ꓛꓬ ꓥꓳꓽ ꓡꓰ ꓟ ꓔꓯ ꓝꓴꓲ ꓣꓷꓠꓸ ꓗꓴꓸ ꓠ ꓔ ꓡꓳ=

ꓥꓳꓽ ꓡꓰ ꓟ ꓔꓯ ꓝꓴꓲ ꓣꓷꓠꓸˍ ꓟ ꓠꓬ ꓟꓽ ꓢ= ꓥꓪ ꓚꓲ ꓛꓬ ꓥ ꓟꓲ ꓡꓳꓹ ꓬꓰ ꓟ ꓕꓲ ꓙꓵꓹ ꓗꓪ  ꓕꓱ ꓟ ꓡꓰ ꓐꓰ ꓥꓳ= ꓥꓳꓽ ꓡꓰ ꓟ ꓔꓯ ꓠꓬ ꓢꓷꓸ ꓔ ꓡ ꓐꓯ ꓥ ꓟꓲ ꓝꓴꓲ ꓣꓷꓠꓸ ꓠꓲꓹ ꓟꓽ ꓫꓵ ꓣꓳ ꓬꓰ ꓛꓬ ꓦ ꓟ ꓔꓯ ꓢꓴ ꓢꓷꓸ ꓝꓲ ꓠꓲꓹ ꓟꓽ ꓫꓵ ꓖꓳ ꓡꓰ ꓔ ꓟ ꓪꓴꓸ ꓠꓬꓲ ꓝꓴꓲ ꓟꓽ ꓣꓷꓠꓸˍ ꓔꓬ ꓗꓷ_ ꓟ  ꓦꓬꓼ ꓠꓬꓲ ꓠꓬ ꓮ ꓟꓬꓹ ꓙꓳ_ ꓡꓳ= ꓖꓳ ꓡꓱ ꓐꓯ ꓥ ꓟꓲ ꓕꓱ ꓟ ꓠ ꓥꓳꓽ ꓔꓬ ꓡꓳ= ꓚꓵ ꓚꓵ ꓐꓯ ꓠꓬ ꓢꓷꓸ ꓠꓲꓹ ꓢꓷꓸ ꓢꓴ ꓟꓬꓱꓺ ꓓꓳ ꓙꓳ ꓢꓴ ꓓ ꓢꓴ ꓐꓯ ꓠꓬ ꓥꓳꓽ ꓡꓰ ꓟ ꓔꓯ ꓬꓲꓸ ꓢꓷꓸ ꓐꓶ ꓠꓬ ꓝꓴꓲ ꓣꓷꓠꓸ ꓗꓴꓸ ꓔ ꓡꓳ= ꓥꓪ ꓥꓳꓽ ꓡꓰꓳ ꓐꓰ ꓐꓯ ꓡꓳ= ꓕꓱ ꓡꓱ ꓢꓴ ꓞꓳ ꓤ ꓠꓬ ꓟꓬꓱꓺ ꓓꓳ ꓙꓳ ꓢꓴ ꓓ ꓢꓴ ꓕꓲ ꓣꓳ ꓥ ꓡꓳ= ꓤ ꓠꓱ ꓥ ꓡ ꓐꓯ ꓡꓰ ꓞꓳ ꓟꓳ ꓥ ꓡ ꓐꓯ ꓡꓰ ꓞꓳ ꓡꓱ ꓥ ꓡ ꓐꓯ ꓡꓰ ꓣꓳ ꓛꓬ ꓗꓷ ꓟ ꓝꓴꓲ ꓔꓯ ꓣꓳ ꓢꓷꓸ ꓐꓶ ꓠꓬ ꓝꓴꓲ ꓣꓷꓠꓸˍ ꓙ ꓗꓴꓸ ꓠ ꓔ ꓡꓳ= ꓕꓱ ꓡꓱ ꓬꓰ ꓠꓬ ꓠꓴ ꓠꓽ ꓟꓲ ꓠꓯ ꓗꓪ ꓟꓬꓱꓺ ꓓꓳ ꓙꓳ ꓢꓴ ꓢꓷꓸ ꓠꓲꓹ ꓓ ꓒꓽ ꓕꓲ ꓣꓳ ꓥ ꓡꓳ= ꓣꓳ ꓥꓳꓽ ꓡꓰ ꓟ ꓔꓯ ꓢꓷꓸ ꓠꓬ ꓝꓮꓲ  ꓕꓲ ꓧꓪꓹ ꓟꓽ ꓥꓳꓽ ꓬꓰ ꓠꓹ ꓟ ꓢꓯꓼ ꓕꓵꓼ ꓡꓯ=