ꓬꓲꓸ ꓛꓳ ꓒꓯꓹ ꓬꓰ ꓠꓲꓹ ꓫꓵ ꓢꓴ ꓔꓯ ꓤꓹ ꓠꓬꓲˍ ꓟ (reflection)

ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓗ, ꓛꓲˍ ꓟ ꓠꓯꓼ ꓠꓯꓼ ꓕꓲꓽ ꓙꓵ, ꓒꓬꓱꓼ ꓡ ꓝꓲ꓿ ꓠꓬꓲ. ꓠꓬꓲ ꓟ ꓟꓬꓱꓽ ꓟꓽ ꓬꓰ ꓧꓶ. ꓕꓯ ꓔꓯ ꓣꓳꓽ ꓪꓴ‐ꓢ ꓐꓯ ꓘꓶꓽ ꓔꓯ ꓕꓲꓽ ꓕꓱ ꓠ ꓠ, ꓓꓴ ꓬꓰ ꓡꓯ꓾…….

ꓐꓯ ꓧꓪ. ꓘꓶꓽ ꓕꓲꓽ ꓘꓶꓽ ꓙꓳˍ ꓡꓳ꓿ ꓣꓳꓽ ꓚꓲ. ꓛꓬꓼ ꓠꓲ, ꓟ ꓠꓯ. ꓗꓪ ꓓꓳꓺ ꓡ ꓟ ꓥ ꓕꓯ ꓑꓳ. ꓔꓯ ꓕꓽ ꓖꓼ ꓛꓳ꓾ ꓐꓰ ꓐꓯ ꓡꓳ꓿ ꓔꓱ, ꓜꓳꓽˍ ꓟ ꓗꓪ ꓐꓰ  ꓐꓯ ꓟ ꓥꓳ꓿ ꓮ ꓡꓰꓳ ꓐꓯ ꓠꓬ ꓣꓳꓽ ꓠꓲ, ꓟ ꓠꓯ.ꓼ ꓗꓪ ꓐꓰ ꓓꓳꓺ ꓡ ꓟ ꓠꓬ ꓕꓲꓽ ꓠꓬꓲ ꓕꓲꓽ ꓠꓬꓲ ꓟꓽ ꓫꓱ. ꓡꓯ ꓘꓳ꓿ ꓟꓶꓽ ꓛ ꓛˍ ꓕꓯꓽ ꓕꓲꓽ ꓙꓰꓽ꓾ ꓟꓶꓽ ꓦ ꓡꓲˍ ꓕꓯ ꓕꓲꓽ ꓙꓰ꓾ ꓙꓬꓺ ꓝꓲ. ꓕꓯ ꓕꓲꓽ ꓙꓰ ꓕꓱ ꓡꓱ ꓐꓰ ꓕꓲꓽ ꓠꓬꓲ ꓕꓲꓽ ꓠꓬꓲ ꓟꓽ ꓫꓱ. ꓡꓯ ꓘꓳ ꓘꓳ ꓐꓰ ꓒꓳꓹ ꓡꓶ. ꓔꓬ, ꓟ ꓥ ꓡꓳ꓿

