America ꓗꓴꓷꓼ ꓗꓪ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓪꓴ. ꓠꓬꓲ ꓑ ꓫꓬꓹ (32) ꓣꓳ ꓫꓵꓻ ꓡꓰ ꓟ ꓓꓳꓽ

 America ꓗꓴꓷꓼ ꓗꓪ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓪꓴ. ꓠꓬꓲ ꓑ ꓫꓬꓹ (32) ꓣꓳ ꓫꓵꓻ ꓡꓰ ꓟ ꓓꓳꓽ
ꓡꓳꓹ ꓬꓰ ꓟ 2023 ꓘꓳꓼ 4 ꓦ ꓟ 2 ꓠꓬꓲ ꓕꓯ America ꓗꓴꓷꓼ ꓖꓴ ꓟꓶꓸ ꓐꓰ ꓐꓶ ꓓꓵꓽ ꓔꓱꓹ ꓫꓵꓸꓸ ꓗꓪ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓪꓴ. ꓠꓬꓲ ꓑ ꓫꓬ 32 ꓣꓳ ꓟꓽ ꓞꓲꓺ ꓫꓵꓸꓹ ꓡꓰꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
ꓕꓯ-ꓠꓯ-ꓢꓰ(Tennessee) ꓗꓴꓷꓼ ꓫꓴꓸꓸ Memphis ꓡꓳ ꓒꓱ ꓗꓪ ꓟꓲꓽ ꓦꓲꓸꓹ ꓙꓱꓼ ꓡ ꓟ ꓪꓴꓸ ꓠꓬꓲ ꓡꓳꓹ ꓬꓰ ꓟ 2023 ꓘꓳꓼ 4 ꓦ ꓟ 1 ꓠꓬꓲ ꓕꓯ ꓥˍ ꓟꓲ ꓤ ꓠꓱ ꓤ ꓠꓬꓲꓽ ꓣꓳ ꓐꓰ ꓞꓳ ꓟꓳꓽ ꓕꓲ ꓣꓳ ꓫꓵꓸꓹ ꓗꓷ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=
ꓕꓱ ꓡꓱ ꓟꓲꓽ ꓦꓲꓸꓹ ꓕꓳꓽ ꓥꓳꓽ ꓙꓱꓼ ꓡ ꓟ ꓑꓶ ꓓꓴ ꓑ ꓫꓬ ꓮ ꓟꓬꓹ ꓠꓸꓹ ꓓꓴ ꓡꓰ ꓟ ꓥ ꓢꓲ꓾ꓞꓳ ꓦꓲꓸꓹ ꓥ ꓟꓲ ꓮ ꓟꓬꓹ ꓐꓬ ꓡꓰ ꓟ ꓥ ꓡꓳ= ꓕꓱ ꓡꓱ ꓔꓬ ꓖꓴ ꓦꓲꓸꓹ ꓟꓽ ꓙꓳ ꓗꓷ ꓡꓰ ꓢꓲ ꓫꓸ ꓔꓬ ꓢꓴ ꓐꓴ ꓔꓯ ꓬꓰ ꓙ ꓠꓹ ꓟ ꓐꓱ ꓶ ꓗꓴꓷꓼ ꓙꓵꓽ ꓢꓲꓽ ꓒ ꓥ ꓟ Joe Biden ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=