙ ꓙꓰ ꓢꓲ ꓮ ꓔꓳꓸ ꓐꓬ ꓙꓰ ꓟ ꓪꓴꓸ ꓠꓬꓲ ꓦꓲꓸꓹ ꓘꓴꓽ ꓗꓪ ꓬꓲꓼ ꓔ ꓔꓬ ꓟ ꓞꓳ ꓟꓳꓽ ꓕꓲ ꓣꓳ ꓐꓰ ꓤ ꓠꓱ ꓤ 6 ꓣꓳ ꓫꓵꓸꓹ ꓡꓰ ꓟ ꓥ ꓡꓳ ꓐꓰ ꓞꓳ ꓘꓹ ꓗꓪ ꓟ ꓞꓳ ꓪꓴꓽ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=

ꓕꓱ ꓡꓱ ꓮ ꓔꓳꓸ ꓐꓬ ꓡꓰ ꓟ ꓕꓲ ꓦꓲꓸꓹ ꓢꓴ ꓐꓱ ꓶ ꓗꓮꓚꓧꓲꓠ ꓗꓴꓷꓼ ꓫꓴ ꓗꓪ ꓟ ꓮ ꓜꓴꓸ ꓬꓯꓼ  ꓟꓬꓱꓽ ꓬꓰ ꓢꓴ ꓐꓴ ꓡꓰ ꓕꓲ ꓣꓳ ꓔꓯ 2 ꓫꓬꓹ ꓮ ꓙꓵꓽ ꓠꓬ 14 ꓫꓬꓹ ꓬꓰ ꓙ ꓗꓷꓳ ꓐꓰ ꓢꓷꓸ ꓪ ꓡꓳ= ꓖꓳ ꓟ ꓡꓰ ꓟꓽ ꓞꓲꓺ ꓙꓲ ꓣꓴꓽ ꓟꓬ ꓑꓬ ꓓꓴ ꓔꓯ ꓙꓳꓺ ꓗꓽ ꓟꓬꓱꓽ ꓬꓰ ꓢꓴ ꓐꓴ ꓥˍ ꓟꓲ ꓒꓴ 22 ꓫꓬꓹ ꓟꓽ ꓞꓲꓺ ꓠꓱꓸ ꓐꓯ ꓣꓱꓽ ꓫꓵꓽ ꓣꓱꓽ ꓙꓰꓽ ꓮ ꓟꓬꓹ ꓔꓯ ꓬꓰ ꓙ ꓗꓷꓳ ꓐꓰ ꓢꓷꓸ ꓪ ꓡꓳ=