Yangon ꓡꓳ ꓒꓱ ꓐꓰ ꓠꓱꓸ ꓐꓯ ꓡꓳ ꓒꓱ ꓘꓴꓽ ꓗꓪ ꓟꓶꓽ ꓞꓸꓹ ꓮ ꓘꓶꓸ ꓞꓸꓹ ꓡ ꓓꓴ ꓥꓳ꓾

Yangon ꓡꓳ ꓒꓱ ꓐꓰ ꓠꓱꓸ ꓐꓯ ꓡꓳ ꓒꓱ ꓘꓴꓽ ꓗꓪ ꓟꓶꓽ ꓞꓸꓹ ꓮ ꓘꓶꓸ ꓞꓸꓹ ꓡ ꓓꓴ ꓥꓳ꓾
ꓡ ꓠꓹ ꓟ 6 ꓠꓬꓲ ꓗꓪ ꓐꓰ 11 ꓠꓬꓲ ꓬꓲ ꓘꓴꓽ ꓗꓪ Yangon ꓡꓳ ꓒꓱ ꓐꓰ ꓠꓱꓸ ꓐꓯ ꓡꓳ ꓒꓱ ꓐꓴ ꓘꓴꓽ ꓗꓪ  ꓮ ꓟꓶ ꓟ ꓕꓯ ꓢꓶꓸ ꓟꓽ ꓞꓲꓺ ꓟꓶꓽ ꓞꓸꓹ ꓮ ꓘꓶꓸ ꓞꓸꓹ ꓡ ꓓꓴ ꓥ ꓡꓳ ꓐꓰ ꓟꓵꓽ ꓘꓳꓼ ꓚꓱꓹ ꓔꓯ ꓟꓳꓸ ꓢꓷꓸ ꓠꓲꓹ ꓙꓳ ꓢꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
ꓟꓶꓽ ꓞꓸꓹ ꓮ ꓘꓶꓸ ꓞꓸꓹ ꓡ ꓠ ꓔ ꓟ ꓡꓳ ꓒꓱ ꓐꓴ ꓠꓬ Yangon꓾ Magway꓾ Ayeyarwady꓾ Mandalay ꓐꓰ Sagaing ꓐꓴ ꓗꓪ 5°C ꓗꓪ ꓛꓲ ꓮ ꓘꓶꓸ ꓞꓸꓹ ꓡ ꓓꓴ ꓥ ꓡꓳ ꓐꓰ U Wei Phyo Han ꓡꓰ ꓐꓯ ꓡꓳ=
ꓡ ꓠꓹ ꓟ 9 ꓠꓬꓲ ꓗꓪ Kachin ꓗꓴꓷꓼ ꓫꓴꓻ ꓟꓽ ꓐ ꓐ꓾ ꓠꓱꓸ ꓐꓯ ꓡꓳ ꓒꓱ ꓐꓴ ꓮ ꓙꓵꓽ ꓗꓪ ꓠꓬ ꓮ ꓘꓶꓸ ꓞꓸꓹ ꓡ ꓓꓴ ꓥ ꓢꓲ ꓞꓲꓼ ꓟꓳꓽ ꓡꓰ ꓟ ꓞꓳ ꓟꓳꓽ ꓐꓴ ꓐꓰ ꓠꓸꓹ ꓫꓵꓽ ꓙꓳ ꓢꓴ ꓐꓴ ꓬꓲ ꓐ ꓗꓪ ꓟꓽ ꓓꓳꓸꓸ꓾ ꓦꓲꓸꓹ ꓘꓴꓽ ꓗꓪ ꓔꓬ ꓠꓹ ꓟ ꓐꓯ ꓔ ꓡꓳ ꓐꓰ ꓢꓷꓸ ꓪ ꓡꓳ=