ꓢꓲꓺ ꓒ ꓬꓰ-ꓢꓴ ꓖꓳ ꓓꓱꓽ ꓔꓲꓹ ꓟ ꓑꓮꓲꓽ

ꓬꓳ-ꓔ ꓬꓲꓽ ꓟ ꓗꓪ ꓢꓲ-ꓒ ꓬꓰ-ꓢꓴ ꓔꓯ ꓬꓳ-ꓦ ꓡꓰ ꓖꓳ ꓓꓱꓽ ꓔꓲꓹ ꓖꓶˍ ꓟ

Sunday, January 12, 2020

12ꓸ1ꓸ2020

ꓢꓲꓺ ꓒ ꓬꓰ-ꓢꓴ ꓬꓲꓸ ꓞꓲꓼ 30 ꓘꓳꓼ ꓛꓲꓺ ꓡꓻˍ ꓕꓯ ꓙꓲꓻ ꓫꓬ ꓢꓴ ꓬꓳ-ꓦ ꓠꓬ ꓬꓴ-ꓔ ꓡꓲ ꓛꓲ ꓗꓪ “ꓠꓴ ꓪ ꓓꓵꓽ ꓙ ꓒꓳꓹ ꓡꓰꓼ ꓡ ꓠ ꓗˍ ꓡꓳ=ꓮ ꓡꓲꓳ ꓐꓯˍ ꓠꓬ ꓟꓴ ꓗꓪ ꓗꓴꓷ ꓠꓶꓽ ꓡꓻꓳ꓾ ꓐꓯ ꓢꓲ ꓟꓸ ꓖꓶꓽ ꓔꓬꓹ ꓡꓳ= ꓖꓳ ꓕꓯ ꓙꓱ-ꓣꓴ-ꓢ-ꓡꓱˍ ꓐꓰ꓾ ꓬꓴ-ꓔ ꓕꓲ ꓟꓵ ꓡꓱꓸꓼˍ ꓐꓰ꓾ ꓬꓳ-ꓔ ꓬꓲꓽ ꓟ ꓖꓳ ꓐꓽ ꓕ ꓐ ꓔꓬ ꓢꓴ ꓮ ꓙꓵ ꓠꓬ ꓬꓲ ꓪ ꓐꓴ ꓝꓴꓲ ꓔꓯ ꓣꓷꓠꓸ ꓢꓲ ꓠꓬꓲ ꓬꓳ-ꓦ ꓔꓬꓹ ꓟ ꓬꓳ-ꓔ ꓬꓲꓽ ꓟ ꓗꓪ ꓖꓳ ꓓꓱꓽ ꓔꓲꓹ ꓡˍ ꓡꓳ=

ꓒ-ꓡꓲ-ꓢꓷ ꓐꓴ ꓐꓰ ꓢ-ꓓꓴ-ꓗꓷ ꓐꓴ ꓮ ꓟꓬꓹ ꓠꓬ ꓖꓳ ꓓꓱꓽ ꓔꓲꓹ ꓠꓹ ꓟ ꓬꓲ ꓔꓯ ꓡˍ ꓟ ꓔꓯ ꓬꓳ-ꓦ ꓟꓳꓻ ꓗꓷ ꓠꓬ꓾ “ꓓꓳꓼ ꓩꓴ ꓬꓲ ꓤ ꓐꓴꓳ꓾ ꓡ ꓠꓹ ꓟ ꓦꓶ ꓠꓲꓹ ꓗꓪ ꓐꓰ ꓡꓲꓹ ꓗꓷ ꓠꓹ ꓟ ꓾ ꓮꓽ ꓟ ꓡꓰ ꓠꓴ ꓪ ꓔꓯ ꓙꓳꓺ ꓗꓽ ꓖꓶˍ ꓡ?ꓠꓲꓹ ꓟ ꓡꓶꓸˍ ꓟ ꓗꓸ ꓚꓵ ꓙꓳˍ ꓟ ꓟꓬꓱꓽ ꓬꓰ ꓓꓳ ꓡꓯ =ꓥꓪ ꓗꓸ ꓠꓯ ꓢꓲ ꓗꓪ ꓡˍ ꓟ ꓖꓳ ꓕꓲ ꓣꓳ ꓠꓬ ꓥꓪ ꓢꓶꓸ ꓟꓽ ꓞꓲ ꓪꓽ ꓠꓬꓲˍ ꓡꓳ=ꓥꓪ ꓠꓬ ꓬꓲ ꓛꓲ ꓠꓲ ꓔꓯꓹ ꓙ ꓠꓹ ꓟˍ ꓟꓲ ꓟꓽ ꓒꓵꓽ=ꓬꓲ ꓠꓬ ꓢꓲ-ꓫꓬ-ꓟ-ꓦˍ ꓐꓰ ꓮꓸ ꓔꓳꓸ ꓡꓰ ꓠꓴ ꓪ ꓔꓯ ꓔꓲꓹ ꓖꓶ ꓡˍ ꓥꓳ꓾ ꓐꓰ ꓐꓯ ꓖꓶꓽˍ ꓡꓳ=

