Vatican ꓠꓬ Ukraine ꓗꓴꓷꓼ ꓐꓱ ꓶ ꓙꓬ ꓝꓲꓸ ꓕꓯ ꓖꓪ: ꓓꓴ ꓐꓵ ꓞꓲꓽ ꓒꓽ ꓮ ꓡꓴ ꓓꓰˍ ꓟ ꓓꓳꓽ

Tuesday, December 13, 2022

ꓔꓲꓸꓸꓒ ꓪ ꓔꓲ Francis ꓡꓰ ꓫꓱꓸ ꓤ ꓟ ꓟꓬꓱꓽ ꓔꓯ ꓪꓴꓸ ꓓꓵ ꓣꓱꓽ ꓔꓬ ꓟ ꓔꓲꓸꓸ ꓒ ꓓ Cardinal Konrad Krajewski ꓗꓪ ꓐꓰ ꓕꓲ ꓟꓲ ꓠꓯ ꓡꓱꓼ ꓗꓪ ꓔꓬ ꓟ ꓗ‐ꓕꓳ‐ꓡꓲꓗ ꓢꓲ ꓤ ꓐꓴ ꓮ ꓙꓵꓽ ꓔꓯ ꓶꓽ ꓓꓰ ꓘꓶꓽ ꓕꓳ ꓶ ꓐꓳ ꓩꓴ ꓡ ꓡꓳ ꓐꓰ ꓢꓷꓸ ꓪ ꓡꓳ=

ꓕꓱ ꓕꓳ ꓶ ꓗꓪ ꓠꓬ Russia ꓗꓴꓷꓼ ꓡꓰ Ukraine ꓗꓴꓷꓼ ꓔꓯ ꓟꓯꓼ ꓢꓰꓼ ꓡ ꓟ ꓑꓶ ꓓꓴ ꓜ ꓓꓴ ꓫꓸ ꓖꓪꓽ ꓓꓴ ꓫꓸ ꓔ ꓟ ꓪꓴꓸ ꓠꓬꓲ ꓙꓬ ꓝꓲꓸ ꓕꓯ ꓖꓪꓽ ꓓꓴ ꓐꓵ ꓞꓲꓽ ꓒꓽ ꓮ ꓡꓴ ꓬꓰ ꓙ ꓡ ꓠꓹ ꓟ ꓐꓳ ꓔ ꓟ ꓥ ꓡꓳ=

ꓔꓲꓸꓸ ꓒ ꓓꓽ Cardinal Konrad Krajewski ꓡꓰ Ukraine ꓑ ꓫꓬ ꓐꓴ ꓔꓯ ꓬꓰ ꓙ ꓐ ꓡ ꓢꓴ ꓠꓬ Vatican ꓣꓳꓸ ꓗꓪ ꓒꓴ ꓦ ꓟ Saint Egidio ꓣꓳꓸ ꓗꓪ ꓙꓰ ꓢꓲ ꓬꓰ ꓙ ꓐ ꓡ ꓡꓳ ꓐꓰ ꓐꓯ ꓡꓳ= ꓘꓳꓹ ꓣꓴ ꓟꓶ ꓟ ꓡꓯꓼ ꓫꓴꓺ ꓮ ꓙꓵꓽ ꓔꓯ ꓠꓬ Ukraine ꓑ ꓫꓬ ꓐꓴ ꓐꓱ ꓶ ꓞ ꓞ ꓡꓯꓼ ꓘꓪ ꓩꓴ ꓓꓴ ꓥ ꓡꓳ ꓐꓰ ꓐꓯ ꓡꓳ=

ꓔꓲꓸꓸ ꓒ ꓪ ꓔꓲ Francis ꓡꓰ Ukraine ꓑ ꓫꓬ ꓐꓴ ꓐꓱ ꓶ ꓡꓯꓼ ꓫꓴꓺ ꓖꓶ ꓟ ꓞꓳ ꓠꓸꓹ ꓚꓰꓹ ꓟꓳ- ꓓꓳ ꓔꓯ ꓥ ꓟꓲ ꓡꓳꓹ ꓬꓰ ꓟ ꓕꓲ ꓙꓵꓹ ꓗꓪ Ukraine ꓐꓴ ꓐꓱ ꓶ ꓖꓶ ꓪ ꓡꓰꓳ ꓐꓰ ꓢꓷꓸ ꓪ ꓡꓳ=