ꓙꓵꓻ ꓢꓴ ꓠꓬ ꓬꓰ-ꓢꓴ ꓬꓲ ꓫꓵꓽ ꓬꓲ ꓧꓪ ꓥ ꓟ

 ꓠꓬꓲ. ꓠꓬꓲ. ꓟ. ꓟꓲ ꓗꓪ ꓣꓳ: ꓳ ꓺ ꓙ ꓪ. ꓟ ꓟ. ꓟꓲ: ꓠꓬ ꓢꓲ ꓒ ꓬꓰ-ꓢꓴ ꓮ ꓫꓵ: ꓐꓯ ꓠꓲꓹ ꓫꓵˍ ꓟ ꓙꓳ: ꓙꓳ: ꓟ: ꓢꓷ. ꓕꓯ ꓠ: ꓢꓲ ꓒ ꓬꓰ-ꓢꓴ ꓔꓯ ꓓꓵ: ꓙ ꓮ ꓡꓰ ꓘꓴˍ ꓡꓳ=

 

ꓚꓲ. ꓛꓬ ꓟ. ꓟ ꓔꓯ ꓮ ꓡꓰ ꓗꓪ ꓥꓪ ꓟ. ꓟ ꓐꓰ ꓐꓯ ꓟ ꓠꓬ ꓟꓬ: ꓡꓰꓳ ꓐꓰ ꓓꓵ: ꓙ ꓗꓴ.ˍ ꓡꓳ= ꓢꓲ ꓒ ꓬꓰ-ꓢꓴ ꓟ. ꓟꓲ: ꓚ ꓔꓬ ꓕꓯ ꓬꓲ. ꓟꓹ ꓟ ꓐꓰ ꓬꓲ. ꓬꓲꓼ ꓬꓲ. ꓠꓬꓲ ꓐꓴ ꓠꓱ. ꓫꓳ. ꓟ. ꓗꓪ ꓦꓴ ꓠꓬꓹ ꓔꓬꓹ ꓡꓳ= ꓬꓲ. ꓪ ꓐꓴ ꓠꓬ ꓢꓲꓺ ꓒ ꓬꓰ-ꓢꓴ ꓔꓯ ꓟꓳ ꓠꓲꓹ ꓫꓵˍ ꓡꓳ= ꓖꓳ ꓡꓱ ꓥˍ ꓟꓲ ꓢꓲ ꓒ ꓬꓰ-ꓢꓴ ꓠꓬ ꓥꓪ ꓮ ꓟ ꓮ ꓗꓪ ꓥ ꓡ= ꓥꓪ ꓬꓲꓼ ꓥꓪ ꓠꓬꓲ ꓐꓴ ꓮ ꓡꓰ ꓗꓪ ꓥ ꓡ ꓐꓰ ꓠꓹ ꓠꓬꓲ ꓔꓴ ꓡˍ ꓡꓳ= ꓝꓮꓲ. ꓬꓲ ꓡꓰ ꓥꓪ ꓐꓹ ꓐ ꓠꓲꓹ ꓡꓶ: ꓛꓳ ꓢꓴ ꓡꓰ ꓥꓪ ꓥꓪ ꓬꓲꓼ ꓥꓪ ꓠꓬꓲ ꓥꓳ= ꓥꓪ ꓮ ꓟ ꓥꓳ= ꓥꓪ ꓬꓲꓼ ꓥꓪ ꓠꓬꓲ ꓥꓳ ꓐꓰ ꓐꓯ ꓟ ꓣꓳ: ꓑꓺ ꓙ ꓡꓳ=

 

ꓣꓳ: ꓓꓵ ꓙ ꓠꓬꓲ ꓡꓯ ꓢꓲ ꓒ ꓬꓰ-ꓢꓴ ꓡꓰ ꓐꓯ ꓠꓲꓹ ꓫꓵˍ ꓟ ꓠꓬ ꓬꓲ. ꓟ. ꓟ ꓔꓯ ꓟ: ꓒꓵ: ꓟ: ꓚꓬ ꓬꓰ ꓫꓵ: ꓟ: ꓥ꓾ ꓬꓲ. ꓟꓹ ꓟ ꓣꓯ ꓪ ꓜꓲ ꓫꓱ. ꓖꓶ: ꓫꓵ: ꓥ ꓡꓳ= ꓣꓳ ꓟꓲ ꓠꓯ ꓗꓪ ꓣꓳ: ꓟꓹ ꓟ ꓟ-ꓣꓲ-ꓬ ꓡꓰ ꓪꓴ-ꓢ ꓠꓲꓹ ꓡꓶ ꓖꓼ ꓛꓳ ꓐꓹ ꓡ ꓫꓵ: ꓟ: ꓙꓳ= ꓖꓳ ꓡꓱ ꓠꓬꓲ ꓟꓹ ꓟ ꓟ-ꓣꓲ-ꓬ ꓠꓬ ꓪꓴ-ꓢ ꓟꓹ ꓟ ꓬꓰ ꓒꓵ: ꓡꓳ=

 

ꓠꓬꓲ: ꓙꓰ: ꓕꓲ: ꓙꓰ ꓟ ꓣꓳ ꓔꓯ ꓟꓳ. ꓖꓶ: ꓡ ꓟ ꓠꓬ꓾ ꓣꓳ: ꓠꓬ ꓪꓴ-ꓢ ꓔꓯ ꓙꓵꓹ ꓕꓲ: ꓖꓼ ꓟ: ꓓ= ꓬꓲ. ꓠꓲꓹ ꓡꓶ: ꓛꓳ ꓠꓯˍ ꓡꓳ= ꓮ ꓟꓶ ꓣꓳ: ꓔꓳꓹ ꓙꓳ: ꓔꓬꓹ ꓟ ꓫꓵ: ꓪꓴ: ꓗꓪ ꓣꓳ: ꓬꓰ ꓙ ꓟ ꓔꓯ ꓣꓱ: ꓛ ꓔꓬꓹ ꓫꓵ: ꓮ ꓟꓬˍ ꓙꓳ ꓡꓳ= ꓕꓱ ꓟ ꓔꓯ ꓣꓳ: ꓓꓵ: ꓙ ꓢꓲ ꓛꓳ ꓫꓱ ꓙꓰ ꓡꓯ=