ꓖꓳ ꓕꓯ ꓬꓰ-ꓢꓴ ꓠꓬ ꓖꓳ ꓓꓱ ꓔꓲꓹ ꓠꓹ ꓟ ꓖ-ꓡꓲ-ꓡꓲ ꓗꓪ ꓐꓰ ꓬꓳ-ꓦ ꓔꓬꓹ ꓟ ꓬꓴ-ꓔ ꓬꓲꓽ ꓟ ꓘꓶꓽ ꓗꓪ ꓛꓲ ꓡˍ ꓡꓳ=ꓬꓳ-ꓦ ꓠꓬ ꓬꓲ ꓔꓯ ꓗꓽ ꓔ ꓠꓲꓹ ꓫꓵ ꓢꓲ ꓾ ꓥꓪ ꓔꓯ ꓖꓳ ꓓꓱ ꓔꓲꓹ ꓖꓶꓽ ꓠꓯꓹ ꓢꓴ ꓠꓽ ꓠꓴ ꓥꓳ=ꓮ ꓡꓲ ꓗꓹ ꓠꓬꓲ ꓠꓴ ꓠꓬ ꓥꓪ ꓔꓯ ꓖꓳ ꓓꓱ ꓔꓲꓹ ꓝꓲ ꓠꓹ ꓟ ꓡˍ ꓡ? ꓐꓯˍ ꓡꓳ=ꓬꓰ-ꓢꓴ ꓡꓰ “ꓮ ꓟꓶ ꓠꓬ ꓥ ꓝꓲ=ꓣꓳ ꓕꓱ ꓡꓰ ꓬꓰ ꓢꓲ ꓙꓲ ꓫꓬˍ ꓟ ꓮ ꓙꓵꓽ ꓬꓰ ꓐꓲ ꓡꓰ ꓝꓲ ꓙꓲꓽ ꓙꓳˍ ꓡꓳ” ꓐꓰ ꓒꓳꓹ ꓖꓶꓽˍ ꓡꓳ=ꓬꓰ-ꓢꓴ ꓠꓬ ꓖꓳ ꓓꓱ ꓔꓲꓹ ꓟꓶ ꓢꓲ ꓬꓲꓻ ꓙꓬ ꓗꓪ ꓐꓰ ꓓꓳ ꓡ ꓟꓶꓽ ꓕꓯ꓾ ꓟꓴ ꓗꓪ ꓒꓴ ꓡ ꓢꓲ ꓪꓴ-ꓢ ꓦꓻ ꓠꓬ ꓮ ꓖꓴꓽˍ ꓡꓰ ꓐꓰ ꓬꓯꓼ ꓡ ꓢꓲ ꓠꓬꓲ꓾ ꓬꓰ-ꓢꓴ ꓔꓯ ꓥꓳꓽ ꓡˍ ꓡꓳ=ꓖꓳ ꓕꓯ ꓟꓴ ꓗꓪ ꓗꓪ ꓐꓰ ꓡˍ ꓟ ꓢꓯꓼ ꓡꓰ ꓾ꓕꓱ ꓟ ꓠꓬ ꓥꓪ ꓠꓲꓹ ꓠꓵˍ ꓟ ꓮ ꓐꓲ ꓥꓳ=ꓬꓲ ꓔꓯ ꓥꓪ ꓮ ꓘꓶꓸ ꓠꓲꓹ ꓒꓴˍ ꓡꓳ꓾ ꓐꓯˍ ꓡꓳ=ꓖꓳ ꓡꓰ ꓐꓰ ꓖꓳ ꓓꓱ ꓔꓲꓹ ꓗꓷ ꓗ ꓠꓯꓸꓼ ꓢꓲ-ꓒ ꓬꓰ-ꓢꓴ ꓠꓬ ꓬꓲꓸ ꓚꓬꓴˍ ꓟ ꓟꓬꓱꓽ ꓔꓯ ꓞꓳ ꓤ ꓮ ꓟꓬꓹ ꓟ ꓟꓲꓽ ꓙꓬꓼ ꓗꓪ ꓬꓰ ꓗꓷꓳ=ꓣꓳ ꓙꓲ-ꓢꓴ-ꓢꓲ-ꓤ ꓐꓴ ꓮ ꓙꓵ ꓥˍ ꓟꓲ꓾ ꓢꓲꓽ ꓫꓬ ꓟ ꓦ ꓐꓰ ꓕꓲꓽ ꓪꓺꓽ ꓟꓵꓽ ꓗꓳꓹ ꓓꓵꓺ ꓓꓵꓺ ꓗꓪ ꓙꓰ ꓢꓲ꓾ ꓶꓼ ꓓꓳꓽ ꓫꓱꓹ ꓓꓳꓽ ꓚꓺ ꓒꓬꓱꓻ ꓙꓰ ꓠꓹ ꓟ ꓟꓬꓱꓽ ꓔꓯ ꓘꓳꓹ ꓣꓴˍ ꓟ ꓣꓳ ꓐꓴ ꓖꓳ ꓓꓱ ꓔꓲꓹ ꓟ ꓦꓬꓼ ꓠꓬꓲ ꓔꓯ ꓮ ꓕꓯˍ ꓟꓲ ꓓꓵꓽ ꓙ ꓔ ꓠ ꓗˍ ꓡꓳ=