ꓖꓳ ꓡꓱ ꓠꓬꓲ ꓣꓳ ꓠꓬ ꓮ ꓕꓯˍ ꓟꓲ ꓕꓶ ꓞ ꓓˍ ꓟ ꓪꓴ‐ꓢ ꓐꓯ ꓘꓶꓽ ꓗꓪ ꓐꓰ ꓛꓳ ꓫꓱꓽ ꓠ ꓗˍ ꓡꓳ꓿ ꓟꓴ ꓗꓪ ꓐ. ꓥˍ ꓟꓲ꓾ ꓟꓶꓽ ꓦ ꓡꓲˍ ꓥˍ ꓟꓲ ꓮ ꓡꓰ ꓗˍ ꓟꓲ ꓣꓳꓽ ꓬꓰ ꓙꓲꓽ ꓙꓳˍ ꓟ ꓔꓯ ꓬꓰ ꓠ ꓗˍ ꓡꓳ꓿ ꓟꓴ ꓗꓪ ꓟꓲ ꓠꓯ ꓔꓯ ꓡꓳ. ꓢꓲ. ꓠꓬꓲ ꓟꓬꓱꓽ ꓕ ꓬꓰ꓿ ꓪꓴ‐ꓢ ꓐꓯ ꓘꓶꓽ ꓔꓯ ꓡꓳ. ꓢꓲ. ꓡꓰ ꓟꓬꓱꓽ ꓬꓰ꓿ ꓕꓲꓽ ꓖ ꓕꓲꓽ ꓧꓪꓹ ꓣꓳꓽ ꓠꓬ ꓙꓲˍ ꓟ ꓔꓯ ꓢꓷ. ꓥˍ ꓟꓲ ꓖꓼ ꓛꓳ ꓟꓽ ꓐ ꓡ ꓫꓵꓽ ꓮ ꓟꓬꓹ ꓙꓳˍ ꓡꓳ꓿ ꓕꓳ ꓡꓱ ꓚꓲ. ꓛꓬ ꓠꓲ, ꓡꓶꓽ ꓐꓰ ꓪꓴ‐ꓢ ꓠꓲ, ꓡꓶꓽ ꓙꓵꓻ ꓡꓯ ꓘꓳˍ ꓕꓯ ꓣꓳꓽ ꓠꓲ, ꓡꓶꓽ ꓔꓯ ꓡꓳ ꓩꓴ ꓗꓷ꓿ ꓮ ꓡꓲꓳ ꓐꓯ ꓠꓬ ꓣꓳꓽ ꓠꓲ, ꓡꓶꓽ ꓠꓬ ꓕꓲꓽ ꓑꓹ ꓤ ꓡꓰꓽ ꓥꓳ꓿ ꓣꓳꓽ ꓔꓯ ꓙꓲˍ ꓟ ꓬꓰ ꓖꓶ ꓟꓽ ꓐ ꓡ꓿ ꓢꓲ ꓒ ꓠꓲ, ꓡꓶꓽ ꓡꓰꓽ ꓛꓳ꓾ ꓕꓱ ꓡꓱ ꓬꓰˍ ꓠꓬ ꓮ ꓕꓯˍ ꓟꓲ ꓙ ꓖꓴ ꓟꓶꓽ ꓬꓰ ꓟꓽ ꓓ ꓟ ꓥꓳ꓿

 “ꓥꓪ ꓗ. ꓠꓯ ꓛꓳ ꓢꓴ ꓠꓬ ꓚꓲ. ꓛꓬ ꓠꓲ, ꓡꓶꓽ ꓔꓯ ꓟꓽ ꓛꓳ ꓛꓳ ꓐꓰ ꓪꓴ‐ꓢ ꓠꓲ, ꓡꓶꓽ ꓔꓯ ꓛꓳ” ꓐꓰ ꓢꓲ ꓒ ꓕꓵꓼ ꓪ ꓖꓶꓽ ꓔ ꓡꓳ꓿

  ꓬꓲ ꓤ ꓠꓬꓲ ꓤ ꓐꓴꓳ꓾ ꓠꓬꓲ. ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓓꓯꓹ ꓟ ꓡꓰ ꓐꓰ꓾ ꓣꓳꓽ ꓬꓰˍ ꓟ ꓟꓬꓱꓽ ꓮ ꓙꓵꓽ꓾ ꓓꓵꓽ ꓙˍ ꓟ ꓮ ꓙꓵꓽ ꓠꓬ ꓕꓲꓽ ꓞꓲꓼ ꓕꓲꓽ ꓑꓺ ꓟꓴ ꓗꓪ ꓗꓴꓷꓼ ꓗꓪ ꓧꓳꓽ ꓙꓰ ꓐ ꓡ ꓟ ꓟꓬꓱꓽ ꓟꓽ ꓥ ꓠꓬ꓾ ꓬꓲ. ꓬꓰ ꓢꓲ ꓟꓽ ꓙꓳ꓿ ꓖꓳ ꓡꓱ ꓠꓬꓲ ꓣꓳꓽ ꓬꓰˍ ꓟ ꓥ ꓕꓯ ꓑꓳ. ꓪꓴ‐ꓢ ꓣꓱꓽ ꓛꓰꓽ ꓟꓶ ꓠ, ꓟ ꓪꓴ‐ꓢ ꓠꓲ, ꓡꓶꓽ ꓛꓳ ꓡꓯ꓿