ꓣꓳ ꓐꓱ ꓶ ꓙꓲ ꓖꓴ ꓙꓳˍ ꓟ ꓚꓵꓸ ꓞꓶꓸꓹ

ꓡꓲ-ꓢꓴ ꓫꓵꓽ ꓐꓴ ꓣꓱˍ ꓟ ꓚꓵꓸ ꓞꓶꓸꓹ

Monday, September 06, 2021

ꓚꓵꓸ ꓞꓶꓸꓹ

ꓣꓳꓽ ꓡꓲ-ꓢꓴ ꓗꓳ ꓡꓳ ꓗꓪ ꓧꓶꓸ ꓕꓯꓽ ꓤꓶꓽ ꓗꓪ ꓐꓰ ꓠꓬꓲꓹ ꓠꓬꓲ ꓗꓪ ꓛꓲꓸꓸ ꓣꓱꓽ ꓫꓵꓽ ꓕꓲꓽ ꓟ ꓥꓼ ꓟ ꓚꓵꓸ ꓞꓶꓸꓹ ꓔꓯꓸ ꓮꓽ ꓙꓲ ꓢꓴ ꓢꓷꓸ ꓔꓬ ꓐꓭ ꓥꓳ-ꓸ ꓖꓳ ꓡꓱ ꓥˍ ꓟꓲ ꓖꓳ ꓟ ꓔꓯꓸ ꓮ ꓡꓰ ꓗꓪ ꓐꓰ ꓫꓯꓹ ꓓꓳ ꓗꓷˍ ꓟ ꓕꓲꓽ ꓐꓱ ꓠꓬ ꓟꓽ ꓢꓷꓸ ꓔꓬ ꓐꓭ ꓥꓳ=

ꓚꓵꓸ ꓞꓶꓸꓹ ꓚꓵꓸ ꓞꓶꓸꓹ ꓐꓯꓹ ꓟ ꓠꓬ ꓚꓵꓸ ꓜꓲ (ꓚꓵꓸ ꓡꓽ ꓜꓲ) ꓗꓪ ꓐꓰ ꓚꓵꓸ ꓡꓽ ꓢꓶꓸꓹ ꓔꓯꓸ ꓔꓲꓸ ꓧꓶꓽ ꓑꓴꓸ ꓗꓷ ꓢꓲꓼ ꓪˍ ꓟ ꓥ ꓡꓳ=

ꓚꓵꓸ ꓜꓲ(ꓚꓵꓸ ꓡꓽ ꓜꓲ) ꓚꓵꓸ ꓡꓽ ꓜꓲ ꓠꓬ ꓬꓲꓸ ꓜꓲ ꓒꓽ ꓕꓲꓽ ꓫꓵꓽ ꓥ ꓢꓲꓼ ꓬꓲꓸ ꓒꓬꓽ ꓠꓬ ꓣꓳˍ ꓟ ꓥ ꓡꓳ-ꓸ ꓝꓮꓲ ꓬꓲꓸ ꓡꓽ ꓜꓲ ꓠꓬ ꓬꓲꓸꓒꓬꓽ ꓪꓴꓽ ꓔꓬ ꓡꓳ-ꓸ

ꓚꓵꓸ ꓞꓶꓸꓹ ꓚꓵꓸ ꓞꓶꓸꓹ ꓔꓯꓸ ꓧꓪꓽ ꓕꓲꓽ ꓫꓵꓽ ꓫꓵꓽ ꓐꓰ ꓪꓳ-ꓒꓬ ꓔꓯꓸ ꓚꓸ ꓢꓲꓸ ꓜꓽ ꓔꓬ ꓡꓳ-ꓸ

ꓚꓵꓸ ꓞꓶꓸꓹ ꓙꓲ ꓖꓴ ꓙꓳˍ ꓟ ꓚꓵꓸ ꓞꓶꓸꓹ ꓔꓯꓸ ꓞꓲꓼ ꓪꓴꓽ ꓢꓴ-ꓸ ꓮꓸ ꓟꓲ ꓒꓬꓱꓽ ꓟꓳ ꓢꓴ-ꓸ ꓐꓰ ꓧꓪꓽ ꓖꓳ ꓓꓱꓽ ꓗꓪ ꓠꓸꓹ ꓫꓵꓽ ꓓꓽ ꓔꓳꓹ ꓜꓳꓽ ꓢꓴ ꓐꓴ ꓔꓯꓸ ꓖꓶꓽ ꓜꓽ ꓠꓬ ꓮꓽ ꓘꓶꓸ ꓙꓲ ꓖꓴ ꓙꓳ_ ꓥꓳ ꓐꓰ-ꓸ ꓧꓶꓸ ꓕꓯꓽ ꓟ ꓤꓶꓸꓹ ꓗꓪ ꓐꓰ ꓠꓬꓲꓹ ꓠꓬꓲ ꓗꓪ ꓛꓲ ꓣꓳꓽ ꓫꓵꓽ ꓐꓴ ꓣꓱꓽ ꓔꓬ ꓡꓳ=

ꓠꓬꓲꓹ ꓠꓬꓲ ꓟ ꓚꓵꓸ ꓞꓶꓸꓹ ꓠꓬꓲꓹ ꓠꓬꓲ ꓟ ꓦꓬꓼ ꓠꓬꓲ ꓗꓪ ꓠꓬ ꓚꓵꓸ ꓞꓶꓸꓹ ꓔꓯꓸ ꓶꓸꓸ ꓡꓯꓼ ꓖꓴ ꓙꓴ ꓕꓲꓽ ꓟ ꓡꓰ ꓐꓰ ꓫꓬ ꓢꓲꓸ ꓪꓴꓽ ꓔꓬ ꓡꓳ-ꓸ ꓖꓳ ꓟ ꓪꓴꓸ ꓠꓬꓲ ꓚꓵꓸ ꓞꓶꓸꓹ ꓚꓵꓸꓹ ꓚꓵꓸꓹ ꓪꓽ ꓠꓹ ꓟ ꓮꓽ ꓫꓸ ꓡꓰꓳ=

ꓚꓵꓸ ꓞꓶꓸꓹ ꓚꓵꓸꓹ ꓚꓸꓹ ꓔꓯꓸ ꓬꓲꓸ ꓒꓵꓽ ꓮꓽ ꓟꓬꓸ ꓖꓶꓽ ꓕꓯꓽ ꓢꓲꓹ ꓪ ꓓ ꓡꓰꓳ=

Credit ꓟꓸ ꓒ ꓒꓲ-ꓩꓴ-ꓧꓯꓼ