French ꓗꓴꓷꓼ Nantes ꓗꓪ ꓟ꓾ ꓮ ꓠꓱ ꓕꓯ ꓟ Cathedral ꓪꓽ ꓘꓴ ꓦꓲꓻ ꓓꓽ ꓟ ꓮ ꓔꓳꓸ ꓐꓬꓻ ꓗꓷ ꓟ

ꓮꓸ ꓔꓳꓸ ꓐꓬꓻ ꓔꓬ ꓟ French ꓗꓴꓷꓼ Nantes ꓗꓪ ꓟ ꓪꓽ ꓘꓴ ꓦꓲꓻ ꓓꓽ ꓟ

2020 ꓘꓳꓼ 7 ꓦ ꓟ 18 ꓠꓬꓲ꓾ ꓠꓯꓼ 7ꓽ00 ꓙꓵꓹ ꓕꓯ꓾ French ꓗꓴꓷꓼ Nantes ꓡꓳ ꓒꓱ ꓗꓪ ꓟ St. Peter St. Paul ꓪ ꓘꓴ ꓦꓲ ꓓꓽ ꓟ ꓮꓸ ꓔꓳꓸ ꓐꓬꓻ ꓗꓷꓳ= 2019 ꓘꓳꓼ ꓕꓯ Notre Dame Cathedral ꓗꓪ ꓐꓬꓻ ꓗꓷ ꓗꓸ ꓠꓯꓸ ꓮ ꓟꓶ ꓠꓬ ꓠꓬꓲꓽ ꓧꓪꓹ ꓕꓲꓽ ꓧꓪꓹ ꓪꓽ ꓘꓴ ꓦꓲ ꓓꓽ ꓟ ꓐꓬꓻ ꓗꓷ ꓟ ꓥꓳ꓾ ꓐꓰ French ꓗꓴꓷꓼ ꓙꓵꓽ ꓢꓲꓽ ꓒꓽ Emmanuel Macron ꓡꓰ Twitter ꓗꓪ ꓐꓯ ꓔ ꓟ ꓥ ꓡꓳ=

ꓮ ꓠꓱ ꓕꓯ ꓟ “Gothic Jewel” ꓕꓲꓽ ꓫꓵꓽˍ ꓡꓰꓽ ꓫꓬꓹ ꓔ ꓟ ꓪꓽ ꓘꓴ ꓦꓲꓻ ꓓꓽ ꓟ ꓔꓯ ꓾ ꓮ ꓔꓳꓸ ꓐꓬꓻ ꓟ ꓗꓪ ꓐꓰ ꓗꓽ ꓕꓸ ꓦꓽ ꓠꓹ ꓟ ꓾ ꓢꓯꓼ ꓕꓵꓼ ꓔꓬꓹ ꓟ ꓥꓪ ꓠꓴꓽ ꓮ ꓔꓳꓸ ꓢꓰꓼ ꓟꓯꓼ ꓐꓴ ꓔꓯ ꓥꓪ ꓮ ꓘꓶꓸ ꓒꓵꓽ ꓗ ꓬꓰˍ ꓡꓳ꓾ ꓐꓰ ꓗꓴꓷꓼ ꓙꓵꓽ ꓢꓴ ꓗꓪ ꓐꓰ ꓐꓯ ꓖꓶ ꓗꓷꓳ=

ꓪ ꓘꓴ ꓦꓲꓻ ꓖꓳ ꓟ ꓠꓬ꓾ 1400 ꓘꓳꓼ ꓟꓽ ꓛꓲꓺ ꓕꓯ ꓫꓬꓹ ꓔ ꓟ ꓥ ꓢꓲ꓾ ꓪꓰꓻ ꓤ ꓐꓴ ꓮ ꓟꓬꓹ ꓚꓳ ꓗꓹ ꓛꓲˍ ꓟ ꓪꓽ ꓘꓴ ꓦꓲꓻ ꓥ ꓟ ꓡꓰꓽ ꓟꓽ ꓛꓲꓺ  ꓡꓳ ꓒꓱ ꓔꓱꓹ ꓦꓲ ꓗꓪ ꓓꓹ ꓟ ꓥ ꓪ=

ꓮ ꓔꓳꓸ ꓢꓰꓼ ꓢꓴ ꓐꓰ ꓡꓰ ꓐꓯˍ ꓟ ꓠꓬ꓾ ꓪꓽ ꓘꓴ ꓦꓲ ꓪꓴꓸ ꓓꓵꓺ ꓔꓯ ꓠꓬ ꓮꓸ ꓔꓳ ꓟꓽ ꓐꓬꓻ ꓬꓯꓼ ꓡꓰ ꓠ ꓗꓽ ꓕꓸ ꓦꓽ ꓐ ꓡ ꓗꓷ ꓟ ꓐꓰ꓾ ꓪꓰꓻ ꓤ ꓐꓴ ꓐꓰ꓾ ꓡꓳ ꓒꓱ ꓘꓴꓽ ꓗꓪ ꓟ ꓑ ꓫꓬꓼ ꓐꓴ ꓠꓬ ꓮ ꓔꓳꓸ ꓐꓬꓻ ꓔꓬ ꓟ ꓔꓯ ꓠꓲꓹ ꓟ ꓫꓸ ꓠꓬꓲ ꓡꓳꓸ ꓔꓬꓹ ꓪ ꓡꓰꓳ=

Nantes ꓡꓳ ꓒꓱ ꓙꓵꓽ ꓢꓲꓽ ꓒꓽ Johanna ꓠꓬ꓾ French ꓗꓴꓷꓼ ꓗꓪ ꓟ ꓮ ꓠꓱ ꓕꓯ ꓟ ꓦꓲ ꓕꓲꓽ ꓟ ꓥ ꓟ ꓐꓯ ꓖꓶ ꓗꓷꓳ= ꓮ ꓔꓳꓸ ꓐꓬꓻ ꓗꓷ ꓟ ꓪꓴꓸ ꓠꓬꓲ ꓪꓽꓘꓴ ꓦꓲꓻ ꓘꓴꓽ ꓠꓯꓸꓼ ꓗꓪ ꓾ ꓮ ꓘꓶꓸ ꓒꓵˍ ꓟ ꓪꓴ-ꓢ ꓐꓬꓱꓽ ꓒꓬꓽ ꓐꓴ ꓥˍ ꓟꓲ꓾ ꓮꓸ ꓔꓳꓸ ꓟꓴꓽ ꓘꓴꓽ ꓶꓻ ꓡꓰ ꓢꓲ꓾ ꓠꓯꓺ ꓡꓰ ꓟ ꓐꓰ꓾ ꓮꓸ ꓫꓵꓽ ꓪꓴꓸ ꓠꓬꓲ ꓐꓬꓻ ꓐꓯˍ ꓟ ꓔꓯ ꓠꓬ꓾ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓧꓪ ꓟꓰꓹ ꓠꓬꓲ ꓔꓬ ꓟ ꓔꓯ꓾ Vatican ꓓꓳꓽ ꓗꓪ ꓐꓯ ꓔˍ ꓡꓳ=

Credit to  Vatican news

https://bit.ly/2OFw4sU

Add new comment

11 + 0 =