Pathein ꓡꓳ ꓒꓱ ꓗꓪ ꓚꓳꓦꓲꓓ-19 ꓠꓻ ꓫꓵ: ꓠꓻ ꓢꓴ 5 ꓣꓳ ꓙ ꓟꓶ ꓡꓰ ꓟ ꓓꓳ:

Tuesday, May 02, 2023

Pathein ꓡꓳ ꓒꓱ ꓗꓪ ꓚꓳꓦꓲꓓ-19 ꓠꓻ ꓫꓵ: ꓠꓻ ꓢꓴ 5 ꓣꓳ ꓙ ꓟꓶ ꓡꓰ ꓟ ꓓꓳ:ꓮ ꓟꓰ 2023 ꓘꓳꓼ 5 ꓦ ꓟ 1 ꓠꓬꓲ ꓕꓯ Pathein ꓡꓳ ꓒꓱ ꓗꓪ ꓚꓳꓦꓲꓓ-19 ꓠꓻ ꓫꓵ: ꓠꓻ ꓢꓴ 5 ꓣꓳ ꓙ ꓟꓶ ꓡꓰꓳ ꓐꓰ ꓠꓯꓺ ꓞꓲꓼ ꓟꓬꓱ: ꓣꓱ: ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ= ꓕꓱ ꓡꓱ ꓙ ꓟꓶ ꓡꓰ ꓟ ꓗꓪ ꓬꓯꓼ ꓕꓳ: ꓙꓼ ꓟꓬꓱ: ꓗꓪ ꓟꓬꓱ: ꓬꓰ ꓔꓬ ꓢꓴ ꓐꓴ ꓥ ꓟꓲ ꓐꓹ ꓡꓳ ꓐꓰ ꓢꓷ. ꓪ ꓡꓳ= ꓕꓱ ꓡꓱ ꓠꓻ ꓫꓵ: ꓙ ꓟꓶ ꓢꓴ ꓐꓴ ꓐꓰ ꓕꓲ ꓪ ꓔꓬ ꓢꓴ ꓐꓴ ꓔꓯ ꓥ ꓟꓲ ꓠꓯꓺ ꓞꓲꓼ ꓟꓬꓱ: ꓣꓱ: ꓜꓴ ꓐꓴ ꓐꓰ ꓞꓳ ꓘꓹ ꓗꓪ ꓟ ꓞꓳ ꓪꓴ: ꓐꓴ ꓡꓰ ꓙꓵ: ꓗ ꓙꓳˍ ꓟ ꓡꓰ ꓐꓰ ꓬꓲ ꓐ ꓗꓪ ꓟ: ꓓꓳꓺ꓾ ꓦꓲꓻ ꓘꓴ: ꓗꓪ ꓔꓬ ꓝꓲ ꓦ ꓡꓳ ꓐꓰ ꓢꓷ. ꓪ ꓡꓳ= ꓠꓻ ꓫꓵ: ꓙ ꓟꓶ ꓡꓰ ꓢꓴ ꓐꓴ ꓠꓬ ꓠꓯꓺ ꓞꓲꓼ ꓦꓲꓻ ꓗꓪ ꓠꓯꓺ ꓞꓲꓼ ꓫꓬꓹ ꓔꓬ ꓡꓳ ꓐꓰ ꓢꓷ. ꓔꓬ ꓡꓳ ꓐꓰ ꓢꓷ. ꓪ ꓡꓳ= ꓟ: ꓞꓲ ꓮ ꓟꓶ ꓕꓱ ꓡꓱ ꓮ ꓘꓶ. ꓞꓻ ꓟ ꓕꓲ ꓙꓵꓹ ꓗꓪ ꓚꓳꓦꓲꓓ-19 ꓠꓻ ꓫꓵ: ꓠꓻ ꓡ ꓕꓯ ꓙ ꓫ. ꓓꓴ ꓙꓳ ꓡꓳ꓾ ꓖꓳ ꓟ ꓑꓶ ꓓꓴ ꓤ ꓟꓳ ꓓꓴ ꓬꓰ ꓡꓯ ꓐꓰ ꓠꓯꓺ ꓞꓲꓼ ꓟꓬꓱ: ꓣꓱ: ꓜꓴ ꓐꓴ ꓡꓰ ꓐꓯ ꓩꓴ ꓡ ꓡꓳ ꓐꓰ ꓢꓷ. ꓪ ꓡꓳ=