Mandalay ꓗꓴꓓꓼ ꓗꓪ ꓚꓳꓦꓲꓓ-19 ꓠꓻ ꓫꓵ: ꓑꓶ. ꓓꓴ ꓤ ꓟꓶ ꓤ ꓕꓲ ꓣꓳ ꓫꓵꓻ ꓡꓰ ꓟ ꓓꓳ:

Tuesday, June 20, 2023

Mandalay ꓗꓴꓓꓼ ꓗꓪ ꓚꓳꓦꓲꓓ-19 ꓠꓻ ꓫꓵ: ꓑꓶ. ꓓꓴ ꓤ ꓟꓶ ꓤ ꓕꓲ ꓣꓳ ꓫꓵꓻ ꓡꓰ ꓟ ꓓꓳ: ꓮ ꓟꓰ 2023 ꓘꓳꓼ 6 ꓦ ꓟ 19 ꓠꓬꓲ ꓕꓯ Mandalay ꓗꓴꓷꓼ ꓑ ꓫꓬ ꓠꓯꓺ ꓞꓲꓼ ꓦꓲꓻ ꓗꓪ ꓤ ꓟꓶ ꓤ ꓕꓲ ꓣꓳ ꓚꓳꓦꓲꓓ-19 ꓠꓻ ꓫꓵ: ꓑꓶ. ꓓꓴ ꓫꓵꓻ ꓡꓰꓳ ꓐꓰ ꓢꓷ. ꓪ ꓡꓳ=

ꓫꓵꓻ ꓡꓰ ꓢꓴ ꓤ ꓟꓶ ꓤ ꓠꓬ 47 ꓘꓳꓼ ꓛꓲ ꓡꓳꓼ ꓟ ꓥ ꓡꓳ ꓐꓰ ꓖꓳ ꓗꓪ ꓡꓳ. ꓟꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ= ꓡꓳꓹ ꓬꓰ ꓟ ꓕꓲ ꓙꓵꓹ ꓗꓪ ꓥ ꓟꓲ ꓗ-ꓛꓲ ꓗꓴꓷꓼ ꓫꓴꓺ ꓗꓪ ꓐꓰ Mandalay ꓠꓯꓺ ꓞꓲꓼ ꓦꓲꓻ ꓗꓪ ꓠꓯꓺ ꓞꓲꓼ ꓫꓬꓹ ꓡ ꓢꓴ ꓑ ꓫꓬ ꓕꓲ ꓣꓳ ꓚꓳꓦꓲꓓ-19 ꓠꓻ ꓫꓵ: ꓑꓶ. ꓓꓴ ꓫꓵꓻ ꓡꓰ ꓟ ꓥ ꓡꓳ ꓐꓰ ꓢꓷ. ꓪ ꓡꓳ=

ꓝꓮꓲ ꓕꓲ ꓧꓪꓹ ꓟꓬ-ꓟ ꓗꓴꓷꓼ ꓗꓪ ꓚꓳꓦꓲꓓ-19 ꓠꓻ ꓫꓵ: ꓮ ꓘꓶ. ꓟꓬ ꓡ ꓔꓬ ꓡꓰꓳ ꓐꓰ ꓚꓳꓦꓲꓓ-19 ꓠꓻ ꓫꓵ: ꓠꓻ ꓢꓴ 50 ꓣꓳ ꓟ: ꓞꓲ ꓠꓻ ꓔꓬ ꓡꓳ ꓐꓰ ꓠꓯꓺ ꓞꓲꓼ ꓟꓬꓱ: ꓣꓱ: ꓜꓴ ꓐꓴ ꓡꓰ ꓐꓯ ꓩꓴ ꓡ ꓡꓳ ꓐꓰ ꓢꓷ. ꓪ ꓡꓳ=