Tangier ꓞꓳ ꓘꓹ ꓘꓴ: ꓗꓪ ꓓꓳꓻ ꓠ ꓟ ꓬꓲꓻ ꓙꓬ ꓟ: ꓫꓬꓹ ꓟ ꓑꓶ. ꓓꓴ ꓦꓰꓼ ꓟ ꓧꓳꓹ ꓟ ꓐꓰ ꓞꓶ: ꓦꓶ: ꓝꓲ. ꓓꓴ ꓔꓳꓹ ꓜꓳ: ꓔꓬ ꓟ ꓓꓳ:

Friday, June 30, 2023

Tangier ꓞꓳ ꓘꓹ ꓘꓴ: ꓗꓪ ꓓꓳꓻ ꓠ ꓟ ꓬꓲꓻ ꓙꓬ ꓟ: ꓫꓬꓹ ꓟ ꓑꓶ. ꓓꓴ ꓦꓰꓼ ꓟ ꓧꓳꓹ ꓟ ꓐꓰ ꓞꓶ: ꓦꓶ: ꓝꓲ. ꓓꓴ ꓔꓳꓹ ꓜꓳ: ꓔꓬ ꓟ ꓓꓳ: ꓗ-ꓛꓲ ꓗꓴꓷꓼ ꓫꓴꓺPutao ꓡꓳ ꓒꓱ Tangier ꓞꓳ ꓘꓹ ꓘꓴ: ꓗꓪ ꓬꓲꓻ ꓙꓬ ꓟ: ꓫꓬ ꓟ ꓑꓶ. ꓓꓴ ꓦꓰꓼ ꓟ ꓧꓳꓹ ꓟ ꓐꓰ ꓞꓶ: ꓦꓶ: ꓝꓲ. ꓓꓴ ꓔꓳꓹ ꓜꓳ: ꓔꓬ ꓟ ꓕꓲ ꓫꓵ ꓠ ꓛꓲ ꓡꓳꓼ ꓬꓰ ꓡꓳ ꓐꓰ ꓢꓷ. ꓪ ꓡꓳ=

ꓞꓳ ꓘꓹ ꓢꓴ ꓐꓴ ꓠꓬ ꓪ ꓛꓵ ꓗꓪ ꓐꓰ ꓬꓲꓻ ꓡ ꓟ ꓬꓲꓻ ꓙꓬ ꓔꓯ ꓑꓲꓑꓰ ꓡꓰ ꓞ. ꓢꓲ꓾ ꓓꓳꓻ ꓟ ꓑꓶ. ꓓꓴ ꓖꓳ ꓗꓪ ꓟ: ꓢꓲ ꓟ: ꓫꓬ ꓟ ꓑꓶ. ꓛꓵ ꓐ ꓔꓬ ꓟ ꓪꓴ. ꓠꓬꓲ ꓞꓳ ꓘꓹ ꓗꓪ ꓔꓬ ꓟ ꓑ ꓫꓬ ꓐꓴ ꓕꓱ ꓡꓱ ꓠꓻ ꓓꓴ ꓙꓳˍ ꓟ ꓥ ꓡꓳ ꓐꓰ ꓠꓯꓺ ꓞꓲꓼ ꓟꓬꓱ: ꓔꓯ ꓣꓱ: ꓢꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ= ꓮ ꓟꓶ Tangier ꓞꓳ ꓘꓹ ꓗꓪ ꓤ ꓠꓱ ꓤ 4 ꓘꓳꓼ ꓗꓪ ꓐꓰ ꓞꓲ ꓟꓳ ꓡꓰ ꓗꓪ ꓛꓲ ꓠꓻ ꓢꓴ 100 ꓦ ꓣꓳ ꓟ: ꓞꓲ ꓔꓬ ꓡꓳ ꓐꓰ ꓢꓷ. ꓪ ꓡꓳ=

ꓖꓳ ꓟ ꓡꓰ ꓐꓰ ꓟ: ꓞꓲ Long Sha Yang ꓞꓳ ꓘꓹ ꓗꓪ ꓥˍ ꓟꓲ ꓠꓻ ꓔꓬ ꓢꓴ ꓮ ꓟꓬꓹ ꓔꓬ ꓡꓳ ꓐꓰ ꓢꓷ. ꓪ ꓡꓳ= Tangier ꓞꓳ ꓘꓹ ꓠꓬ Sumprabum ꓐꓰ Putao ꓠꓬꓲ ꓖꓳ ꓙ ꓗꓪ ꓙꓳˍ ꓟ ꓥ ꓢꓲ꓾ ꓞꓳ ꓣꓳ 500 ꓣꓳ ꓛꓲ ꓔꓬ ꓟ ꓞꓳ ꓘꓹ ꓥ ꓡꓳ ꓐꓰ ꓢꓷ. ꓪ ꓡꓳ=