ꓢꓯꓼ ꓕꓵꓼ ꓢꓴ ꓠꓬ ꓧꓪꓸ ꓡꓰˍ ꓟ ꓔꓯ ꓘꓳꓹ ꓣꓴ ꓟꓶ_ ꓥꓳ=

ꓠꓲꓹ ꓠꓵ ꓟ ꓛꓳꓽ ꓒꓯꓹ ꓛꓳꓽ ꓤ ꓐꓴ ꓮ ꓟꓶ ꓟ ꓣꓳ ꓤꓶꓻ ꓗꓪ ꓠꓬ ꓪꓴꓽ ꓟꓴ ꓡ ꓟ ꓤꓶꓻ ꓥ ꓡꓳ= ꓢꓯꓼ ꓕꓵꓼ ꓢꓴ ꓠꓬ ꓪ ꓡꓰ ꓥꓳ ꓐꓯ ꓟ ꓡꓰ ꓐꓰ ꓟꓽ ꓢꓯꓼ ꓕꓵꓼ ꓢꓴ ꓠꓬ ꓞꓳꓸ ꓡꓰ ꓢꓲ ꓗꓸ ꓠꓯꓸ ꓢꓲ ꓗꓪ ꓜꓰ ꓒꓲꓹ ꓬꓰ ꓡ ꓥꓳ= ꓕꓲ ꓐꓱ ꓠꓬ ꓧꓪꓸ ꓡꓰ ꓓꓴ ꓔꓯ ꓠꓲꓹ ꓫꓵꓽ ꓖꓳ ꓡꓱ ꓐꓯ ꓥ ꓟꓲ ꓢꓯꓼ ꓕꓵꓼ ꓠꓲꓹ ꓟꓽ ꓫꓵꓽ ꓢꓳ ꓠꓲꓹ ꓫꓵꓽ ꓟ ꓟꓽ ꓙꓳ= ꓕꓱ ꓡꓱ ꓫꓵꓽ ꓮ ꓟꓬꓹ ꓙꓳ_ ꓡꓳ= ꓧꓪꓸ ꓡꓰ ꓓꓴ ꓐꓯ ꓟ ꓠꓬ ꓫꓸ ꓓꓴ ꓟꓷꓼ ꓓꓴ ꓠꓲꓹ ꓟ ꓫꓸ ꓓꓴ ꓮ ꓟꓬꓹ ꓛꓲ ꓔꓳꓹ ꓜꓳ ꓢꓲ ꓪ ꓡ_ ꓟ ꓔꓯ ꓧꓪꓸ ꓡꓰ ꓓꓴ ꓐꓯ_ ꓟ ꓥ ꓡꓳ= ꓧꓪꓸ ꓡꓰ ꓓꓴ ꓠꓬ ꓢ ꓢꓹ ꓡꓰ ꓪ ꓓ_ ꓟ ꓟꓽ ꓥ= ꓬꓲ ꓙꓵꓹ ꓖꓶ ꓠ ꓡꓳ= ꓢꓯꓼ ꓕꓵꓼ ꓠ ꓡꓳ= ꓢꓳ ꓣꓴ ꓠ ꓡꓳ= ꓖꓳ ꓡꓱ ꓔ ꓟ ꓑꓶ ꓓꓴ ꓞꓳ ꓡꓱ ꓐꓴ ꓢꓯꓼ ꓕꓵꓼ ꓡꓯ= ꓢꓯꓼ ꓕꓵꓼ ꓢꓴ ꓠꓬ ꓧꓪꓸ ꓡꓰˍ ꓟ ꓔꓯ ꓘꓳꓹ ꓣꓴ ꓟꓶ_ ꓥꓳ=